Malaki 4
4
Tûk vey Dagwi he kyè vey
1Dagwi Darwey, Dâ Jey Mwa a ye, “Mwin, tuk ha sé kyè vey de jey ya rɔda re kya sede ju. Ha rɔda re mwa bemât dâk kaa na vê ragas neves sede cugul. E tuk o, yɛn a rɔda re kya hywiri. 2Ko di, yin de yin a vɔk bengyip hom, reto hom ra rɔda gyep in sede gwi, ko rê vey a yin na netyâng rebek sede gwi de gwo tè vɔ e ra yin. Yin a rɔda sè washak, yin gyilsit sede nèy ngyī de na mɔsɔ de ba viri nɛ yi e kwara. 3E tuk o, yin ê di wɛng e ra vê ragas neves, ko yɛn a rɔda sè sede fongôl kya e nɛ̂n bol min. Me Dagwi Darwey, Dâ Jey Mwa ma ye ano.
4“Bare hin na basâ mwât fwom hom Mose, na Badu tanga nu de ma nɔng ɛ e Raku Sinai yaga mwa BeIsrayɛl.
5“Ko Di in, ma rɔda tomo a yin na Eliya, zarap hom gyam gbɔng tûk Dagwi Darwey hemo de ha rɔda ba sè pyɛ bengyip sizɔng. 6Yɛ a rɔda to wuna beda na nèy mɛn yaga na jeng de me ba toyo me ba wey na vwel o hywiri wɛt.”
Currently Selected:
Malaki 4: bomBI
Highlight
Share
Copy
Want to have your highlights saved across all your devices? Sign up or sign in
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust
