St. Mark 16
16
Tghachyestla keneti edzetaiti matgha.
1Kwa Menejitti Dzinee kawohtzut tsi, Mary Magdalene, kahchu Mary James ma kahchu Salome, ataghaghila yu natunetgha tsehklutti, kwa yuhchighatatyel ate yu ihe kiyuhklukooh. 2Kwa o-ochi hatse hatlindo ooli hatse dzinee, koohnioonizutooh natine kwa otsighatestyetl sa niiya tsi. 3Kwa toowe hlaghatati, Mea tsye yughail aoontye natine kwa tustla otsi? 4Kwa koo ookahanehtghachi, oogha-ih tsye achuhchi nichunihailo: o-ochi ghinchai ihe. 5Kwa kweghaghintyetlooh natine kwa oota, kiya-ih ehlaiti uskye noohtichintye chisinchi sata, tasata natyesooh makestue takulooh; kwa oonighanintyetl. 6Kwa toowe yehti, Atu oonighahtyel: Minkhanatgha Jesus Nazareth otsi tatyezutti, klaniai nichanihtyiii: tsitike ghinta-ih; atu chode ali: nea nighanihtyintiii. 7Ahwole ootahtah, yaotatichne tatahtih Peter chu naghaghadesha Galilee tsi: ayiti wahiiissi, naghatatyakehe. 8Kwa kwete khooghatastyetl, kahchu natine kwa otsi tsintestyetl; yaghatilonlon ihe kahchu khaooghali ihe: kahchu atuline atula kehe akiyehti; oonighanintyetlon ihe.
9Kootoo Jesus niiyaii kwete hatse dzine tsiwatselhu, hatse yuhniya Mary Magdalene, ayi taiuchi atsinde metselihi yazi otsi hayateha-ii. 10Kwa yatatilon ayine yehkyatehchiine, tsukye atu yaghita zahtgha kahchu ghutsakooh. 11Ooh ahatane, ooghatitsuk tsi ghata, kahchu ya-ilon atu a kooghati.
12Ayi keh yuhniya achu akehe onketye aghatane ihe, ghataihlu zahtgha, achu tike tsi otsighataihlu. 13Kwa kitati achune: kahchu ama kiyehti ayine.
14Atyechi yuhniya keneti ehlaiti matgha aline ghiskye eghehta ootye, kwa yachiotatyech majih oontooei kha kahchu yadzye natsutti kha, atu a kiyuti ihe ayi yakehtghaii tsitike nesta. 15Kwa toowe yehti, Otsitahtyel tike okehe, kahchu matatahti otich oochu anetye tane. 16Ayi a kootyeti kahchu tumakechaghinkliti nachawohtyezi; ahwole yaghi atu a kootyeti chahta chuleesi. 17Kahchu tidi yachanahai yakeh ootoohsitassi ayine a kootine; Sindizi ihe kehchi ghakitoolelassi atsinde metselihi; ooghatootyehchassi atsoodi koondi ihe; 18Nootuze nighatoohtyelassi; oolita tughato ate chu azetse ahi, atu kootoohtihassi; kikatootiassi yatitihne, kwa oochu nakiyaoohteissi.
19Kwa Naghaghatai sakyedesutooh, yatai otsi nichatihtyi, kahchu sata-ih Nagha Tgha noohtichintye. 20Ahwole achughatestyetl, tike okehe tane chiwoghatihi ihe, Naghaghatai kahkeooghatihchoo, kahchu sa natsut oola kaootsooli chu intghaninkhi. Amen.
Currently Selected:
St. Mark 16: BEA1886R
Highlight
Share
Copy
Want to have your highlights saved across all your devices? Sign up or sign in
first published by the British and Foreign Bible Society (BFBS), 1886.
