PANURIRANG JESAYA Bindu 15
Bindu 15
Panurirangon dompak Moab (6:15-16). Andung ni angka ni isi ni huta di Moab ala ni sange ni hasisiapna 1-9.
(Patud. Jer 48:1-47)
1Uhum madabu tu * Moab. Tongon do borngin i do ditaban Ar-Moab, tung siap do. Tongon do borngin i do ditaban Kir-Moab, tung siap do. #* Sep 2:8-11 2Nangkok ma tutu jolma tu joro dohot tu Dibon, huhut tumatangis tumopot sombaon i; mangangguhi do Moab di atas ni Nebo dohot Medeba; * saluhut ulunasida targorbang, jala saluhut mise digansipi. #* Hes 7:18 3Marulos tangki nasida mardalan di alamanna, mangangguhi be do angka na mijur sian * tarup dohot sian bonggarbonggar, huhut tumatangis. #* Jes 22:1 4Jala mangangguhi Hesbon dohot Eleale, tolhas ro di Jahas tarbege soaranasida. Dibahen i mangandungi angka parangan ni Moab, ai maras do rohana. 5* Mangangguhi do rohangku taringot tu Moab, tolhas ro di + Soar, lombu sitolutaon, angka na maporus sian nasida, ai sai tumatangis manangkohi nangkohan Luhit, ai di dalan tu Horonaim tarbortik do angguhangguk ni hasiapon. #* Jes 16:9-11; + 1Mus 19:20; Jer 48:34 6Ai nunga marsik angka batang aek sian Nimra, nunga malos duhutduhut, siap suansuanan, ndang adong be ingkau rata. 7Dibahen i tagirtagir ni na niomonasida dohot ugasan na pinajopna tu bariba ni batang aek, parbalohan tungkan Moab ditaruhon. 8Ai humaliang sandok Moab tarbege soara angguk, tolhas ro di Eglaim dohot Beerelim tarbege partangisnasida i. 9Ai gok mudar angka aek Dibon, ganda sian i dope uhum bahenonku tu Dimon, angka na malua sian Moab, singa i manganhon, ro di pasipasina isi ni tano i.
Currently Selected:
PANURIRANG JESAYA Bindu 15: BBC
Highlight
Share
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.