Malakayi 4

Mbọku, Chipfu e-kpe ikpe

1Chipfu, bụ Ọkalibe-Kakọta-Ike eepfu sụa: “Unu hụmakwa! Ọ dụkwaru eswe mbọku, l'a-bya nụ. Mbọku ono a-ta pfụpfupfu g'ọku-ụzu. Ndu eku onwophẹ yẹle iphe, bụkpoo ndu eme ẹjo-iphe mgburugburu bẹ ọku a-vụ l'ọgbarabvu mbọku ono kee phẹ kee ẹkali phẹ. 2A bya l'unubẹ ndu atsụ ẹpha mu ebvu; ọo unu bẹ e-gude ẹnya unu hụma apfụbekoto kẹ Chipfu. Ọo-nọdu egbu nwịinwii g'ẹnyanwu l'ẹhu unu. L'o mee; ẹhu adụkota unu ike. Unu a-wụ wugelengu-wugelengu gẹ nweswi nshịi, a kpọfutaru l'ọka. 3Ọ bụru mbọku ono, mu a-bya ono bẹ unu a-kapyabẹ ndu ẹjo-iphe ẹnya; unu egwee phẹ uji; woru phẹ zọpyabe l'ọkpa; nokwa iphe, Chipfu, bụ Ọkalibe-Kakọta-ike epfu.

4“Sụ-a; unu ta azọhakwa ekemu ono, mu tụru nụ onye-ozi mu, bụ Mósisu ono; mbụ ekemu; waa omelalị ono, mu goshiru iya l'úbvú Horẹbu g'o je ezia unubẹ ụnwu Ízurẹlu g'unu meje ono.

5“Ọle ọ bụ; a -bya erwu eze mbọku, eye ebvu ono, mu e-me iphe ono bẹ mu e-ziadakwa onye mpfuchiru mu, bụ Elayịjia g'ọ bya. 6Ọ bụru iya e-me ndu bụ nna g'ẹphe woru ọkpoma phẹ nụ ụnwu phẹ; tẹme l'o mee g'ụnwegirima wokwarụpho obu phẹ nụ nna phẹ. Ọdumeka bẹ mu -bya bẹ mu a-tụ-byikwa alị unu l'ọnu.”

Currently Selected:

Malakayi 4: Izii

Highlight

Copy