Дуулал 61
61
Бурханы хамгаалалтын баталгаа
Удирдаачид: Чавхдаст хөгжимд. Давидын дуулал.
1Хашхирахыг минь сонсооч, Бурхан,
Залбиралд минь чих тавиач.
2Зүрхээ цөхрөн доройтоход
Газар дэлхийн хязгаараас би
Таныг дуудаж байна.
Надаас өндөр хад уруу
Намайг хөтлөн гаргаач.
3Учир нь Та надад
Хоргодох газар,
Дайсны урдах бат бэх цамхаг билээ.
4Би майханд тань мөнхөд амьдрахсан.
Таны жигүүрийн сүүдэр дор хоргодохсон. Села
5Бурхан, Та тангаргуудыг минь сонссон билээ.
Нэрээс тань эмээгчдийн өвийг
Та надад өгсөн.
6Та хааны өдрүүд дээр өдрүүд нэмж,
Он жилүүдийг нь үеийн үед
үргэлжлүүлэх болтугай.
7Тэрээр Бурханы өмнө мөнхөд амьдарна.
Түүнийг хамгаалуулахаар
Энэрэл хайр ба үнэнийг томилооч.
8Тийнхүү өдөр өдрөөр ам өчгөө төлсөөр
Би Таны нэрийг мөнхөд магтан дуулна.
Currently Selected:
Дуулал 61: АБ2013
Highlight
Share
Copy
Want to have your highlights saved across all your devices? Sign up or sign in
Ariun Bible © Mongolian Union Bible Society 2013.