PA’PUDIAN 122
122
Sangapaoi narampoi kamarampasan tu Yerusalem
122:1-9
1Nanian Hamaa’lot’. Pa’pudianna Daud.
Sende tu batu ba’tangku, tonna kuanna’ tau kumua:
Maiko talao lako banuanNa PUANG.
2Susimoto, kilesemo
tu babanganmu, e Yerusalem.
3Iatu Yerusalem mangka dibangun matoto’,
butung kota, nanii banua sitoe bang lan.
4Mintu’ suku male nasang lako,
iamotu mintu’ sukunNa PUANG.
Den pepasan lako to Israel
la umpudi sanganNa PUANG.
5Belanna tidandanmo dio isungan to torro ada’,
iamotu isungan to torro ada’ lan mintu’ bati’na Daud.
6Palakuanni kamarampasan tu Yerusalem,
sangapaoi anna rapa’ tu to ungkamali’ko.
7Sangapaoi anna marampa’ mintu’ to naluang bentengmu,
sia rapa’ tu to lan tambakukummu.
8Bannang dio le’to barra’ku sia polo kaindi’ku, angku la ma’kada kumua:
Sangapaoi anna torroiko kamarampasan!
9Sia bannang dio banuanNa PUANG, Kapenombanta,
angku dakarangko kameloan.
Currently Selected:
PA’PUDIAN 122: SDA
Highlight
Share
Copy
Want to have your highlights saved across all your devices? Sign up or sign in
Sura' Madatu, Toraja Bible 2009® © Indonesian Bible Society – Lembaga Alkitab Indonesia, 2009
