YOS 21
21
Lebi bɔnsɔnilu la soilu
1Lebi bɔnsɔnilu la kabila kuntiilu wara Alla la sarakalasela Elasari ni Nun dencɛ Josuwe tɛrɛn ye, a ni Isirayɛlika doilu la kabilailu kuntiilu. 2Ii wara woilu tɛrɛn Silo so kɔndɔ Kanaan jamana rɔ. Ii ka a fɔ ii yɛ ko: «Allabatala ka jamarili di ka fara Musa la ko so doilu ye di an ma, mɛnilu ri kɛ an siiyɔrɔilu ri. Ko duu fanan ye di an ma so woilu laminin dɔ, mɛn di kɛ an na kolofenilu damaɲinin diyailu ri.»
3Nba, ka bɛn Allabatala la jamarili wo ma, Isirayɛlikailu ka so doilu ni woilu kolofenilu damaɲinin diyailu di Lebi bɔnsɔnilu ma. So woilu tɛrɛ ye Isirayɛlika doilu la duukoloilu kan. 4Matɛɛli ka Kohati la bonkɔndɔla fɔlɔ mira. Wo rɔ, Isirayɛlikailu ka so tan ni sawa di Alla la sarakalasela Haruna la denbaya ma, baa Haruna la denbaya tɛrɛ ye Kohati la bonkɔndɔla fan kelen de ri. Ii ka so mɛnilu di, woilu ye Yahuda kabila la duu rɔ, a ni Simeyɔn kabila ta, ni Bɛniyaminu kabila ta. 5Isirayɛlikailu ka so tan de di Kohati la bonkɔndɔla tɔilu ma. So woilu ye Efirayimu kabila la duu rɔ, a ni Daan kabila ta, ni Manase kabila talantɛ#21.5 Manase kabila talantɛ wo ye Juridɛn Ba telebe rɔ ta. 6Ii ka so tan ni sawa fanan di Kerisɔn na bonkɔndɔla ma. So woilu ye Isakari kabila la duu rɔ, a ni Asɛri kabila ta, ni Nafitali kabila ta, ni Manase kabila talantɛ ta, wo mɛn ye Basan jamana rɔ. 7Ii ka so tan ni fila le di Merari la bonkɔndɔla ma. So woilu ye Rubɛn kabila la duu rɔ, a ni Kadi ta ni Sabulɔn ta. 8Isirayɛlikailu ka so woilu di Lebi bɔnsɔnilu ma, a bɛɛ ni a kolofenilu damaɲinin diyailu. Ii ka a kɛ ten ka a bɛn Allabatala la jamarili ma, a ka mɛn di ka fara Musa la.
9-10Awa, Haruna la denbaya bɔni Kohati la bonkɔndɔla le rɔ, mɛn ye Lebi bɔnsɔnilu rɔ. Isirayɛlikailu ka kalabe kɛ tuma mɛn na, kala ka Kohati la bonkɔndɔla fɔlɔ le ta. Wo rɔ, Isirayɛlikailu ka soilu di Haruna la denbaya fɔlɔ ma. Ii ka so doilu di ii ma Yahuda kabila la duu rɔ, a ni Simeyɔn kabila ta. 11Ii ka Kiriyati Ariba so ni a laminin duu di ii ma. So wo ye Yahuda kabila la duu koyinkɛ ma yɔrɔ rɔ. A tɔɔ lani tɛrɛ Ariba la, mɛn ye Anaki fa ri. Kɔni a tɔɔ le sisen ko Heburɔn. 12Kɔni Heburɔn so sɛnɛilu ni a so mɛsɛnilu tun dira Jefunɛ dencɛ Kalɛbu ma fɔlɔ ka a kɛ a ta ri. 13-14Heburɔn tɛrɛ makandanni so do le ri. Ii ka Heburɔn so di Alla la sarakalasela Haruna la denbaya ma, ka Libina so la wo kan, a ni Jatira ni Esitemoha, 15-16Holɔn ni Debiri ni Ayin ni Juta a ni Bɛti-Sɛmɛsi. Wo bɛɛ ladɛnnin kɛra so kɔnɔndɔ le ri, a bɛɛ ni a kolofenilu damaɲinin diyailu. So woilu bɛɛ ye Yahuda kabila la duu rɔ, a ni Simeyɔn kabila ta. 17-18Ii ka Kibeyɔn ni Keba fanan di ii ma, a ni Anatɔti ni Alamɔn. Wo bɛɛ ladɛnnin kɛra so naanin de ri, a bɛɛ ni a kolofenilu damaɲinin diyailu. So naanin wo bɛɛ ye Bɛniyaminu kabila la duu rɔ. 19Awa, Haruna la denbaya, Alla la sarakalaselailu kɔnin, ii ka so tan ni sawa sɔrɔn, a bɛɛ ni a kolofenilu damaɲinin diyailu.
