Lukahtar 7
7
Ešorutnehće bućarnehtar thaj e ternor̄ehtar ando Naino. E Jovanohko bičhalipe. E h̄alh̄ani lubni makhel e Isuso e sungaha.
1Kana o Isuso phendah pi vorba angla e manuša, avilo tar vov ando Kapernaumo.
2Jekhe šorutnehte sah jekh paćivako bućarno savo nasvaljah po meripe.
3A kana ašundah o šorutno pala o Isuso, bičhaldah lehte e phuredere manušen Judejaćiren, molindo le te avel inćate te sastarel gov pe merimahte nasvale kandine.
4A von kana avile lehte, molisarde le šukar, dindo vorba: Vov si lačho manuš, pala lehko lačhipe trubuja te ćereh lehće gova.
5Kaj vov arakhel amare manušen thaj ćerdah amee jekh khangjiri.
6Athosha o Isuso gjelo tar lenca. A kana seha paše ko ćher, bičhaldah lehte o šorutno pe amalen save lehće mothode: Bareja, na ačhado, na dukhadivo, naj sem gaći lačho te deh mande ando ćher.
7Pala gova niči tromajem korkor̄e te avav tute. Tu phen samo jekh alav, a mrno nasvalimahko bućarno sastola.
8A vi me sem manuš savo trubuj te kandav averen, maj phurederen mandar, sar man thoven kan e maj ternedere, e vojnikujra, e karnale, pa kana jekhehće vaćarav te teljarel, a vov džal tar, a kana phenav avrehće: Deta, av, vov avel tar, a kana phenav e slugahće: Ćer khanči, vov gova kam ćerel.
9Kana o Isuso ašundah gala lehće alava, začudisaljah, irisaljah ke manuša save džana pala lehte thaj phendah lengje: Mothovav tumengje čače, agadibor paćape niči arakhlem khatinde ni ando Izrailjo.
10Kana irisalje gola save seha bičhalde, dikhle kaj o nasvalo bućarno sastilo.
11Maj palal golehte gjelo tar ande jekh them, savehko anav sah Naino, a leha džana but lehće amala, h̄anamika thaj but aver manuša.
12Kana pašile ke forohće udara, dikhle sar ikalen varekaringatar jekhe mulor̄e savo sah o jekhor̄o čhavo ke pi dej savi saha phivli, bi e r̄omehći. A but manuša džana laha andar o foro.
13A kana dikhlah o Del e phivlja, avilah lehće pharipe po odji thaj phendah laće: Na rov!
14A vov pašilah e sandukohte, e moh̄tohte, thaj astardah e mulor̄e. A e manuša kaj igjarena e mulor̄e, ačhile. A o Isuso phendah: Ternor̄eja, mothovav tuće: Ušti!
15A o mulo bešIo tar thaj lijah te del vorba, a o Del dijah le ke lehći dej.
16A e dar lijah saijekhe manuše, savor̄e daralje thaj lije te ašaren e Devle, dindo vorba: Avilah o baro proroko maškar amende thaj o Del avilah te dikhel pire dženen.
17Gadija ašundilah vov pe sasti Judeja thaj pe sa e thana akathe okothe ando pašipe.
18Gadija vi e Jovanohće phende lehće amala pala sa gava.
19O Jovano lijah duje manušen piren thaj bičhaldah len ko Isuso, dindo vorba: San tu gova savo trubuj te avel, ili trubuj avere te ažućarah amen.
20Avile e amala lehte thaj phende lehće: Bičhaldah amen o Jovano o Krstiteljo tute te phučah tut, da li san tu gova savo kam avel, ili trubuj te ažućarah avere te avel amende.
21Akana vov sastardah bute manušen katar lengo nasvalipe, katar lengje dukha, katar e džungale duhujra, a bute kor̄engje dijah te dikhen.
22Dindo vorba o Isuso phendah lengje: Džan thaj mothoven e Jovanohće so dikhlen thaj so ašunden: E kor̄e dićhen, a e bangje phiren, e phuknjale saston, e kašuće ašunen, e mule ušten, a e čor̄engje mothodinjavol e Devlehko alav.
23Bah̄talo si gova savo mae niči misli džungalipe.
24Kana gjele tar e amala e Jovanohćere, vov lijah te del vorba pala o Jovano: Sohtar iklisten ande pustinja, so kamlen te dikhen? Jekh trska sajva e balval ćinoj.
25Sohće, eke iklisten te dikhen? Da li kamlen te dikhen jekhe manuše savo si hujrado ande barimahće gada? Eke, gola save phiraven e barvale gada, save but pijen thaj parvardon guglivarne, von bešen ande ćhera e thagarengje, e carongje.
