U-Eksodasi Isingeniso
Isingeniso
Isingeniso
Amabhuku la, u-Eksodasi, uLevi lamaNani aqhubeka ngodaba lwendlela uNkulunkulu abumba ngayo isizwe sako-Israyeli ukuze sibelomlandu okhethekileyo emacebeni akhe omhlaba wonke. Abako-Israyeli sebethunjiwe eGibhithe, uNkulunkulu weza kubo wenza izimanga ezinkulu zokubakhulula ngoMosi. ENtabeni yaseSinayi uNkulunkulu wethula imilayo yakhe kuMosi kubalisa lemiThetho eliTshumi njalo waphawula isivumelwano sakhe lesizwana esincane. Abako-Israyeli bakha “ithabanikeli” kumbe “ithente lokuhlangana” ukuze uNkulunkulu ahlale phakathi kwabo. Emva kwalokho abantu badabula enkangala besiya elizweni laseKhenani.
Imingcele ephakathi kwebhuku lika-Eksodasi, uLevi laManani kayivezwanga obala. Indlela emiswe ngayo emabhukwini wonke iveza ubudlelwano bezindawo ezithile abako-Israyeli abamisa khona ohanjweni lwabo. Kuvezwa indawo yinye ngayinye kanye lezehlakalo zayo ziyachazwa. Indawo emqoka yiNtaba yaseSinayi; ingxenye yesibili ka-Eksodasi, uLevi wonke kanye lekuqaliseni kwebhuku laManani kuchazwa okwenzakala lapho. ULevi kakhulukazi uqukethe imithetho lezimiso uThixo azipha abako-Israyeli. Ibhuku laManani libika indlela abantu ababeqoqwe ngayo emaviyweni ezimpi lokuya ezweni lesithembiso.
Ugwalo lwaManani luthatha indaba ezike zakhulunywa kuLevi lo-Eksodasi njalo luphindaphinda umugca obumba uGenesisi othi Lo ngumlando wemuli ka-Aroni loMosi (AmaNani 3.1). Ngokugcweleyo umugca lo siwathola okwetshumi lambili njengezizwe ezilitshumi lambili ziqoqwa zisiba yisizwe esisodwa. Emaphethelweni ogwalo lwaManani umphrofethi uBhalamu uthi kwabako-Israyeli Sengathi labo abalibusisayo bangabusiswa kuthi labo abaliqalekisayo baqalekiswe. Lokhu kusikhumbuza isithembiso sikaNkulunkulu ku-Abhrahama ebhukwini likaGenesisi Ngizababusisa labo abakubusisayo njalo ngimqalekise lowo okuqalekisayo. Lamazwi aveza ukuthi amabhuku wonke la akhuluma udaba lunye lokuqala komsebenzi kaNkulunkulu wokuhlenga umhlaba.
Currently Selected:
U-Eksodasi Isingeniso: BEN
Highlight
Share
Copy
Want to have your highlights saved across all your devices? Sign up or sign in
IBhayibhili Elingcwele LesiNdebele™ BEN™
© 2003, 2006, 2022 Biblica, Inc.
Lisetshenziswe ngokusemthethweni. Wonke amalungelo agodliwe emhlabeni jikelele.
Ndebele Contemporary Bible™ BEN™
Copyright © 2003, 2006, 2022 by Biblica, Inc.
Used with permission. All rights reserved worldwide.