Abụ Ọma 84
84
Abụ Ọma 84
Abụ Ọma nke dịrị onyeisi Abụ. Abụ Ọma ụmụ Kora nʼusoro gittit.
Agụụ nke ụlọnsọ Chineke
1Lee ka ebe obibi gị sị maa mma,
O Onyenwe anyị, Onye pụrụ ime ihe niile!
2Ọ na-agụsị mkpụrụobi m agụụ ike, e mkpụrụobi m na-adakwa mba,
ịbata nʼogige Onyenwe anyị;
mkpụrụobi m na anụ ahụ m na-eti mkpu
na-achọ Chineke dị ndụ.
3Ọ bụladị ụmụ nnụnụ nta nke eluigwe, achọtala ebe obibi;
eleke achọtakwarala onwe ya akwụ,
ebe ọ ga na-edebe ụmụ ya,
nʼakụkụ ebe ịchụ aja nsọ gị,
O Onyenwe anyị, Onye pụrụ ime ihe niile, Eze m na Chineke m.
4Ndị a gọziri agọzi ka ndị bi nʼụlọ gị bụ;
ha na-eto gị mgbe niile. Sela
5Ndị a gọziri agọzi ka ha bụ, bụ ndị ike ha nwere dị na gị,
ndị kpebiri nʼobi ha ịga njem.
6Mgbe ha na-esite na Ndagwurugwu Baka na-agafe,
ha na-eme ya ka ọ bụrụ ebe isi iyi dị iche iche na-asọpụta;
mmiri ozuzo mbụ na-ewere ngọzị niile kpuchie ya.#84:6 Na-ewere ọdọ mmiri kpuchie ya
7Ike ha na-abawanye abawanye,
tutu ha niile nʼotu na otu, abịa guzo nʼihu Chineke na Zayọn.
8O Onyenwe anyị, Onye pụrụ ime ihe niile, nụrụ ekpere m.
Gee m ntị, gị Chineke nke Jekọb.
9Lekwasị anya nʼọta anyị, O Chineke,
jiri ihuọma lekwasị onye gị e tere mmanụ anya.
10Otu mkpụrụ ụbọchị a nọrọ nʼime ogige gị,
karịrị puku ụbọchị a nọrọ ebe ọzọ;
ọ ga-akara m mma ịbụ onye nche nʼọnụ ụzọ ụlọnsọ Chineke m,
karịa ibi nʼụlọ ikwu nke ndị ajọ omume.
11 Onyenwe anyị Chineke bụ anyanwụ#84:11 Aịz 60:19,20; Mkp 21:23 na ọta;
Onyenwe anyị na-enye ihuọma na nsọpụrụ;
ọ naghị egbochi ihe ọma ọbụla
site nʼebe ndị na-eje ije nʼizuoke nọ.
12O Onyenwe anyị, Onye pụrụ ime ihe niile,
ngọzị na-adịrị ndị niile na-atụkwasị gị obi.
Currently Selected:
Abụ Ọma 84: BIU
Highlight
Share
Copy
Want to have your highlights saved across all your devices? Sign up or sign in
Baịbụlụ Nsọ nʼIgbo Ndị Ugbu a™
Ndị Biblica, Inc. degharịrị ya nʼafọ © 1980, 1988, 2019, 2020
Ọ bụ ndị Biblica, Inc. nyere ikike idenye amaokwu ndị a.
Ikike a dị nye ndị Biblica, Inc. nʼụwa niile.
――――――
Igbo Contemporary Bible™
Copyright © 1980, 1988, 2019, 2020 by Biblica, Inc.
Used with permission. All rights reserved worldwide.
