John 16

CHAP. XVI.

Christus shakonigonghraghnirats ne Raotyonghkwa nene tsinenhonwaderighwaghrotsten, ne tsi washakorharatstenni ne Ronigonghriyoston.

1Ne kengayen ne wakwaghtharaghkwen, nene; yaghten aontayetshighswadènni. 2Enyetshiyadinnegenwe ne synagogue; togenske, enwaderihwihhewe, nene onghka kiok enyetshiryoh, enghrerhek wahhiríwawase ne Yehovah. 3Ok ne kengayen enyetshiyerhak ne aoriwa tsi yaghten wahhonwayenderhen ne Ranihha, yagh oni nʼIih-ten wa-onkyenderhen. 4Ok ne kengayen ne wakwaghròri, nene ethone enwaderighwihhewe, aonteseweghyàreke, tsi wakwaghreri ne etho. Ok yagh etho ten wakwayeràse tsi tontyerenghte, ne, wahhone wadògen iddewesgwe. 5Ok onen nonwa etho sakeghte raonhhage nene rakhenha-on, ok yagh onghka tsinitsyon teghskwarighwanòndonse, kàh waghse? 6Ok ne aoriwa tsi ne kengayen wakwarihhokten, nene kanhàdon yeyoyendàon ne sewaryaghsagon. 7Ok sane ne ne togensketsera ne kwaghròri; ise sewayannerenghsera nene eren enskeghte: iken togat yagh eren tʼaonsàkegh, ne Kanigonraghseronyatha yaghten enghtsisewayadòrenne, ok denghnon togat eren aonsakeghte, enhinhane nene etho enreghte isege. 8Ok ne onen íron, enshakorighhodaghsyase ne? Ongwe ne karighwanneraksera, ne atterighwagwasyonsera oni ne tekayadoreghtsera: 9Ne karighwanneraksera, ne wahhone yaghtem tehoneghtaghkon Iihne; 10Ne atterighwagwarighsyonsera, ne wahhone Ragenihne wakeghte, ok yagh òya tʼaonseskwatkaghtho; 11Nene tekayadoreghtsera, ne wahhone ne ronwakowànen ne ken yoghwhentjade wathonwayadòreghte. 12Sʼhegon èso wakeríwayen ne enkwaghròri, ok yaghten ensewagweni nonwa tsinikarihhotense. 13Ok sàne, ne onen raonhha, ne ne aonigonra ne togenskètsera, enrawe raonhha enghtsisewennderoghne tsi karswayen agwegon ne togenskètsera: iken yagh ne ok raonhha raonigonra tsin enthàyere; ok tsiok nahhoten enhothondeke, ne enthawenninnegenghthak: oni enghtsisewanadonhek tsi nahhò-tense niyawenghserene. 14Raonhha enhakeglòriste: iken enhoyendane ne akwàwenk, oni enghtsisewanadonheke nʼetho. 15Yorighwagwegon ne ne Ranihha royen, Iih naah akwawenk: ne kadi wahhone wàken, nene enhayèna ne akwawenk, oni ne enghtsisewanadonheke. 16Neyorighwefia ok yaghten aonteskwakàner-eke: ok àre neyorighwessa, ok enseskwàken, ne wahhone Ragenihne wakeghte. 17Ethone oddyake ne raotyonghkwa wahondadderighwanondonyon, oghne gen nahhoten shongwènni, neyorighwissa, ok yaghten aonteskwakànerek: ok àre neyorighwessa ok enseskwatkaghtho: ok ne wahhone etho wakeghte Ranihne: 18Wahhoniron kadi, oghnahhoten ne ken ràdon, ne yorighwessa, yaghten yaweght enyakwahhèwe tsi nahhoten ireghre. 19Ok Jesus roderyendare tsi ronadondaghkwani ne enhowarighwanondonse, oni wahshakawenhaghse, tsyadadderighwanondonyon ken tsiniwakyèreh, neyorighwessa ok yaghten aonteskwakànerek: ok àre, neyorighwessa ok enseskwatkaghtho? 20Agwagh togenske, togenske wakwenhaghse, nene ise ensewatstarhonyon oni entesewaghsennthoghsere, ok ne ongwe enhondonharake; ok en-sewanhadonseke, ok denghnon ne sewanhadòntsera addonweshenghtsera ensòndon. 21Ne onheghtyen, neonen wadewedoníre yonhàdonse tsini yoronghyàgen, ne wahhone tsi onen waonderighwihhewe: ok denghnon kawenniyoh ne yodewedon ne eksa, yaghten saweghyàrase tsini yoronghyàgent, tsini waondonwsson tsi ronakeràton ne ongwe ne oghwhentjage. 22Ok ise kadi nonwa sewarìwayen ne kanhàdon: ok denghnon nʼIih sʼhegon ensekwatkaghtho, ok enwadonnharen ne sewanigonra, ok ne sewaddenweshenghtsera yagh onghka ne ongwe tʼenyetshighkwenni. 23Ok nʼetho weghniseràde yagh othènon tʼaghs-kwarighwanekha. Agwagh togenske, togenske wakwenhaghse, tsiok nahhoten enghtsisewarigh-wanekha ne Ranihha aksennagon, enghtsisewawigh naah. 24Tsinahhe nonwa yaghothènon ten sewarighwannegenni aksennagon: sewannekha, oni ensewayena, nene aontakayèrine ne sewaddonweshenghtsera. 25Ne kengayen wadennageraghtaghkwanyon tewakatyeràton tsi kwawennarà-on: ok, enwaderighwihhewe neonen yagh sʼhegon wadennageraghtaghkwanyon tʼaonkatyèrat tsinenkwawènnarane, ok denghnon enkwanadonhaghse yateyorighwadogenghdon tsini horighhòten ne Ranihha. 26Etho enweghniseradek aksènnagon onsewarighwannegha: yagh oni ten wakwènni nene enhiyenidenghthen ne Ranihha ise sewaríwa: 27Iken ne Ranihha eghtsisewanoronghkwa, ne wahhoni tsi takwanoronghkwa, ok oni tsi teseweghtaghkon tsi Yehovaghne tewakyagè-on. 28Etho tewakenon Ranihne ok oghwhentiage wakwà-este: ok àre éren wakeghte ne oghwhentjage, ok rakenihne sàkeghte. 29Ne raotyonghkwa wahhonwenhaghse, etho, onen nonwa yateyorighwadogenghton tsi faghthare; yagh ne ten satyeràton ne wadennageraghtaghkwanyoh. 30Onen nonwa wa-ongwadogense yeyoddoge-on, tsi agwegon serighwayendèri, yagh oni teyodonghwhenjohhon onghka ne ongwe enyesarighwanòndonse; etho niyought tsi teyakweghtaghkon nene Yehovaghne tesayenghtaghkwe. 31Jesus saghskakawenhaghse, onen ken nonwa teseweghtaghkon? 32Tsyatkaghtho, enwaderighwihhewe, onen wahhy, nonwa watkayèrine, nene enyetshirenyàden neyadeyongwedage tsinonwe sʼhakoaonghkwèson, oni enghsgwayadòndi: ok sàne yagh akonha degen, ne wahhone ne Ranihha yàkenese. 33Ne ken ne karihhotense wakwaghròri, ne ne Iihne aontesewayanerenghserayendak. Nene oghwhenjage ensewayendak ne yoronghyakenghsera: ok denghnon sewanigonraghnironhak; onen wakeshennyon ne kengh yoghwhentjàde.

Currently Selected:

John 16: MOH1804

Highlight

Copy