Joannostir 15
15
Džeļ, 15.
1Me isom lašņo vinosko kašt, ne Dād Mīro vinengo — barjakīro.
2Svako ke Me zaro#15, 2 veķvos. sav nadojanela barjakīrdo, Jov otčhinela; te svako, sav janela barjakīrdo, otčistini, sobi butedīr medojanel bārjakirde.
3Tume uže otčistakirde druho lav; savo Me vilidžijom rakirindoi tumenge.
4Iačen an Mange, te Me an tumenge. Sir zaros našti dojanel barjakīrdo kokoro pesa, ja najāla ke vinosko kašt, te jake tume, ja najāna an Mange.
5Me isom vinosko kašt, ne tume zari; kon jačela an Mange, te Me an leske, dova dojanela būt barjakīrde; hai be Mīro tume našti kēren niso.
6Kon najačela an Mange, avri thurdīno jāla, sir zaros, te zašučola; ne dasai zari zakedena te thurdena ane jāg, te jone zahačona.
7Keļi tume jačena an Mange te lava Mīre an tumenge jačena, dova so feņu kamena tume, mangen, te jāla tumenge.
8Dolesa prolavinipes Dād Mīro, keļi tume dojanena būt barjakirdo, te jāna tume Mīre sikļaibnangīrenge.
9Sir miļindža Dād Man, te Me tumen miļidžom; jačen an Mīro miluma.
10Keļi Mīre dophenibena tume rakhena, jačena tume an Mīro miluma, sir nin Me rakšom dophenibena Mīre Dādeskire te jačava an Leskīro miluma.
11Dava Me phendžom tumenge, raduma Mīro an tumenge jačela te raduma tumāro jāla phečkirdo.
12Dava isi Mīro dopheniben, milinen jek vavres, sir Me milidžom tumen.
13Nāni butir do milumastir, sir ja kon čhuvela džīben peskīro vaš peskīre pšečeļenge.
14Tume pšečeļi Mīre, ja vikērna dova, so Me dophenava tumenge,
15Me uže nadava goli tumen bučkīrdenge; hai bučkīrdo nadžinel, so kērla raij leskīro; ne Me dijom goli tumen pšečeļenge vašo dova so phendžom tumenge sāro, so šundžom Mīre Dādestir.
16Na tume Man vilīne, ne Me tumen vilījom, te čhudžom tumen, sobi tume medžan te mejanen barjakirdo, te sobi barjakirdo tumāro mejačel, mejāl,. so feņu pomangena Dādestir an Mīro lav, Jov dela tumenge.
17Dava dophenava tumenge, feņu miļinen jek vāvres.
18Ja svetos tumen naiedikhela, džinen, so Man vāgo tumendīr naiedikša.
19Ja tume javnesis svetosstir, togi svetos miļindžasis peskīro: ne jake sir tume nasvetosstir, ne Me vilijom tumen svetosstir, vašodova naiedikhela tumen svetos.
20Lipiren lav, savo Me phendžom tumenge: bučkirdo nāni bāredīr peskīre rastir, ja Man trādīne, trādena tumen nin; keļi Mīro lav rakhle, rakhena tumāro nin.
21Ne sāro dova kērna tumenge vaš Mīro lav, vašo dova so nadžinen Mīres bičaibnaskīres.
22Keļi Me najāvdžomas te narakirdžomas lenge, togi najavdžasis lenge grehos; ne kana nāni lenge otpheniben an pengo grehos.
23Kon Man naiedikhela dova naiedikhela Mīre Dādes.
24Keļi Me nakērdžomas maškir lenge kēribena, saje nikon vār nakērdža, togi najālas lenge grehos; ne kana dikhle, te naiedikhle Man te Mīre Dādes.
25Ne mejālpes lav, sav isi čhindlo an lengo dopheniben: naiedikhle Man niva šo (David. gil. 68, 5).
26Kedi javela iehoķņakirbnaskīro, Sajes Me bičavava tumenge Dādestir, lašņo Duhos, Savo Dādestir vijavela, Jov švatkinela Mandir.
27Ne i tume švatkinena, vašo dova so tume pšeršumastir Mansa.
Currently Selected:
Joannostir 15: LET1933
Highlight
Share
Copy
Want to have your highlights saved across all your devices? Sign up or sign in
© British and Foreign Bible Society 1933, 2016
