Lukahtar 22
22
O phukavno h̄oh̄avipe. E Patrune Djivesehko bakror̄o thaj e jraćako h̄abe. Barikanipe ke Isusohće amala. E ićharimahće dukha e Isusohće pe Plajin e Maslinaći. O astaripe. O darado Petre niči tromal te pindžarel e Isuso. O Isuso angla e Kajafa.
1Akanor̄a pašilah sigende o Patradji, o Patrano Djive, o djive e bikvasohće marnengo, e Pasha.
2Thaj e šorutne e livarnengje thaj e sikavde dikhena sar kam mudaren le, ali darana e manušendar.
3A o sotona, o beng, dijah ando Juda savehko anav sah Iskariot, a savo sah jekh e dešudo dženendar.
4Thaj gjelo tar te del vorba e livarnengje šorutnenca thaj e phurederenca, sar kam čhudel le lengje ande va.
5Kana ašunde von gova, lengje ile barile e dragostijatar thaj ćhinadile, lačharde pe te den lehće love.
6Thaj vov ćerdah pe lenca thal ažućardah o djive, sar kam čojral čhudel le lengje ande va, te na haćaren e aver manuša.
7Thaj gadija avilah o djive e marnengo bi e kvasohćirengo, kana trubun te ćhinen pe e Patraće Djivesehće bakror̄e.
8Thaj vov bičhaldah e Petre thaj e Jovano mothovindo lengje: Džan, lačharen amengje e pasha te h̄ah.
9A von phuÄŤle le: Kaj kameh te laÄŤharah.
10A vov phendah lengje: Eke, kana dena ando foro kam dikhen jekhe džene savo ingjarel paj ando vaso, ando khoro. Džan pala lehte ko ćher ande savo vov dela.
11Thaj mothoven e ćherutnehće kaj o sikavno phučel kaj hi e sovardi, pe savo than kam vov h̄al pire amalenca e pashaće bakror̄e.
12Thaj vov kam sikavel tume jekh bari buhljardi soba, jekh sovardi. Egothe ćeren, lačharen.
13A von durile tar thaj arakhle sa gadija sar vov mothodah lengje thaj von lačharde o h̄ape.
14A kana sa sah ćerdino, vov bešlo tar pala o h̄ape pire dešudone apostolenca.
15Thaj phendah lengje: Ando ilo sah mae te h̄av gaj pasha tumenca m’anglal neg so kam avav mudardo.
16Kaj mothovav tume kaj me od akana niči maj but h̄av, d’akanara, dži kaj gova niči čerdinajvol ande Devlehko thagaripe.
17Thaj lindo e tah̄taj zahvalisardah lengje thaj vaćardah: Len la thaj ulaven la maškar tumende.
18Kaj mothovav tumee kaj niÄŤi kam pijav katar o bijanipe e drakhako dĹľi kaj god niÄŤi avel e Devlehko thagaripe.
19Thaj lindo o marno zahvalisaljah thaj phaglah le thaj dijah le lende vaćarindo: Gava sem me kaj del pe tumengje, gava ćeren pala mrno odji, te na bistaren man.
20A gadija vi e tah̄taj pala e jraćako h̄ape: Gaja tah̄taj si e nevi sovli e mrne rateha savo čhorel pe pala tumende.
21A, ake, kathe o va mrne phukavimahćirehko savo bešel manca pala o h̄ape.
22Thaj o čhavo e manušehko džal sar si vaćardino, ali pharipe kam avel golehće savo phukavimaha čhudijah le avrengje ande va.
23Thaj von lije roden savo si gova maškar lende savo kam gova ćerel.
24Thaj lije te h̄an pe maškar pehte te dikhen savo inćajvola kaj si maj baro lendar.
25A vov phendah lengje: E thagara, e šorutne e manušengje ićaren e manušen, a gala den len anav dobrotvojra.
26A tumen na te ćeren gadija, ven savo si maj baro maškar tumende, gova neka ićardol sar maj ciknor̄o, a gova savo si phureder, neka avel sar o kandino, sar o bućarno.
27Kaj ko si maj baro, da li godova savo bešel pala o h̄ape ili godova savo kandel? Da li naj gova savo bešel pala o h̄ape? A me sem maškar tumende sar o maj terneder kandino.
28A tumen sen godola save ićajljen, ićardinaljen pala mande ande mrno pharipe.
29Thaj me mukav tumengje mrno thagaripe sar kaj vi mangje mrno dad muklah.
30Te h̄an thaj te pijen ande mrno ćher ande mrno thagaripe thaj te bešen pe prestolujra, pe bešalde e šorutnengjire, thaj te ićaren ande va, te sudin pe dešuduj thema e Izrailjehće.
31Thaj vaćardah o Baro: Simone! Simone! Ake, mangel tumen o beng, o sotona te ćerel tumenca sar e gjiveha.
32A me molisaljem pala tu, te na ćo paćape ačhadol, a tu, kana god irija tu, ićar će phralen zurale.
33A vov mothodah lehće: Bareja, me sem lačhardo te džav tuha vi ando phandipe vi ando meripe.
34A vov phendah lehće: Ake, vaćarav ćuće, Petre, adjive niči kam gjilabel o bašno, dži kaj tu trin droma kam pheneh kaj či pindžareh man.
35Thaj dijah vorba lengje: Kana bičhaldem tumen bi e ćisako thaj bi e trastako thaj prnangjen, zar niči khanči trubusardah tume, a von mothode: Niso.
36A vov phendah lengje: A akana gova savehte si ćisi, nek lel la, a gadija vi o galavo, o brnošoj, a savehte inaj, nek bićinel piro gad thaj nek ćinel pehće čhuri.
