Abụ Ọma 51
51
Abụ Ọma 51
Abụ dịrị onyeisi abụ. Abụ Ọma Devid. Mgbe Netan bụ onye amụma bịakwutere Devid nʼoge ya na Batsheba kwara iko.
Ekpere maka mgbaghara mmehie
1O Chineke, meere m ebere,
nʼihi ịhụnanya gị nke na-adịgide adịgide;
nʼihi oke ọmịiko gị,
hichapụ njehie m niile.
2Sachapụ mmehie m niile,#51:2 Aịz 43:25; Aịz 44:22; Kọl 2:14.
ma mee m ka m dị ọcha.
3Nʼihi na amaara m njehie m niile,
mmehie m dịkwa nʼihu m mgbe niile.
4Ọ bụkwa naanị gị ka m mehiere megide,
mee ihe ahụ bụ ihe ọjọọ nʼihu gị,
nke mere na ị bụ onye na-ekpe ikpe ziri ezi mgbe ị na-ekwu okwu,
na onye ezi omume mgbe ị na-ekpe ikpe.
5Nʼezie, onye mmehie ka m bụ site nʼoge amụrụ m;
bụrụkwa onye mmehie site nʼoge nne m tụrụ ime m.
6Nʼezie, ị na-achọ eziokwu nʼakụkụ niile zoro ezo;
ị na-akụziri m amamihe nʼakụkụ niile zoro ezo.
7Were hisọp#51:7 Nʼoge mmemme idebe ihe ọcha, ọ bụ ahịhịa hisọp ka a na-eji efesa ọbara. sachaa m, aga m adị ọcha;
sachaa m ka m dị ọcha karịa snoo.
8Mee ka m nụrụ olu obi ụtọ na ọṅụ;
ka okpukpu ndị i gwepịara ṅụrịkwaa.
9Zopu ihu gị nʼebe mmehie m niile dị,
hichapụkwa mmehie m niile.
10Kee obi dị ọcha nʼime m, O Chineke,
nwogharịa ezi mmụọ nʼime m.
11Achụpụla m nʼihu gị,
anapụkwala m Mmụọ Nsọ gị.
12Nyeghachikwa m ọṅụ nke nzọpụta gị,
ma jiri ezi mmụọ kwagide m.
13Mgbe ahụ, aga m enwe ike izi ndị njehie ụzọ gị,
ndị mmehie ga-echegharị lọghachikwute gị.
14O Chineke, zọpụta m site nʼikpe ọmụma nke mwụfu ọbara,
Chineke, gị bụ Chineke Onye nzọpụta m,
ire m ga-abụ abụ banyere ezi omume gị.
15O, Onyenwe m, meghee ọnụ m,
ka m kwupụta otuto gị.
16Ị naghị enwe mmasị nʼaja, ma ọ bụghị ya, agaara m eweta ya.
Ị naghị enwe mmasị nʼaja nsure ọkụ.
17Aja Chineke chọrọ bụ mmụọ tiwara etiwa,
O Chineke, ị naghị elefu anya,
nʼobi tiwara etiwa na nke nwere ezi nchegharị.
18Ka ọ masị gị inye Zayọn ọganihu;
i wulie mgbidi niile nke Jerusalem.
19Mgbe ahụ, a ga-enwe ezi aja,
aja nsure ọkụ nke ga-atọ gị ụtọ;
mgbe ahụ, a ga-achụkwa aja ọtụtụ oke ehi nʼelu ebe ịchụ aja gị.
Currently Selected:
Abụ Ọma 51: BIU
Highlight
Share
Copy
Want to have your highlights saved across all your devices? Sign up or sign in
Baịbụlụ Nsọ nʼIgbo Ndị Ugbu a™
Ndị Biblica, Inc. degharịrị ya nʼafọ © 1980, 1988, 2019, 2020
Ọ bụ ndị Biblica, Inc. nyere ikike idenye amaokwu ndị a.
Ikike a dị nye ndị Biblica, Inc. nʼụwa niile.
――――――
Igbo Contemporary Bible™
Copyright © 1980, 1988, 2019, 2020 by Biblica, Inc.
Used with permission. All rights reserved worldwide.
