Akolosai Ũhoro wa Ibuku Rĩĩrĩ
Ũhoro wa Ibuku Rĩĩrĩ
Itũũra rĩa Kolosai rĩarĩ itũũra rĩ na igweta na rĩarĩ mwena wa ithũĩro wa Asia Nini, ta kilomita 160 irathĩro wa itũũra rĩa Efeso. Paũlũ ndaathiĩte Kolosai mbere ĩyo, no nĩamenyete atĩ Akristiano a kũu maarĩ arũmu ũhoro-inĩ wa wĩtĩkio (1:3-7; 2:6, 7).
Andũ a Kolosai maahunjĩirio nĩ mũndũ wetagwo Epafara ũrĩa watũũraga itũũra-inĩ rĩu (1:7; 4:12, 13), na nĩmoheetwo hamwe na Paũlũ (Filem 1:23). Arũmĩrĩri aingĩ a kanitha wa Kolosai maarĩ andũ-a-Ndũrĩrĩ (1:27), na aingĩ ao nĩmaguucĩrĩirio nĩ morutani na mĩĩkĩre ya maũndũ ya ndini ingĩ (2:16-23).
Meeciiragia atĩ gwathĩkĩra Ngai no nginya matigane na maũndũ mamwe ma mwĩrĩ, na mambĩrĩrie kũhooya araika na maahinya mangĩ ma kĩĩroho. No Paũlũ nĩamaririkanirie atĩ Kristũ atũũraga hamwe na Ngai igũrũ agĩatha maahinya mothe gũkũ thĩ, na nĩ ũndũ ũcio mabataire kwerekeria meciiria mao kũrĩ Ngai (3:1).
Mwandĩki
Ibuku rĩĩrĩ rĩandĩkirwo nĩ Mũtũmwo Paũlũ.
Ũrĩa Ibuku Rĩĩrĩ Rĩgayanĩtio
· Mahooya ma Paũlũ ma kũhingũra 1:1-14
· Riiri wa Kristũ 1:15–2:3
· Gũkaanania harĩ mawĩtĩkio ma maheeni 2:4-23
· Kuonanĩrĩria mũtũũrĩre wa Mũkristiano 3:1–4:1
· Kũhatĩrĩria andũ mũrigo wa kũhooya, hamwe na ciugo cia Paũlũ cia kũrĩĩkia 4:2-18.
Currently Selected:
Akolosai Ũhoro wa Ibuku Rĩĩrĩ: GKY
Highlight
Share
Copy
Want to have your highlights saved across all your devices? Sign up or sign in
Kiugo Githeru Kĩa Ngai
(The Holy Word of God)
Copyright © 2013 by Biblica, Inc.®
Used by permission of Biblica, Inc.® All rights reserved worldwide
.