20Wo kɔ rɔ, Isirayɛlikailu ka soilu di Lebi bɔnsɔn Kohati la bonkɔndɔla denbaya tɔilu ma. So woilu ye Efirayimu kabila la duu le rɔ. 21-22Ii ka Sɛkɛmu so di ii ma ye, mɛn ye Efirayimu kabila la duu koyinkɛ ma yɔrɔ rɔ. Sɛkɛmu ye makandanni so le ri. Ii ka Kɛsɛri so fanan di ii ma, a ni Kibisayimu ni Bɛti-Hɔrɔn. Wo bɛɛ ladɛnnin kɛra so naanin de ri, a bɛɛ ni a kolofenilu damaɲinin diyailu. 23-24Ii ka so doilu di ii ma Daan kabila la duu rɔ fanan. Ii ka Eliteke di ii ma ye, a ni Kibetɔn ni Ajalɔn ni Kati-Rimɔn. Wo bɛɛ ladɛnnin kɛra so naanin de ri, a bɛɛ ni a kolofenilu damaɲinin diyailu. 25Ka a la wo kan, ii ka so doilu fanan di ii ma, Manase kabila talantɛ la duu rɔ, Tanaki a ni Kati-Rimɔn kɔnin. Wo bɛɛ ladɛnnin kɛra so fila le ri, a bɛɛ ni a kolofenilu damaɲinin diyailu. 26Nba, Isirayɛlikailu ka so tan woilu di Kohati la bonkɔndɔla denbaya tɔilu ma, a bɛɛ ni a kolofenilu damaɲinin diyailu.
27Wo kɔ rɔ, Isirayɛlikailu ka so doilu di Lebi bɔnsɔn Kerisɔn la bonkɔndɔla ma Manase kabila talantɛ la duu rɔ, mɛn ye telebɔ rɔ. Ii ka Kolan di ii ma. Kolan ye makandanni so do le ri. A ye Basan jamana rɔ. Ii ka Besetera fanan di ii ma. Wo bɛɛ ladɛnnin kɛra so fila ri, a bɛɛ ni a kolofenilu damaɲinin diyailu. 28-29Ii ka so doilu fanan di ii ma Isakari kabila la duu rɔ. Ii ka Kisiyɔn di ii ma ye, a ni Dabɛrata ni Jaramutu ni En Kanimu. Wo bɛɛ ladɛnnin kɛra so naanin de ri, a bɛɛ ni a kolofenilu damaɲinin diyailu. 30-31Ka a la woilu kan, ii ka so doilu di ii ma Asɛri kabila la duu rɔ. Ii ka Misala di ii ma ye, a ni Abidɔn ni Hɛlikata ni Rehobu. Wo bɛɛ ladɛnnin kɛra so naanin de ri, a bɛɛ ni a kolofenilu damaɲinin diyailu. 32Ii ka so doilu fanan di ii ma Nafitali kabila la duu rɔ. Ii ka Kedɛsi di ii ma ye, mɛn ye makandanni so do ri. Kedɛsi ye Kalile mara rɔ. Ii ka Hamɔtu Dori so la wo kan, a ni Karitan. Wo bɛɛ ladɛnnin kɛra so sawa le ri, a bɛɛ ni a kolofenilu damaɲinin diyailu. 33Nba, Isirayɛlikailu ka so tan ni sawa woilu di Kerisɔn kabila ma, a bɛɛ ni a kolofenilu damaɲinin diyailu.
34-35Wo kɔ rɔ, Isirayɛlikailu ka so doilu di Lebi bɔnsɔnilu tɔilu fanan ma, mɛn ye Merari la bonkɔndɔla ri. Ii ka Jokineyamu so di ii ma Sabulɔn kabila la duu rɔ, ka Karita so la wo kan, a ni Dimina ni Nahalali. Wo bɛɛ ladɛnnin kɛra so naanin de ri, a bɛɛ ni a kolofenilu damaɲinin diyailu. 36-37Ii ka soilu fanan di ii ma Rubɛn kabila la duu rɔ. Ii ka Bɛsɛri di ii ma ye, ka Jahasi so la wo kan, a ni Kedemɔtu, a ni Mefata. Wo bɛɛ ladɛnnin kɛra so naanin de ri, a bɛɛ ni a kolofenilu damaɲinin diyailu. 38-39Ii ka soilu fanan di ii ma Kadi kabila la duu rɔ. Ii ka Ramɔtu di ii ma ye, mɛn ye makandanni so do ri. A ye Kiliyadi jamana rɔ. Ii ka Mahanimu so la wo kan, a ni Hɛsibon ni Jasɛri. Wo bɛɛ ladɛnnin kɛra so naanin de ri, a bɛɛ ni a kolofenilu damaɲinin diyailu. 40Nba, Isirayɛlikailu ka so tan ni fila woilu di Lebi bɔnsɔn toilu ma, Merari la bonkɔndɔla kɔnin.
41Lebi bɔnsɔnilu ka so mɛnilu sɔrɔn Isirayɛlikailu la niiyɔrɔilu rɔ, wo bɛɛ ladɛnnin kɛra so binaanin ni so seyin de ri, a bɛɛ ni a kolofenilu damaɲinin diyailu. 42So wo bɛɛ dira ii ma, a bɛɛ ni a kolofenilu damaɲinin diyailu.
Allabatala ka a la lahidi dafa Isirayɛlikailu yɛ
43Nba, Allabatala ka jamana wo bɛɛ di Isirayɛlikailu ma, ikomin a tun ka lahidi ta ii benbailu yɛ ɲa mɛn ma. Isirayɛlikailu ka jamana mira ka a kɛ ii siiyɔrɔ ri. 44Allabatala ka hɛrɛ kɛ ii yɛ ii laminin dandeilu bɛɛ rɔ, ikomin a ka lahidi ta ii benbailu yɛ ɲa mɛn ma. A ka sebaya di ii ma ii juuilu bɛɛ kan. Woilu si ma se ii lɔla ii ɲɛ. 45Allabatala ka lahidi mɛnilu ta Isirayɛlikailu yɛ, a ka wo bɛɛ dafa. Lahidi kelen ma to ni a ma mɛn dafa.
Currently Selected:
YOS 21: AKS
Highlight
Share
Copy
Want to have your highlights saved across all your devices? Sign up or sign in
© 2022 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/
