PA’PUDIAN 130
130
Nanian lu diong mai liku mandalan
130:1-8
1Nanian Hamaa’lot.
Meongli’na’ Mati’ diong mai liku mandalan, o PUANG.
2O Puang, perangii tu gamarangku,
sangapaoi amMi tanding talingai
tu mintu’ pengkamoyaku.
3O PUANG, iake la Mipalanni ara’ tu salaki,
mindara tu ma’din untananni bendan, o Puang?
4Apa dio kalemi den kaumpa’deian kasalan,
kumua anna kabangnga’Komi tau.
5Umpeagina’ PUANG, ondongpi iatu deatangku ma’peagi-agi,
sia urrannuanna’ kadanNa.
6Iatu sumanga’ku umpeagi Puang,
mandu ia anna pa’kampa babangan umpeagi dannari lambe’,
mandu ia anna pa’kampa babangan
umpeagi dannari lambe’.
7E to Israel, sande’komi lako PUANG!
Belanna dio PUANG den kamasokanan,
sia den duka buda kadilendokan dio.
8Sia la Nalendokan duka tu to Israel dio mai mintu’ salana.
Currently Selected:
PA’PUDIAN 130: SDA
Highlight
Share
Copy
Want to have your highlights saved across all your devices? Sign up or sign in
Sura' Madatu, Toraja Bible 2009® © Indonesian Bible Society – Lembaga Alkitab Indonesia, 2009