37Kaj, ake, mothovav tumee kaj vi gava trubuj pe mande vadžaj te ćerdol so ačhel ando lil: Thaj thode le maškar e džungale, e čora. Kaj so si pišime pala mande, akana ćerdinajvol.
38A von phende: Ake, Bareja, kathe si duj ÄŤhujra. A vov mothodah lengje: NiÄŤi trubuj maj but.
39Thaj iklisto tar thaj gjelo tar sar vi maj anglal pe Plajin e Maslinaći, a pala lehte gjele vi lehće amala.
40A kana vov avilo po than, phendah lengje: Molisajvon e Devlehće te na peren ande va e bengjalengje.
41Thaj korkor̄e durilo tar lendar gaći sar šaj e bar̄eha manuš čhudela pe, thaj pelah pe čanga thaj molisaljah e Devlehće.
42Dindo vorba: Dadeja, kana kameha te gaja tah̄taj fijesar naćhel mimo mande. Ali te na avel sar me kamam, nego sar tu kameh.
43A o angjelo sikadilah lehće andar o del te lačharel le.
44Thaj dindo pe šare peha lijah maj but e Devlehće te moli pe. A lehko znojo pićala pe phuv kavćenca sar e ratehće pićaja.
45Thaj kana molisaljah e Devlehće avilo tar ke pe amala thaj arakhlah len kaj lindralje e dukhadimahtar, e pharimahtar.
46Thaj vaćardah lengje: Sohće pašljon, ušten thaj molisavon e Devlehće te na vi tumen peren ande va e džungalengje, ando zumavipe.
47A dži kaj vov vadžaj dela vorba, dikh e manuša thaj jekh katar e dešuduje dženene, savehko sah anav Juda thaj savo džala angla lende, pašilah ko Isuso te čumidel le. Kaj vov dijah lengje gasavo znako: Me kah čumidava, gova si vov.
48A o Isuso vaćardah lehće: Juda, zar čumidimaha h̄oh̄aveh e čhave e manušehćere.
49A kana gola kaj seha leha dikhle so kam avel, phende lehće: Bareja, te pusavah le e čhujraha.
50Thaj lendar jekh dženo čaladah e kandine, e bućarne, e livarnengje phurederehćirehće thaj ćhindah lehko čačo kan.
51A o Isuso dindo vorba vaćardah: Muken gova. Thaj astardinal ah ke lehko kan thaj sastardah le.
52A e šorunengje e lilvarnengjerengje thaj e khangjiraće anglunengje thaj e phurederengje save avileha pe le, vaćardah o Isu o: Zar sar pe jekh vošutno čorlogano iklisten e čhujrenca the e ćilenca, e beljenca te astaren man.
53Sa djive pala djive sema tumenca ande khangjiri thaj niÄŤi vazdijen o va pe mande, a akana si tumaro djive e trunjarikone kalimahko.
54Thaj kana astarde le, igjarde le andre ande avlin e lilvarnengje šorutnehćerehći, a o Petre džala pala lehte dural.
55A kana von čalade jag po maškar e avlin thaj bešle tar pehće, vi o Petre bešaldah pe maškar lende.
56Athoska haćardah le jekh kandini kaj bešel vov paša e jag thaj dikhindo pe le vaćardah: Eketalo, vi gava sah leha.
57A vov ćerdah pe sar kaj niši džanel pala lehte, dindo vorba: Manušnije, niči pindžarav le.
58Thaj cîr̄a pala golehte dikhlah le jekh aver dženo thaj vaćardah: Vi tu san lendar, faj ma. A o Petre phendah: Manušeja, inaj sem.
59Thaj kana nakhlah jekh sato aver vareko pale gadija mothodah: Mae ćerdinajvol, vi gava dikhlinajljah leha, kaj si Galilejako.
60A o Petre phendah: Manušeja, či džanav so tu deh vorba. A dži kaj vov vadžaj dela vorba o bašno gjilabijah.
61Thaj dikhindo trujal pehte o Baro dikhlah po Petre thaj o Petre dijah pe godji e alavehće e Devlehćirehće, sar phendaha lehće: Maj sig neg so o bašno gjilabela trin droma kam pheneh kaj inaj san manca.
62Thaj iklistah avri thaj čaladah ćerće te rovel.
63A e manuša save ićarena e Isuso, ćerena lehtar prasape thaj marena le.
64Thaj učharindo le čalade le pe čama thaj phučle le vaćarindo: Mothov ko mardah tu.
65Thaj vi aver but akušimahće alava vaćarena pe lehte.
66Thaj kana djivesaljah ćidinalje e phuredera e manušengje thaj e šorutne e livarnengje thaj e sikavde thaj igjarde le ande pire krisehko ćher.
67Vaćarindo: San tu o Hristo? Mothov amengje. A vov phendah lengje: A te vi mothovov tumengje, niči kam paćan mae.
68A te i phuÄŤava tumen, niÄŤi kam mothoven mae, niti kam muken ma.
69Katar akana kam o čhavo e manušehko bešel pe čači rig e Devlehće barimahtar.
70A von savor̄e vaćarde pale: Zar tu san e Devlehko čhavo? A vov phendah len: Pa tumen phenen kaj sem me gova.
71A von vaćarde: So trubuj amee maj but, kana korkor̄e ašundam andar lehko muj.
Currently Selected:
Lukahtar 22: GURB1938
Highlight
Share
Copy
Want to have your highlights saved across all your devices? Sign up or sign in
Englezongo thaj avere Themengo Biblijako Amalipe 1938.
