Mit 28
28
1Waovu hukimbia wasipofuatiwa na mtu;
Bali wenye haki ni wajasiri kama simba.
2Kwa sababu ya maasi ya nchi wakuu wake huwa wengi;
Bali kwa wenye ufahamu na maarifa hali ya nchi hudumishwa
3 #
Mt 18:28
Mtu mhitaji awaoneaye maskini,
Ni kama mvua ya dhoruba isiyosaza chakula.
4 #
1 Fal 18:18; Mt 3:7; Efe 5:11; 1 Tim 5:20 Wao waiachao sheria huwasifu waovu;
Bali wao waishikao hushindana nao.
5 #
Yn 7:17
Watu wabaya hawaelewi na hukumu;
Bali wamtafutao BWANA huelewa na yote.
6Afadhali maskini aendaye katika unyofu wake,
Kuliko mpotofu wa njia angawa ni tajiri.
7Yeye aishikaye sheria ni mwana mwenye hekima;
Bali aliye rafiki wa walafi humwaibisha babaye.
8Yeye azidishaye mali yake kwa riba na faida,
Humkusanyia mtu awahurumiaye maskini.
9 #
2 Tim 4:3; Zab 66:18; Lk 13:25-27 Yeye aligeuzaye sikio lake asiisikie sheria,
Hata sala yake ni chukizo.
10 #
Zab 34:9,10; Mt 6:33; Mk 10:30; Lk 18:29,30; Rum 8:32; 1 Kor 3:22,23 Kila mtu awapotezaye wenye haki katika njia mbaya,
Ataanguka katika rima lake mwenyewe;
Bali wakamilifu watarithi mema.
11Mtu tajiri ana hekima machoni pake mwenyewe;
Bali maskini mwenye ufahamu humchunguza sana.
12Wenye haki washindapo, uko utukufu mwingi;
Bali waovu waondokapo, watu hujificha.
13Afichaye dhambi zake hatafanikiwa;
Bali yeye aziungamaye na kuziacha atapata rehema.
14Mwanadamu mwenye kicho yu heri sikuzote;
Bali mshupavu wa moyo ataangukia madhara.
15 #
Mt 2:16
Kama simba angurumaye, na dubu mwenye njaa;
Ndivyo alivyo mtu mbaya awatawalaye maskini.
16Mkuu aliyepungukiwa na akili huwaonea watu sana;
Bali achukiaye kutamani ataongeza siku zake.
17Aliyelemewa na damu ya mtu
Atalikimbilia shimo; wala mtu asimzuie.
18Aendaye kwa unyofu ataokolewa;
Bali mkaidi wa njia zake ataanguka mara.
19Alimaye shamba lake atakuwa na chakula tele;
Bali afuataye mambo ya upuzi atapata umaskini wa kumtosha.
20Mtu mwaminifu atakuwa na baraka tele;
Lakini afanyaye haraka kuwa tajiri hakosi ataadhibiwa.
21 #
Eze 13:19
Kupendelea watu si kwema;
Wala mtu kuasi kwa ajili ya kipande cha mkate.
22Mwenye husuda afanya haraka kuwa tajiri;
Wala haufikiri uhitaji utakaomjilia.
23Amkemeaye mwenzake hatimaye atapata kibali;
Zaidi ya mtu ajipendekezaye kwa ulimi wake.
24Aibaye mali ya babaye au mamaye, na kusema, Si kosa;
Mwana huyo ni rafiki wa mtu mharibifu.
25 #
1 Tim 6:6
Mwenye nafsi ya kutamani huchochea fitina;
Bali amtumainiye BWANA atawandishwa.
26Mwenye kujitumainia moyo wake ni mjinga;
Bali yeye aendaye kwa busara ataokolewa.
27Mwenye kuwagawia maskini hatahitaji kitu;
Bali afichaye macho yake atakuwa na laana nyingi.
28Wasio haki wainukapo, wanadamu hujificha;
Bali waangamiapo, wenye haki huongezeka.
Currently Selected:
Mit 28: SUV
Highlight
Share
Copy
Want to have your highlights saved across all your devices? Sign up or sign in
Swahili Union Version (SUV): © Bible Society of Tanzania and Bible Society of Kenya, 1952, 1997. All rights reserved. lt/pgt ltpgtSwahili Union Version (SUV): Hakimiliki -1952, 1997: kwa: Chama cha Biblia cha Tanzania na Chama cha Biblia cha Kenya. Haki zote zimehifadhiwa.
