Salmow 30
30
Myttin 6
SALM 30.
Exaltabo te, Domine.
1My a'th ughelha, A Arloedh, rag ty re'm drehevis : ha ny essys ow eskerens dhe lowenhe a'm govis.
2A Arloedh ow Duw, my a grias warnas : ha ty re'm yaghhas.
3A Arloedh, ty re dhrehevis ow enev yn-bann dhiworth ifarn : ty re'm bewhas, ma na ylliv yn-nans dhe'n pytt.
4Kenewgh gormola dhe'n Arloedh, hwi y syns ev : ha grassewgh dh'y Hanow sans.
5Rag ny dhur y sorr saw pols byghan; yn y ras yma bewnans : oelva a dhur dres an nos, mes lowena a dheu y'n myttin.
6Ha my, my a leveris y'm sewenyans : ‘Ny drebuchyav vy nevra.’
7Y'th tader, A Arloedh, ty a wrussa dhymm sevel avel menydh krev : mes ty a gudhas dha fas, ha dyegrys veuv.
8Warnas jy, A Arloedh, y helwis vy : hag orth an Arloedh y hwrugavy govynnadow.
9Py gwayn a vydh y'm goes pan av vy yn-nans dhe'n pytt : a vydh an doust orth dha wormel, a vydh ev ow terivas dha wirder?
10Klew, A Arloedh, ha bydh grassyes orthiv : A Arloedh, bydh ow gwereser.
11Ty re dreylyas ow hynvann dhe dhons : ty re dhiwiskas ow yskar ha'm grogysa gans lowender.
12Rakhenna ow enev a gan gormola ha ny dew : A Arloedh ow Duw, my a'th wormel bys vykken.
Currently Selected:
Salmow 30: ASK
Highlight
Share
Copy
Want to have your highlights saved across all your devices? Sign up or sign in
© Kesva an Taves Kernewek 1997, 2019
© Cornish Language Board 1997, 2019
