Luka 15

Meseleja ti ôja qërutë

1Tuc acej ci aduna xhelepja shi acej ci fëcja amartii, ma s'ja purqa ningi Jezus tas avxa.

2Farisenjjë shi skribënjjë xhuduka shi xëcja: “Aist aprôqë acej ci fak amartii, mëkë shi bja ku nësh.” 3Astumsëna Jezus ll'u spusi aistë meselei: 4“Kaj di voj ci, ma s'ajbë unësutë di oj, sh unë di nësi qeri, nu us l'i allasë nauxëc i nau oj tu padi tas kaftë aca ci ari qërutë pën s'u afllë? 5Shi kënd u afllë, u ja pi numëri mullt hërësit. 6Kënd si tôrrë akasë, adunë ôspëcjë a lluj, shi kusurinjjë sh llu xëci: ‘Hërësicvë ku mini kë o-fllaj ôja ci nj'avja qërutë.’ 7Mini ma v'i xëk kë ashë esti shi tu cerl. Ako ari ma mulltë hërau ti un amartios ci esti fapt pishmani, dipi ti nauxëc i nau ndrepc ci nu ar ti ci s'i fakë pishmani”.

Meselea ti përëllu qërut

8“Shi napoj, ma kë unë mujeri ari xaci monedhi di asimi, shi unë i'j qeri, a nu nexi s'aprindë unë këndillë tas fakë llunjinë pit kasë, tas u kaftë pën kënd s'u afllë. 9Shi kënd u afllë, ll'u greshti a sôcëllu a je shi a gjitonëllu, shi ll'u xëci: ‘Hërësicvë ku mini, kë o-fllaj përëllu ci nj'avja qërutë.’ 10Mini ma v'i xëk: ‘Ashë s'hërësest shi ëngjëjë a Dumëxë ti un qërut ci s'tôrrë, shi s'faci pishmani’”.

Meselea ti fëçorru arrakat

11Dapoja Jezus xësi: “Un om avja doj fiçor. 12Ma njiku i'j xësi a tatësu: ‘Tate, dënj pjesa ali averi ci nj'tukueshti’. 13Dupi ndau xëli fiçorru acell njiku adunë pleçkëli ci avja shi fuxi tu un bilok allt, dëpërtos. Ako ell o-dusi qërutë avera a lluj kë fëcja unë banë fërë namustrë. 14Shi kënd l'asparsi tuti, tu acell bilok gëxu unë urfanjë ti pëni, shi ell arrëmasi fërë cëva. 15Astumsëna nesi shi afllë lluk lla un om di aca kasabai, shi aist u petërku tas pashtë porrcjë. 16Ako us vra tas s'i hërra ku ginduri ci mëka porrcjë, ma içvërr nu i'j dëdja. 17Ell s'ja duqi shi xësi: ‘Mullc di acej ci llukraxë lla tati a njell, ar pëni kit ll'u tupureshti, sh mini aô ma mor ti pëni. 18Us m'i skoll shi us neg lla tatënju, shi us i'j xëk: Tate, mini am faptë llath mari dininti a cerlu shi dininti a tau. 19Nu i'nj tukueshti tas est hjiju a tell. Cënëmi ka un di acej ci llukraxë lla tini.’ 20Ashë nqësi shi nesi lla tatësu. Ma kënd ara ninga dëparti, tatësu u vëxu shi i'j vini rrëu ti nës, s'i siligji kiti nës, o-vërti tu bracëli a lluj shi u bëshë. 21Astumsëna hjijësu i'j xësi: ‘Tate, mini am faptë amartii dininti a cerlu shi dininti a ta. Nu i'nj tukueshti tas est hjiju a tëll.’ 22Ma tatësu ll'u xësi a ysmeqarëllu: ‘Aducec ntrôrë stranjli ma buni shi mvështecu. Bëgaci'j tu xedut nellu shi tu çëçôri sandalili. 23Lloc viçu ma bun shi tëjacu. S'mëkëm shi s'fëcem daveti, 24kë aist hjiju a njell ara mort shi injjë, avja qërut shi s'ja fllë!’ Shi ahurhjirë s'hërësjastë. 25Fiçorru a lluj, ma marrë ara tu agur. Kënd vini, shi s'ja purqë di kasë, avxë tëmpinj sh xhok. 26Dapoja i'j gri a unuj di ysmeqarjë shi u tërbë, ci ma s'fëcja. 27Ell j'u turrë: ‘Ari vinitë fratëtu, shi tatëtu ari tëjatë viçu ma gras, kë ell esti turrat gjini sh ku sënëtati.’ 28Astumsëna ell s'nërri, sh nu vra s'intra nunt. Tatësu ishë nafôrë tas i'j fëcja rixhai s'intra n'kasë, 29ma ell ju turrë: ‘Mini am llukratë ka ysmeqar tuc aiç anj ti tini, shi nu c'ôm turratë zbôrru içvërrorë, sh ku-tutë-aca, tini nu nj'aj datë niki un ed tas fak daveti ku ôspëcjë a njej. 30Shi tora, ci s'turrë hjijëtu, acell ci o-sparsi tutë avera a ta ku putanili, tëjash ti nës viçu ma gras.’

31Dapoja tatësu i'j xësi: ‘Hjij, tini esht totëna ku mini, shi tuti aisti ci am mini sënt sh a tëli. 32Ma noj prindi s'fëcem gostii, shi s'hërësim kë fratëtu ara mort shi s'turrë tu banë, avja qërut shi s'afllë’”.

Currently Selected:

Luka 15: ARUM

Highlight

Copy