Susumo 5
5
Yére Adam
1-2E jeng de Dagwi a yong mwasi a yong ɛ sede yɛ. A yong ɛn rwas na hwā. A tɛ̀ a yɛn nerat, ko a vo a yɛn rezâ Mwasi. Ngyɛrɛ̂ bazâ yerê mwasi wo mɛsɛng, yɛ̀ Adam, a het ngan: 3Jeng de Adam a wul neshey naga na kuru batat (130) a vɔk hwey sede yɛ, a vo a hɛ rezâ Shɛt. 4E bama mo, Adam a ros neshey naga rwit (800); a vɔk nèy nehak bewen na behwong. 5Mwa neshey Adam na sé neshey naga shabetat na kuru batat (930), a ku.
6Jeng de Shɛt a wul neshey naga na nɛ netungun (105), a tɔ Ɛnɔsh. 7E bama mo, Shɛt a ros neshey naga rwit na kuru shabatat na nɛ netaama (807), a vɔk nèy nehak bewen na behwong. 8Mwa neshey Shɛt na sé naga shabetat na kuru na nɛ neba (912), a ku.
9Jeng de Ɛnɔsh a wul neshey kuru shabatat (90), a tɔ Kɛnan. 10E bama mo, Ɛnɔsh a ros neshey naga rwit na kuru na nɛ netungun (815), a vɔk nèy nehak bewen na behwong. 11Mwâ neshey Ɛnɔsh na sé naga shabetat na nɛ netungun (905), a ku.
12Jeng de Kɛnan a wul neshey kuru bataama (70), a tɔ Mahalalɛl. 13E bama mo, Kɛnan a ros neshey naga rwit na kuru banaas (840), a vɔk nèy nehak bewen na behwong. 14Mwa neshey Kɛnan na sé naga shabetat na kuru (910), a ku.
15Jeng de Mahalalɛl a wul neshey kuru batyiimin na nɛ netungun (65), a tɔ Yarɛt. 16E bama mo, Mahalalɛl a ros neshey naga rwit na kuru batat (830), a vɔk nèy nehak bewen na behwong. 17Mwa neshey Mahalalɛl na sé naga rwit na kuru shabatat na nɛ netungun (895), a ku.
18Jeng de Yarɛt a wul neshey naga na kuru batyiimin na nɛ neba (162), a tɔ Ɛnɔk. 19E bama mo, Yarɛt a ros neshey naga rwit (800), a vɔk nèy nehak bewen na behwong. 20Mwa neshey Yarɛt na sé naga shabetat na kuru batyiimin na nɛ neba (962), a ku.
21Jeng de Ɛnɔk a wul neshey kuru batyiimin na nɛ netungun (65), a tɔ Mɛtusɛla. 22E bama mo, a sè sangal e ji nesa na Dagwi neshey naga betat (300); a vɔk nèy nehak bewen na behwong. 23Mwa neshey Ɛnɔk na sé naga betat na kuru batyiimin na nɛ netungun (365). 24Ɛnɔk a sè sangal e ji nesa na Dagwi, ko ba to di ɛ wɛt, yaga Dagwi a ga jut ɛ.
25Jeng de Mɛtusɛla a wul neshey naga na kuru rwit na nɛ netaama (187), a tɔ Lamɛk. 26E bama mo, Mɛtusɛla a ros neshey naga betaama na kuru rwit na nɛ neba (782), a vɔk nèy nehak bewen na behwong. 27Mwa neshey Mɛtusɛla na sé naga shabetat na kuru batyiimin na nɛ shanetat (969), a ku.
28Jeng de Lamɛk a wul neshey naga na kuru rwit na nɛ neba (182), a tɔ hwey. 29Ko a ye, “Yi e vwel de Dagwi Darwey a kana kyini, hwey hemo hê vey a wot na pɔngɔ yi e reyɔ̂m fwom mot mwa.” Yaga ano, a vo a hɛ rezâ Nowa.#5:29 Nowa: E lêm BeIbrani rezâ “Nowa” ra sé bagat na retîn ha “pɔngɔ”. 30E bama mo, Lamɛk a ros neshey naga betungun na kuru shabatat na nɛ netungun (595), a vɔk nèy nehak bewen na behwong. 31Mwa neshey Lamɛk na sé naga betaama na kuru bataama na nɛ netaama (777), a ku.
32Jeng de Nowa a wul neshey naga betungun (500), a vɔk nèy netat Shɛm, na Ham tanga Yafɛt.
Currently Selected:
Susumo 5: bomBI
Highlight
Share
Copy
![None](/_next/image?url=https%3A%2F%2Fimageproxy.youversionapi.com%2F58%2Fhttps%3A%2F%2Fweb-assets.youversion.com%2Fapp-icons%2Fen.png&w=128&q=75)
Want to have your highlights saved across all your devices? Sign up or sign in
© 2009 Nigeria Bible Translation Trust and Wycliffe Bible Translators, Inc. in cooperation with Berom Language and Translation Board
New Testament originally published by © 1984 International Bible Society and Nigeria Bible Translation Trust