1 Samuel Nhyɛnmu
Nhyɛnmu
Samuel nhoma a edi kan no de Eli a na ɔyɛ ɔsɔfopanyin wɔ atemmufo no bere so no ho asɛm na efiti ase. Eli ne Hana nkitahodi no ne ntetewee a ɔde maa Samuel no daa no adi sɛ ɔwɔ gyidi wɔ Onyankopɔn mu (Ti 1–3). Nanso nʼabrabɔ wiee animguase mu, efisɛ ne mmabarima buu akronkronne no animtiaa. Apam Adaka Kronkron no kodii atamfo nsam (Ti 4). Eli wui no na ɛmaa asɔfodi anuonyam no baa fam, maa adiyifo sɔree wɔ Israel.
Wɔde Samuel hyɛɛ Onyankopɔn som mu. Ɔbɛyɛɛ adiyifo akɛse a wɔwɔ Israel no mu baako. Ɔno na owiee atemmufo adwuma no. Ɔsraa Israel ahemfo a wodi kan no ngo. Samuel mmabarima tew wɔn ho fii Onyankopɔn ho na wogyee adanmude, buu ntɛnkyew. Ɛno nti nnipa poo atemmufo ne asɔfo akwankyerɛ, na wɔperee sɛ wobenya ɔhene te sɛ nea aman a aka wɔ ahemfo no. (Ti 8.5).
Onyankopɔn yii Saulo ma ɔbɛyɛɛ ɔhene a odi kan wɔ Israel (Ti 10.24). Nʼahenni mfiase no, ɔdaa ɔkannifo su (Ti 11) ne akokoduru (Ti 14.46-48) adi. Nanso wantie Onyankopɔn asɛm. (Ti 15) Ɔtwee ninkunu, na osuroo ɔno ankasa ne sunsuma, (Ti 18–19) na ne korakora no, Onyankopɔn gyee nʼahenni no fii ne nsam. Kum a na ɔpɛ sɛ okum Dawid, ne huna a ohunahunaa no no nti, (Ti 20–30) ɔkɔɔ ɔsamanfrɛfo nkyɛn, (Ti 28) na akyiri no, okum ne ho (Ti 31).
Sɛ wokenkan Samuel Nhoma a edi kan a, hwɛ sɛnea amammui no fi Nyame nnipa so kosi ahemfo so. Abakɔsɛm no bi fi Dawid ne Goliat, Dawid ne Yonatan, Dawid ne Abigail ho nsɛm mu.
Emu Nsɛm
Eli Ne Samuel (1.1–7.17)
Samuel Ne Saulo (16.1–31.13)
Currently Selected:
1 Samuel Nhyɛnmu: AKNA
Highlight
Share
Copy
Want to have your highlights saved across all your devices? Sign up or sign in
Akuapem Twi Nkwa Asɛm™
Owurayɛ Tumi © 2000, 2020. Biblica, Inc. na wɔde ma.
Biblica, Inc. nkutoo na wɔma kwan ma wɔde Owurayɛ Tumi no di dwuma wɔ wiase afanan nyinaa.
Akuapem Twi Contemporary Bible™
Copyright © 2000, 2020 by Biblica, Inc.
Used with permission. All rights reserved worldwide.