John 12

CHAP. XII.

1Ethone yayak ne weghniferage arekho sontewaderighwihhewe nene eren waondoagoghte, Jesus warawe ne Bethani, tsirenndetondaghkwe ne Lazarus, nene rawenhhèyoghne, neoni ne shoketsgwen tsihawenhhéyon. 2Etho nonwe wahhowahkonyon ne tyokaraska, oni Martha wa-ontsterist: ok Lazarus naah tsinihadi ne wadògen wahhontye tsi kàhkwahraghkwe. 3Ethone wàtkaghkwe ne Mary skakonghtserat ne ne kanonghkwatseròten ne spikenard, nene, agwagh kanòron, oni wakarhon ne raghsíge Jesus, ne aononghkwiss ne wa-erakéwenghte ne raghsige: ne kanonghsagon agwagh wakanànon tsinikaseròten ne ononghkwa. 4Ethone wahhenron sʼhayadat ne raotyonghkwa, Judas Iscariot, Simon roye-ah, raonha ne yawèron enhonikonghràsere. 5Oghne yotyèren yaghten yakodenghnínon ne ken ononghkwa aghsen tewennyawe pennys sadenyonènon, oni aonteyondaddawi ne yakodenght? 6Yagh ne ten hawen tsinisʼhakonikònrare ne yakodenght; ok denghnon ne aoriwa tsi ranenghsgwas, oni tsi rahhawe ne kàyare, ok oni tsinàhhòten nʼetho wa-èyen. 7Ethone Jesus wahhenron, yaweronhatyé nissa: ne se tsinenwadeghniserihhewe tsinenyonkyadathen ne yoghsennòni ne kengayen. 8Iken ne yakodenght tiutkon wadògen ifewese; ok denghnon niih yagh tiutkon ten iddewese. 9Eso kadi ne ongwe ne Jewshaga rodidogènse tsi etho yèresgwe; oni wahhonewe yagh ne ok ne Jesus raoriwa, ok denghnon oni nene aontehonwatkaghtho Lazarus, nene sʼhoketsgwen tsi rawenhheyoghne. 10Ok ne radikowanenghse Cohenàson wathadiyadòreghte, tsina-àwen aontehowaryoh oni ne Lazarus; 11Ne wahhoni tsi raonha wahhorihhòni yawetowànen ne Jewshaga egh wahhoneghde oni wathoneghdaghkon ne Jesus.

12Tsi-wa-orhenne yawetowànen ne ongwe nene egh tʼhonàdi tsi wadènnyode, ne onen wahhodidògense tsi Jesus tentàre Jerusalemne. 13Wathadinhaghtyàkon ne palm kerhidèn, ok wahhonghdendi wathonwadderaghde, oni wahhondewennayèndon, Hosanna: royadadderisten naah ne Rowakorah ne Israel ne ne tàre raoghsènnagon ne Royaner. 14Oni Jesus, neonen tsi royadatshenni ne yodonnhiyo adennàdi, egh wahhatye tsi niyought tsi kaghyàdon. 15Toghsa tesadonghharènron, Sion yesayè-ah: tsyatkaghtho, sakòrah tàre adennàdi aowna roghsede. 16Nene ken tsinikarihhòten yaghten hodinigonghrayenda-on ne raotyonghkwa ne tontyèrenghde: ok ne onen Jesus wahhonwaglorste, ethone sahhoneghyàrane tsi etho ne ronwarihhotenghsten tsi kaghyàdon, oni tsi rononha etho ne karihhòten tsini honwayèren. 17Ne ongwe kàdi nene wadògen ronesgwe ne onen tsiyehharonghyehha Lazarus oghwhenjògon tsi yehayadayendaghkwe, neoni sʼhoketsgwen tsi rawenhheyonghne, ne wahhonderighwatròri. 18Ne oni aoriwa tsi wahhonwayadisake ne ongwe, ne wahoni tsi ronaghronken tsi etho ne hoyèren ne ken yorighwaneghragwaghte. 19Ne Pharisee kadi rondonyon tsi rodighthare, sewaddedogea-onhatye ken tsi yaghothenon ten sewaderighwaghtentyatha? Erongh ken agwegon ne ongwe ronwaghnonderatye.

20Ok radiyàdare radiyadadògen ne Greek, nene egh wahhonewe tsi wadènnyode nene aonteyenidenghtàse. 21Ne sʼhadiyàdat kadi wahhonewe Philipne ne Bethsaida haga ne Galilee, oni wahhowarighwanegen, rondonyon, Sewenniyoh yakweghre aghfakwàken ne Jesus. 22Philip yehharawe oni roghrori Andrew: ok àre, Andrew oni Philip wahhowaghrori Jesus.

