UMalaki Isingeniso
Isingeniso
Isingeniso
Ukwakhiwa kutsha kwethempeli kukhokhelwa nguZerubhabheli loJoshuwa, kukhuthazwa yisiphrofethi sikaHagayi loZakhariya, kwaqedwa ngo-516 uKristu engakazalwa. Ithempeli elitsha lalifanele libe yinsika yesigaba lapho okwakulokwahlulelwa khona okuqondileyo lokukhonza kweqiniso. Ngalindlela, u-Israyeli wayezagcwalisa ubizo lwakhe njalo abe yikukhanya, okuveza uNkulunkulu ezizweni.
Kodwa kwathi sekudlule iminyaka, abantu bagudluka ngamandla kulelicebo. Phakathi laphakathi kweminyaka elikhulu eyalandelayo, ukukhonza kwabo kwasekugcwele inkohlakalo, njalo isigaba sabo sasesenganywe yibubi. UMalaki (“isithunywa sami”), ukhuthaza abantu ukuthi bamesabe uNkulunkulu ekumkhonzeni kwabo kanye lekuhlalisaneni kwabo. Ngalesisizatho, umhlaba uzakwazi uThixo njengenkosi enkulu.
UMalaki uphawula izixwayiso zakhe ngendlela engajayelekanga. Uqala ngokwethula imithetho, atsho okukhangelelwe ukuthi kungalwisana layo, abeseletha impendulo ezimayelana lalokho. Ugwalo luloba ukuthi abanye abantu bazaphenduka ngenxa yalezi zinhlupheko, njalo uNkulunkulu uthi uzabaxolela nxa esebuya ukuzokwahlulela umhlaba. Ugwalo luphetha ngesithembiso sikaNkulunkulu sokuletha umphrofethi u-Elija futhi lungakafiki usuku olukhulu lukaThixo olwesabekayo.
Currently Selected:
UMalaki Isingeniso: BEN
Highlight
Share
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.