Luk 3
3
Jọn ògwook mun̄ înu ininen̄e oniin̄ isun̄
(Mat 3:1-12; Mak 1:1-8; Jọn 1:19-28)
1Me òso akọp mè acha go eyi ogwu Sisa ekigwen Tiberiọs orebe ogwu ibot mkpulu me Rom, mgbọ ya ke Pọntiọs Pailet okikpulu agan̄ Judia, Erọdu okekikpulu agan̄ Galili. Filip ngwan̄ kè Erọdu okikpulu agan̄ Ituria mè agan̄ Tarakonaitis. Lisanias okekikpulu agan̄ Abilin. 2Mgbọ ya si ke Anas mè Keyefas ere ebi ibot ngwugwa me Jeruselem. Me emen mgbọ ya, Awaji onenigwen Jọn gwun̄ kè Jekaraya me emen èwê iria ikwaan̄. 3Jọn obebene ikijijen̄e ikana otutuuk ama òkup me agba okwaan̄ Jodan ikilook ebi ene etip ibe, “Ìgwu ìkom me emen ijo kinyi, mè ìnigwook mun̄, inyi Awaji itele ijo kinyi inyi enyi.” 4Inu yi îje itat me lek inu egebe me emen ikpa ogwu nriran Asaya ibe,
“Ida ge òkitaan̄ ukpo me emen èwê ibe,
‘Ìnen̄e oniin̄ ìsun̄ ìban Okaan̄-ene,
ìrọ oniin̄ òtatat ìnyi ọmọ.
5Mêtọm otutuuk iteke geelek,
inyi ibene ikeke,
mè ibak otutuuk orioon̄
mè ogoon̄ geelek igwook,
inyi ijọn̄ ilibi ìkike.
Mêrọ inyi otutuuk oniin̄
òkukukọnọ ilibi itat,
mè irọ si inyi oniin̄ geelek
òkup kpunukpunukpunu irọt.
6Otutuuk ebi ido geelek mêmun̄
Ogwu Unyan̄a Awaji oriabe inu.’ ”#3:6 Asaya 40:3-5
7Ogbogbo ene egbugbuku isibi inu, ibe Jọn inigwook ema mun̄. Mgbọ Jọn omun̄be ife chi, itutumu inyi ema ibe, “Enyi bọn ijo ulu kechi! Ìre ekene oteme enyi ibe enyi elibi enwọnọ unaan̄-ejit Awaji eyi òbonunu? 8Ìkirọ ata irọrọ eyi òbokijeen̄ ibe ke enyi mîgwu ikom me atikọ. Ikakpọkpọ ìkup ìkitumu ìbe ke enyi ìre bọn kè Ebereyam, mè ìkikeek ibe ke enyi mêsa me ikeya inwọnọ osusut Awaji. Ǹkitumu inyi enyi ibe ke Awaji môkọt irọ inyi ewuuk chi òkup me ere yi ikana bọn inyi Ebereyam. 9Mgbọ yi, mîto otuban itele me ebon uti geelek. Ire ikaan̄ uti ikatoge ata mfut, mêcho ito, mè iben itọp itap me ukan̄.”
10Ebi ife cha enenikido ọmọ ibe, “Mgbọ keyi, ìre keke ke eji eberọ?”
11Jọn ofọfọọk ema ibe, “Ogwu òkaan̄ ofọnti iba, iche ge inyi ogwu ikakaan̄ge geege. Ogwu òkaan̄ inorie, iche si inyi ogwu ikakaan̄ge.”
12Ebi ìkibọkọ otitip ido otutuuk mîgọọk inu ibe Jọn inigwook ema mun̄, mè inido Jọn ibe, “Ogwu ijejeen̄, eyi kiji, ìre keke ke eji eberọ?”
13Jọn ofọfọọk ema ibe, “Ikabọkọ otitip ìwa ìraka ike ebe enyi ebọkọ.”
14Usini ebi akọn̄ mîgọọk inu si me ere ya, mè inido ọmọ ibe, “Sà eji ye? Ìre keke ke eji eberọ?”
Jọn ofọfọọk ema ibe, “Ikakisa me unye ubọk ìtet ebi ene ìbọkọ ikpoko. Ikakitoon̄ ene geege uraamọn ataak. Ìtele inyi mkpukpe geelek ekikpe inyi enyi ijot enyi chieen̄.”
15Ebi Ju mîkaan̄ ikpọchieen̄ òmimin enenen me lek inunu ogwu Awaji otọkọbe aran̄ me ibot ya. Eya orọ, mgbọ Jọn okijeen̄ inu me ere ya, ema ekekikeek me emen ejit kiban̄ ibe ke Jọn môkọt ire ogwu ene ya. 16Jọn otutumu inyi ema otutuuk ene ibe, “Emi ǹkisa mun̄ ikike igwook enyi mun̄. Ire, ene ge òmimin igak emi mônu. Emi me lek n̄a ǹkagbe ogwu òbotọn̄ọ olik ikpukot ene ya. Ene ya isinu, ìbosa Ekwukwu Mbuban mè ukan̄ igwook enyi mun̄. 17Ene ya îkaan̄ ugen̄ sanasana otu kan̄ me ubọk, eyi ìbosa igen̄ mfufe isan̄a me lek akpa, mè ikpulu akpa cha isi itap me emen uwu isun̄-inu kan̄, mè ikpulu mfufe cha isi itap me emen ukan̄ eyi ìkakiniin̄.” 18Jọn îtumu si owuwa ikọ isa igbaalek iteme ife cha nteme mgbọ îkilook ema ata etip ya.