23Ok Jesus tahharighwaseràgon, radonnyon, onen waonderighwihhewe tsinaontahowagloriste ne rongwe Ronwaye-ah. 24Agwagh togenske, wakwenhaghse, togat ne kànen ne onekare yagh oghwhentjage tʼenkayendane oni aòndakenheye, aonhhà ok enkenhak, ok denghnon togat enkenhheye yawetowànen enkanenhòndane. 25Raonha nene ranoronghkwa tsi ronhe enhodi naah: ok raonha nene raghswenfe tsironhe ne ken oghwhentjage, ne enhoyendatye tsi nonwe nʼeterna adonheta. 26Togat nonken onghka ne ongwe rakheghsnyese, kinyoh raksere; ok tsi nonwe niih enkeseke, etho oni aghreseke ne rinhase: onghka kiok ne ongwe rakheghsnyese, raonha naah ne Ragenihha enhokonnyenghst. 27Onen nonwa yoronghyìgen nʼakertigenra; ok nahhoten enkiron; Rageni takyàdagon eren serighwaghkwit ne ken hour; ok, denghnon ne aoriwa tsi wakerighwaràon ne kengayen hour. 28Rageni, segloriste saghsenna. Ethone tayowennadatye ne Karonghyàge, wadonyoh, onen wakegloríste ok àre enskegloriste. 29Ne ongwe kadi ne egh radikennyàde, oni ronathonde, wairon, yoweraghra-onhatye: oya sàyairon Karonghyagegh ronon wahhowènnrane. 30Jesus tahhariwaghseràgon oni ràwen, ne kengayen tayowennadatye yagh nʼiih akeriwa tegen, ok ise sewarìwa. 31Onen nonwa watkonwayadòreghte ne ken yoghwhentjade: onen ne ronwakowanen ne ken yoghwhentjade enhowayadinnekenhhon. 32Ok niih, togat nonken enegen enyonkhàwighte ne Oghwhentjage, iihne agwegon enkheyadaddironden ne ongwe. 33(Etho ne hoyèren, yaweght ranàdonnyon tsini kenhheyontseròten aghrenhheye) 34Ne ongwe tehadiriwaghseràgon, wakwaghronken yoghtyawenratseràgon ne ne Chtistus tiutkon aghreseke; ok òghne yotyèren, tsisàdon. Ne Rongwe Ronwayeah enegen enhonwenhhawighte? Onghka ne gen ne Rongwe Ronwaye-ah? 35Ethone Jesus wahshakawenhaghse, sʼhegon oghstonha aghson kaghswathetseràyen tsi isewese: tsyathahhak aghson sewaghswathetseràyen, nene yaghten ensewàkaraghwe: iken nene tsi tyokaras ire yaghten hayendèri tsini yehhare. 36Aghson sewaghswathetseràyen, teseweghdagh-kon ne kaghswathetsera, nene yetshiye-ah enkenhak ne kaghswathetsera. Etho ne karihhòten tʼhodadi Jesus, ok eren sareghte oni wahhadaghseghte.

37Ok denghnon sàne yawetowànen tsinihoyèren ne yorighwaneghragwaghte tsi tehadikànere, sʼhegon yaghten tehoneghtaghkon raonhhage. 38Nene enkayèrine tsini hawennoten ne Prophet Esaias, nene rcdadighne, Sayàner, onghka teyakaweghtaghkon tsiniyakwarighhòten? oni onghka ronwa didogàtha ne ranontshage (tsinihaweyenoten) ne Royaner? 39Ne kadi wahhone yaghten yodon aontehoneghtaghkon, ne aoriwa tsi sahhawen are Esaias. 40Washakorònwekte raodikaghtege, oni roghniràton raoneryàne: nene yaghten aontehadikaghrayèndane, yagh oni tʼenyoyendane raoneryaghsagon, tsinikarihhòten oni aonlahodirighwiyoston, ok oni aonsakhetsyende. 41Ne kengayen tsini karihhoten rawen Esaias, neonen wahhatkaghtho raogloria, oni wahhoghtharahkwen.

42Ok sàne tsinihadi ne radiyadagwenniyose yawetowanen wathoneghtaghkon raonhhage; ok denghnon ne raoderiwa ne Pharisee yaghten hodirighhodaghsyon tsinihorighhòten, ne ne yaghten aontahowadiyadinnekenhhon ne Synagogue; 43Iken senhha radinonwesgwe nene ongweghne enhonwanatteweghgwe, tsiniyought ne Niyoh aonteshakodeweghgwen.

44Jesus wahhaddewennayèndon oni rawen, raonhha ne tehaweghtaghkon iihne, yaghten tehaweghtaghkon iihne, ok denghnon raonhhage ne ne rakhenha-on. 45Oni raonhha nene tehakekànere, tehokanere oni raonhha nene rakhenha-on. 46Iih naah ne wakaghswathetseradirhon ne oghwhentjàge, nene onghka kiok enthaweghdaghkon iihne, yaghten aontehennderondake tsityokaras. 47Ok oni togat onghka kiok ne ongwe rothonde tsinikewennòten, ok yaghten tehaweghdaghkon, yaghten tehayadoreghtha: iken yagh ne te kenyende aontekheyadòreghte ne ongwe ok denghnon nene ensakheyàdagon. 48Raonhha nene eren rakwatyeghten, oni yaghten harighwatsteristha tsini kewennòten, royen sʼhayàdat nene tehoyadoreghtha: ne nahhoten tekewenninnege-on, ne ne saoríwat enthoyadòreghte onen enwadonghwhentjokten. 49Iken yagh niih ten wakadattrori; ok denghtion ne Ragenihha ne ne rakhenha-on ne rakherighwàwigh tsinahhoten enkiron oni tsinahhoten enwaktharaghkwak. 50Oni kerighwayenderi tsinahhoten rakherighwawi naah ne eterna adonhèta: tsiok nahhoten kadi wakthàre, nene agwagh tsinihakwenni ne Ragenihha etho niyought wakthare.

Currently Selected:

John 12: MOH1804

Highlight

Copy