Амос 7

Царцаа, гал, тэгшлүүр

1Эзэн БУРХАН надад ийнхүү үзүүлэв. Харагтун, хаврын ургац соёолж эхлэхэд Тэр царцаан сүргийг бий болгож байсан. Харагтун, хаврын ургац хааны хадлангийн дараа байв. 2Тэд газрын ногоог идэж дуусах агшинд би

—Эзэн БУРХАН өршөөн соёрх! Иаков өчүүхэн тул хэрхэн зогсох вэ? гэв. 3ЭЗЭН энэ тухайд бодолоо өөрчлөн

—Энэ нь бүү болог гэж ЭЗЭН айлдсан.

4Эзэн БУРХАН надад ийнхүү үзүүлэв. Харагтун, Эзэн БУРХАН галан аадар дуудаж байсан. Тэр гал их оёоргүй гүнийг шатааж, тариалангийн газрыг ч түймэрдэж эхэллээ. 5Тэгэхэд би

—Эзэн БУРХАН өршөөн соёрх! Иаков өчүүхэн тул хэрхэн зогсох вэ? гэж хэллээ. 6ЭЗЭН энэ тухайд бодолоо өөрчлөн

—Энэ нь бас бүү болог гэж Эзэн БУРХАН айлдлаа.

7Тэр надад ийнхүү үзүүлсэн. Харагтун, Эзэн тэгшлүүртэй, хэрмэн дээр мутартаа тэгшлүүртэй зогсож байлаа. 8ЭЗЭН, надад

—Амос оо, чи юу харж байна вэ? гэхэд би “Тэгшлүүр” гэв. Тэгэхэд Эзэн

“Харагтун, Би Өөрийн ард түмэн Израилийн дунд

Тэгшлүүр тавих гэж байна.

Би тэднийг цаашид хэлтрүүлэхгүй.

9Исаакийн мөргөлийн өндөрлөгүүд эзгүйрч,

Израилийн ариун газрууд нуранги болно.

Би Иеробоамын гэрийн эсрэг илдтэй босох болно”

Амазиа зарга мэдүүлэв

10Тэгэхэд Бетелийн тахилч Амазиа, Израилийн хаан Иеробоамд үг илгээн

—Израилийн гэрийн дунд Амос таны эсрэг хуйвалдсан. Бүх үгийг нь энэ газар тээж үл чадна. 11Учир нь Амос ийнхүү хэлж байна. “Иеробоам илдэнд үхнэ. Израиль гарцаагүй нутгаасаа цөллөгт явах болно” гэсэн. 12Амазиа харин Амост

—Яв, үзмэрч ээ, Иудагийн нутаг уруу зугтаж, тэнд талхаа идэж, тэндээ эш үзүүл! 13Харин цаашид Бетелд бүү эш үзүүл. Учир нь энд хааны ариун газар, хаанчлалын өргөө бий гэв. 14Тэгэхэд Амос Амазиад хариулан

—Би эш үзүүлэгч ч бус, эш үзүүлэгчийн хөвгүүн ч бус. Харин би малчин, инжрийн жимс хураагч. 15Гэвч ЭЗЭН намайг сүргийн араас авч, “Миний ард түмэн Израиль дээр очоод, эш үзүүл” гэж ЭЗЭН надад айлдсан. 16Одоо ЭЗЭНий үгийг сонс. “Чи Израилийн эсрэг бүү эш үзүүл, Исаакийн гэрийн эсрэг бүү урсга” гэж чи хэлж байна. 17Тиймээс ЭЗЭН ийнхүү айлдаж байна. “Чиний эхнэр хотод янхан болж, хөвгүүд, охид чинь илдэнд унаж, газрыг чинь хэмжүүрээр хувааж, чи өөрөө бузар газар үхэх болно. Израиль гарцаагүй нутгаасаа цөлөгдөн явах болно” гэв.

Currently Selected:

Амос 7: АБ2013

Highlight

Copy