19Jọn îtumu ikọ ikeme Erọdu ogwu ibot mkpulu mije îtetbe Erọdias, nwa ogwu ngwan̄ Filip, ibọkọ isa irọ nwa kan̄, igbaalek owuwa ijo inu òkup esese esese echi Erọdu orọbe me ugwem kan̄. 20Erọdu otetet Jọn itap me mkpọn, mè isa ijo inu keya itap isọkọ me lek otutuuk ijo inu îwuukbe lek irọrọ iraka.
Igwook-mun̄ kè Jisọs
(Mat 3:13-17; Mak 1:9-11)
21Mgbọ Jọn okigwook otutuuk ene cha mun̄, îgwook si Jisọs mun̄. Mgbọ Jisọs okiriaak uriaak, emen inyọn̄ ochichili ibook. 22Ekwukwu Mbuban onanan̄a me emen inyọn̄ iwulu isiki inu kubọk ekerekwukwu, mè inisọọk ọmọ me lek. Ida ge onanan̄a me emen inyọn̄ ikitumu ibe, “Owu ìre gwun̄ n̄a ogwu mmabe, ejit n̄a îbele me lek kwun̄ enenen.”
Mfufuk iman kè Jisọs
(Mat 1:1-17)
23Jisọs ìre akọp acha ita mgbọ îbenebe isi ikwaan̄ kan̄. Ebi ene ekigwen ọmọ gwun̄ kè Josefu.
Josefu ìre gwun̄ kè Eli.
24Eli orere gwun̄ kè Matat,
Matat orere gwun̄ kè Libai,
Libai orere gwun̄ kè Meliki,
Meliki orere gwun̄ kè Jana,
Jana orere gwun̄ kè Josefu.
25Josefu orere gwun̄ kè Matatiyas,
Matatiyas orere gwun̄ kè Emọs,
Emọs orere gwun̄ kè Nawum,
Nawum orere gwun̄ kè Esili,
Esili orere gwun̄ kè Nagai.
26Nagai orere gwun̄ kè Maati,
Maati orere gwun̄ kè Matatiyas,
Matatiyas orere gwun̄ kè Semeyin,
Semeyin orere gwun̄ kè Josek,
Josek orere gwun̄ kè Joda.
27Joda orere gwun̄ kè Jowanan,
Jowanan orere gwun̄ kè Resa,
Resa orere gwun̄ kè Jerubaben,
Jerubaben orere gwun̄ kè Sialitien,
Sialitien orere gwun̄ kè Neri,
Neri orere gwun̄ kè Meliki.
28Meliki orere gwun̄ kè Adi,
Adi orere gwun̄ kè Kosam,
Kosam orere gwun̄ kè Elimadam,
Elimadam orere gwun̄ kè Eri,
Eri orere gwun̄ kè Josuwa.
29Josuwa orere gwun̄ kè Elieja,
Elieja orere gwun̄ kè Jorim,
Jorim orere gwun̄ kè Matat,
Matat orere gwun̄ kè Libai.
30Libai orere gwun̄ kè Simiọn,
Simiọn orere gwun̄ kè Juda,
Juda orere gwun̄ kè Josefu,
Josefu orere gwun̄ kè Jonam,
Jonam orere gwun̄ kè Eliakim.
31Eliakim orere gwun̄ kè Meleya,
Meleya orere gwun̄ kè Mena,
Mena orere gwun̄ kè Matata,
Matata orere gwun̄ kè Netan,
Netan orere gwun̄ kè Debit.
32Debit orere gwun̄ kè Jesi,
Jesi orere gwun̄ kè Obedi,
Obedi orere gwun̄ kè Bowaji,
Bowaji orere gwun̄ kè Salimọn,
Salimọn orere gwun̄ kè Nasiọn.
33Nasiọn orere gwun̄ kè Aminadap,
Aminadap orere gwun̄ kè Adimin,
Adimin orere gwun̄ kè Ani,
Ani orere gwun̄ kè Ejirọn,
Ejirọn orere gwun̄ kè Pereji,
Pereji orere gwun̄ kè Juda.
34Juda orere gwun̄ kè Jekọp,
Jekọp orere gwun̄ kè Ajiki,
Ajiki orere gwun̄ kè Ebereyam,
Ebereyam orere gwun̄ kè Tera,
Tera orere gwun̄ kè Nayọ.
35Nayọ orere gwun̄ kè Serugu,
Serugu orere gwun̄ kè Rewu,
Rewu orere gwun̄ kè Pelegi,
Pelegi orere gwun̄ kè Eberi,
Eberi orere gwun̄ kè Sela.
36Sela orere gwun̄ kè Keyinan,
Keyinan orere gwun̄ kè Afakisadi,
Afakisadi orere gwun̄ kè Sem,
Sem orere gwun̄ kè Nuwa,
Nuwa orere gwun̄ kè Lemek.
37Lemek orere gwun̄ kè Metusela,
Metusela orere gwun̄ kè Enọk,
Enọk orere gwun̄ kè Jaredi,
Jaredi orere gwun̄ kè Mayalalen,
Mayalalen orere gwun̄ kè Keyinan.
38Keyinan orere gwun̄ kè Enọs,
Enọs orere gwun̄ kè Set,
Set orere gwun̄ kè Adam,
Adam onenire gwun̄ Awaji.
Currently Selected:
Luk 3: Obolo
Highlight
Share
Copy
Want to have your highlights saved across all your devices? Sign up or sign in
© 2012, The Nigeria Bible Translation Trust and Wycliffe Bible Translators, Inc. All rights reserved.
New Testament originally published by International Bible Society 1991.
