ZECHARIAH 9
9
Kirwooget ne nyoonjin puunigap Israel
1 # Isa 17.1-3; Jer 49.23-27; Amo 1.3-5 #Isa 23.1-18; Ezk 26.1-28.26; Joel 3.4-8; Amo 1.9-10; Mat 11.21-22; Luk 10.13-14 Nyigiisindap ng'olyootap Kamuktaindet ne Toroor agobo emetap Hadrak,
ak egu Damasko ole tebee.
Amu tokyingei `Kamuktaindet ne Toroor piik tugul,
ak pororyosyek tugul che po Israel; 2kobooto Hamath agine ne mi kiwotennyi,
Tyro ak Sidon, nga keeregei ko utaatiin miising'.
3Ak kiteekyigei Tyro irimeet,
ak ki iyum fedha ko uu temburyek,
ak koyum thahabu che korooron ko uu ng'atateegap ortinwek.
4Ogeero, oonei Kiptaiyat ineendet,
ak kowiirchi kimnateennyi nyanjet;
ak kebeel.
5 # Isa 14.29-31; Jer 47.1-7; Ezk 25.15-17; Joel 3.4-8; Amo 1.6-8; Zep 2.4-7 Keerei Askelon ak koiyweis;
keerei Gaza agine, ak konyoor ng'wanindo ne oo;
ak Ekron agine, amu ililani eng' kamang'unennyi.
Ak kobet laitoryat eng' Gaza,
ama kemenyei Askelon.
6Ak komeny `chiito ne po sarbuch Ashdod,
ak ageesu menoteetap Philistiik.
7Ak aiste korotiikyik eng' kutinnyi,
ak aiste tuguukyik che kiweechei eng' kelekyik;
ak punjin `ineendet agine ne ng'etu Kamuktaindennyo;
ak koigei poror eng' Judah,
ak koigei `Ekron Jebusindet.
8Ak ameng'iisye ayiem koonnyu si agirinda lugeet,
si ma pun chii yooto anan koweegegei.
Ama mi usiindet ne punei kwenunnywa agoi,
amu kaageer nguno eng' konyekyuk.
Laitoryat ne po kaalyeet
9 # Mat 21.5; Jhn 12.15 Paibaitu miising', ee cheptap Zion!
Waach, ee cheptap Jerusalem!
Keero, nyoonjinin laitoryandeng'ung';
po iman ineendet ak kotinyei yetunet;
iming'inegei ak kolong'onu sigiryet,
moitap sigiryet ne kirgit.
10 # T.Kal 72.8 Ak ang'em chepkichutitap lugeet eng' Ephraim,
kobooto paraisiit eng' Jerusalem,
ak kigees kwangetap pooryeet;
ak komwachi pororyosyek kaalyeet;
ak pochitu pounatennyi nyanjet age agoi nyanjet age,
ak koboochit aineet agoi ole poochin ng'wony.
11 # Kom 24.8 Ago eng' inyee, ko ki ayookte kimonjororiniguk eng' keriinget ne ma mi peek,
amu korotiigap kayomiseng'ung'.
12Oweekyigei irimeet, ee okweek kimonjororinik che otinye kamang'unet;
agot rani amwae ale, ageerun konyil aeng'.
13Amu ki ariikyigei Judah ko uu kwanget,
ak ayai Ephraim koek kipchabonikyik.
Ang'eeti weeriiguk, ee Zion,
kobargei ak weeriiguk, ee Greece,
ak ayain iige rotwetap chok ne po chiito ne nyigan.
14Ak kotook Kamuktaindet ne Toroor eng' paragunnywa,
ak kwo ne kipchabennyi ko uu kalyeleet;
ak koguut Kiptaiyat Kamuktaindet ne Toroor iryageet,
ak kwo kobooto kipchurchurinik che po murot tai.
15Ak koriip Kamuktaindet ne Toroor ne po lugoosyek icheek;
ak kogees ak kotyekyi ng'wony koik che ki wiirtoe porowet;
ak koeeiso ak kowaakyo ko uu che kae divaik,
ak kinyiit ko uu taabook,
ko uu luukwegap kaptisisyet.
16Eng' peetuunooto, kosaru `Kamuktaindet ne Toroor Kamuktaindennywa icheek,
ko uu akweetap keechiiregap piikyik;
amu tuun kergeitu ak koik che po chepkulet,
iluu icheek miising' eng' emennyi.
17Amu oo ne tya myeeindonyi ak korooronindonyi!
Igoochin `peek murenik koneryo,
ak kogoochin `divaik che leelach tiibiik koneryo.
Currently Selected:
ZECHARIAH 9: KAPR
Highlight
Share
Copy
Want to have your highlights saved across all your devices? Sign up or sign in
©Bible Society of Kenya, 2019
