PANURIRANG JESAYA Bindu 12
Bindu 12
Pujipujian ni bangso ni Debata na malua i 1-6.
1Jadi dohononmu ma di ari na sasada i: Mauliate ma ahu tu ho, ale Jahowa, ala dirimasi ho ahu, alai nunga marpamuati rimasmu, jala nunga diapuli ho ahu. 2Ida ma, Debata do hatuaonku, Ibana huhaposi, jadi * ndang mabiar ahu, ai + Tuhan Jahowa do hagogoonku dohot pujipujianku dohot manjadi hatuaon di ahu. #* Ps 56:5; + 2Mus 15:2; Ps 118:14 3Jadi marlas ni roha hamu manahui aek sian * mual ni hatuaon. #* Ps 46:5; Sak 13:1; Joh 7:37 4Jadi dohononmuna ma di ari na sasada i: * Puji hamu ma Jahowa, jala jou hamu ma goarna, pabotohon hamu angka jadijadianna di tongatonga ni angka bangso, jamitahon hamu goarna na timbul i. #* 1Kron 16:8; Ps 105:1, 125:1 5Endehon hamu ende pujipujian tu Jahowa, ai nunga dijadihon halongangan, sibotoon ni liat portibi on sogot. 6Marolopolop jala mariaia ma ho, ale isi ni Sion, ai timbul do di parsitongaanmi na badia ni Israel.
Currently Selected:
PANURIRANG JESAYA Bindu 12: BBC
Highlight
Share
Copy
Want to have your highlights saved across all your devices? Sign up or sign in
Batak Toba Bible Revised Edition © Indonesian Bible Society, 1998.