Jonah 2
2
2:1-10 Jonah da Banungari
1Jonah oka tini jokáda irise, nunda Bajari God kena banunguse 2sisira,
“Na eko tafuse, Bajari nimokena kori seteno,
ni mino setesi. Ambarida uroda fefetuse,
na sonembadae kori seteno, nine nanda kori ningesi. 3Na nine fugeteso, kafuru duru bekáda vosaena. Kafuru duru duru bekáda buveno, taito na bu siviri, ninda eva nanda etoda afufedo aira. 4Na seteni, na ninda dombuda dadabari beká eteni. Nanda kotari ni na imboe beká ariá seteni. Avata na sekago ninda tafaroro kambo kakara diti fuge garena. 5Eva anje ojira na fati tifughedo, afurugari beká etiri; ghaevoimi na jiroda eghetira. 6Na tifughedo vosaena, doriri mane iritirira ainda duru bekáda buveni. Enda duruda aimi na gajari beká gajetira. Avata nine nanda jebuga Ambari da uro bekada sekago mutesi. Arie, Bajari, nanda God! 7Nanda jebuga darigiri, na nimoá koteteni, Bajari, ã nanda banungari ninda tafaroro kambo kakara nimokena buvira. 8Mave kosi, ove yeye tangoro bu jighirise, nimoá tumondaetera ava, guka futuseri. 9Avata namo, yaruimi sakai sise, nanda joba nindae dedo dungono avari, na rea ava ari dae beka gagojusena amo, ava aono eveva arira. Jebuga beká Bajari kena ghe foa gheraira.”
10Aminge banungetiri, Bajari oka aikena setiri, okaá Jonah tugetiri ghonesada vivitusira.
Currently Selected:
Jonah 2: kpr
Highlight
Share
Copy
Want to have your highlights saved across all your devices? Sign up or sign in
© 2003, Wycliffe Bible Translators, Inc. All rights reserved.
