યશાયા 11
11
શાંતિનું વિશ્વ-રાજ્ય
1યિશાઈના ઠૂંઠામાંથી ફણગો ફૂટશે, ને #પ્રક. ૫:૫; ૨૨:૧૬. તેની જડમાંથી ઊગતી એક ડાળીને ફળ આવશે.
2યહોવાનો આત્મા, સુબુદ્ધિ તથા
સમજનો આત્મા,
વિવેકબુદ્ધિ તથા પરાક્રમનો આત્મા,
જ્ઞાન તથા યહોવાના ભયનો આત્મા
તેના પર રહેશે.
3તે યહોવાના ભયમાં હરખાશે;
અને પોતાની આંખે જોયા પ્રમાણે
તે ઇનસાફ કરશે નહિ,
ને પોતાના કાને સાંભળ્યા પ્રમાણે
તે નિર્ણય કરશે નહિ.
4પણ ન્યાયીપણાથી તે નિરાધારનો
ઇનસાફ કરશે,
ને નિષ્પક્ષપાતપણે તે દેશના દીનોના
લાભમાં યથાર્થ નિર્ણય કરશે;
અને #૨ થેસ. ૨:૮. પોતાના મોંની સોટીથી
તે જુલમીને મારશે,
ને પોતાના હોઠોના શ્વાસથી
તે દુષ્ટોનો સંહાર કરશે.
5 #
એફે. ૬:૧૪. ન્યાયીપણું તેનો કમરપટો,
ને વિશ્વાસુપણું તેનો કમરબંધ થશે.
6તે વખતે #યશા. ૬૫:૨૫. વરુ તથા હલવાન સાથે રહેશે,
ચિત્તો લવારા પાસે સૂશે;
વાછરડું, સિંહ તથા માતેલાં ઢોર
એકઠાં રહેશે;
અને નાનું છોકરું તેઓને દોરશે.
7ગાય તથા રીંછ સાથે ચરશે;
તેઓનાં બચ્ચાં ભેગાં સૂશે;
અને સિંહ ઢોરની જેમ ઘાસ ખાશે.
8ધાવણું બાળક સાપના દર પર રમશે,
ને ધાવણ છોડાવેલું છોડાવેલું છોકરું નાગના
રાફડા ઉપર પોતાનો હાથ મૂકશે.
9મારા આખા પવિત્ર પર્વતમાં
કોઈ પણ ઉપદ્રવ કરશે નહિ,
તેમ વિનાશ કરશે નહિ;
કેમ કે #હબા. ૨:૧૪. જેમ સમુદ્ર પાણીથી ભરપૂર છે,
તે પ્રમાણે પૃથ્વી
યહોવાના જ્ઞાનથી ભરપૂર થશે.
બંદીવાસીઓ પાછા ફરશે
10તે સમયે #રોમ. ૧૫:૧૨. યિશાઈનું જે થડ લોકોને માટે ધ્વજારૂપ ઊભું છે, તેની પાસે આવવાને વિદેશીઓ શોધ કરશે; અને તેનું રહેઠાણ મહિમાવંત થશે.
11તે સમયે પ્રભુ પોતાના લોકોના શેષને મેળવવાને માટે, એટલે જેઓ બાકી રહેલા છે તેઓને આશૂરમાંથી, મિસરમાંથી, પાથ્રોસમાંથી, કૂશમાંથી, એલામમાંથી, શિનારમાંથી, હમાથમાંથી તથા સમુદ્રના ટાપુઓમાંથી મેળવવાને માટે ફરી બીજી વાર પોતાનો હાથ લાંબો કરશે. 12વિદેશીઓને માટે તે ધ્વજા ઊંચી કરશે, ને ઇઝરાયલના કાઢી મૂકેલાને એકત્ર કરશે, ને યહૂદિયાના વિખેરાઈ ગએલાને પૃથ્વીની ચારે દિશાથી ભેગા કરશે. 13વળી એફ્રાઈમની અદેખાઈ મટી જશે, ને યહૂદાને પજવનારાને નાબૂદ કરવામાં આવશે; એફ્રાઈમ યહૂદાની અદેખાઈ કરશે નહિ, ને યહૂદા એફ્રાઈમને પજવશે નહિ 14તેઓ ઊડીને પશ્ચિમમાં પલિસ્તીઓની ખાંધ પર ઊતરી પડશે. તેઓ એકત્ર થઈને પૂર્વની પ્રજાઓને લૂંટશે. તેઓ અદોમ તથા મોઆબને હસ્તગત કરશે; અને આમ્મોનીઓ તેઓના હુકમ માથે ચઢાવશે. 15યહોવા મિસરના સમુદ્રની જીભને સૂકવી નાખશે; અને #પ્રક. ૧૬:૧૨. પોતાના ઉષ્ણ શ્વાસથી તે નદી પર પોતાનો હાથ હલાવશે, ને તેને મારીને સાત નાળાં કરશે, અને લોકો જોડા પહેરીને પાર જશે. 16જેમ ઇઝરાયલને માટે તેના મિસરમાંથી ઉપર આવવાના સમયમાં હતી, તેવી સડક આશૂરમાંથી તેના લોકના શેષને માટે થશે.
Currently Selected:
યશાયા 11: GUJOVBSI
Highlight
Share
Copy
Want to have your highlights saved across all your devices? Sign up or sign in
Gujarati OV Reference Bible - પવિત્ર બાઇબલ
Copyright © Bible Society of India, 2016.
Used by permission. All rights reserved worldwide.