26Eke, andar sohte iklisten, so te dikhen? Jekhe proroko? ÄŚaÄŤe, me mothovav tume, vi maj but jekhe prorokohtar.
27Kaj gava si gova pala savehte ramol pe, piši pe ande lila gadija: Eke, me bičhalav angla ćiro muj jekhe angjelo mrne, savo kam lačharel ćiro drom angla tute.
28Kaj me mothovav tumee: Maškar gola save si bijande katar e džeja, ni jekh inaj maj baro proroko e Jovanohtar Krstiteljehtar, a o maj cikno ande Devlehko thagaripe si maj baro lehtar.
29Thaj sa e manuša thaj e carinikujra save ašunde le, ašarde e Devle thaj krstisalje e trušuleha, e krstoha e Jovanoćereha.
30A e rašaja, e čhorvitale thaj e sikavde marde prasape e Devlehće vorbatar thaj niči kamle te vov krsti len.
31A o Del phendah: Sar ka mothovav, pe kahte si čhutine e adjivesutne manuša thaj save si von.
32Von si sar e čhavor̄e save bešen pe droma dindo muj jekh e avre thaj vaćarindo: Amen bašaldam tumengje, a tumen niči ćhelden, amen gjilabijam tume rovarde gjilja, a tumen niči rujen.
33Kaj avilah tumee o Jovano Krstiteljo savo niči h̄al marno ni pijel mol, a tumen phenen, kaj o beng ande lehte si.
34Avilah e manušehko čhavo savo h̄al thaj pijel, a tumen phenen: Heh, dikhta e manuše savo h̄al but thaj pijel but, savo si amal e došamnengo thaj e balavnengo, e carinikongo.
35Thaj o godjaveripe pindžarde sa lehće čhavor̄e.
36Dljah lehće vorba pale jekh katar e rašaja, e lilvarne, molindo le te h̄al lehte. Vov dijah ando ćher e rašajehko thaj bešlah pala o h̄ape.
37A dita, varesavi manušni andar o foro savi sah khalkhani, rzgome, kana haćardah kaj o Isuso h̄al ando ćher e lilvarnehko, andah ando va sungalo makhipe.
38Thaj ačhilah palal, paša lehće čanga, rovindo, thaj lijah te thovel lehće prne pire asvenca thaj te khosel len pire šorehće balenca thaj te čumidel lehće prne thaj te makhel len e sungale makhimaha.
39A kana dikhlah la o rašaj, paša savehte vov h̄alah, phendah ande pehte, dindo vorba: Te si vov proroko, vov džanela ko si voj, thaj save džejaha si le bući. Gaja manušni savi astardol pala lehte si došamni, lubni.
40A o Isuso dindo vorba phendah lehće: Simone, šunta si ma vareso te mothovav tuće. Thaj vov phendah lehće: Sikamneja, mothov!
41A o Isuso phendah: Jekhe barvalehće seha duj džene udžile. Jekh sah udžile pandž šela dinajra, a o aver pinda.
42Kana von našti irisarde lehće e love, vov lengje, solduje dženengje, muklah o udžilipe. Phen tu, savo kam gale do dženendar maj but voli le.
43A o Simono, dindo vorba, phendah: Ićarav kaj kam voli le maj feder gova, savehće vov muklah o bareder udžilipe. A vov phendah lehće: Čače vaćardan.
44Akana irisaljah e manušnjate thaj phendah e Simonohće: Dikheh tu gale džeja? Me dijem andre ande ćiro ćher, a tu niči dijan ma ni paj te h̄alavav me prne, a voj thodah me prne pe asvenca, a khoslah len e balenca katar po šoro.
45Tu niči čumidijan ma, a voj čumidel me prne sar dijem ande ćo ćher.
46Tu niči makhlan mo šoro e zejtinoha, a voj makhlah me prne e sungale makhljaha.
47Pala gova me mothovav tuće: Laće muklinajvon but doša thaj bezeh̄a, kaj sah la but odji, a goja sajvaće cîr̄a mukel pe, zala, golate si cikno o guglipe e ilehko.
48Akana phendah laće: Muken pe, oprostin pe tuće e doša.
49A gola save bešena leha pala o h̄ape, lije te den vorba ande pehte: Ko si gava, savo o došalipe šaj mukel.
50A gole manušnjaće phendah: Ćiro paćavipe ićardah tu, dža tar šukarimaha!
Currently Selected:
Lukahtar 7: GURB1938
Highlight
Share
Copy
Want to have your highlights saved across all your devices? Sign up or sign in
Englezongo thaj avere Themengo Biblijako Amalipe 1938.
