ADA 10
10
Nuhan dencɛilu la bɔnsɔn
1Ji dunba tamin kɔ, Nuhan dencɛilu Sɛmu ni Hamu ni Jafɛti ka dencɛilu sɔrɔn. Ii bɔnsɔn le ɲin di.
2Jafɛti dencɛilu le ten: Komɛri, Makɔki, Madayi, Jaban, Tubali, Mesɛki a ni Tirasi. 3Komɛri dencɛilu le Asikɛnasi, ni Rifati ni Tokarima ri. 4Jaban dencɛilu le ten: Elisiya, Tarasisi, Kitimu a ni Dodanimu. 5Jaban bɔnsɔn jɛnsɛnda ka wa i sii kɔɔji da la, a bɛɛ ni a la duu, a bɛɛ ni a la kumakan, a bɛɛ ni a mɔɔilu, a bɛɛ ni a la jamana.
6Hamu dencɛilu le ten: Kusi, Misiran, Puti a ni Kanaan. 7Kusi dencɛilu le ten: Sɛba, Habila, Sabita, Rayɛma a ni Sabiteka. Rayɛma dencɛilu le Seba ni Dedan di. 8Kusi dencɛ do le Nimurodu ri. Wo le fɔlɔ kɛra fankatii ri duukolo kan. 9A kɛra donso fadimanba ri Allabatala ɲana. Wo rɔ a ye fɔla doilu ma ko: «A kɛni donso fadimanba le ri, Allabatala ɲakɔrɔ ikomin Nimurodu tɛrɛ ɲa mɛn ma.» 10Nimurodu kɛra faama ri. A fɔlɔma le ka a sii Babilɔni ni Erɛki ni Akadi soilu kun na. So sawa wo bɛɛ tɛrɛ Sineyari jamana le rɔ. 11A bɔra jamana wo rɔ ka wa Asuri jamana rɔ. A ka Ninibe ni Rehobotiri ni Kalasi 12ni Resɛni soilu sii ka ii lɔ. Resɛni ye Ninibe ni Kalasi so fila le tɛ. So ba le wo ri.
13Misiran kɛra mɛnilu benba ri, woilu le ten: Ludi bɔnsɔn, Anamu bɔnsɔn, Lehabi bɔnsɔn, Nafitu bɔnsɔn, 14Patirusi bɔnsɔn, Kafitori bɔnsɔn a ni Kasiluhi bɔnsɔn. Filisitiilu bɔra Kasiluhi bɔnsɔn le rɔ.
15Kanaan dencɛ fɔlɔ le tɛrɛ Sidɔn di, ka Hɛti tuun wo la. 16-18Mɔɔ mɛnilu fanan bɔra Kanaan dɔ, woilu le ten: Jebusikailu, Amɔrikailu, Kirikasikailu, Hifikailu, Arikailu, Sinikailu, Arifadikailu, Semarikailu a ni Hamarikailu.
Kanaanka jɛnsɛnda. 19Ii la jamana ye damirala Sidɔn de ka wa Kerari fan fɛ, ka wa se fɔɔ Kasa. A ye wala Sɔdɔmu ni Kɔmɔri ni Adima ni Seboyimu fan fɛ, ka wa se fɔɔ Lesa. 20Hamu bɔnsɔn de woilu ri, a bɛɛ ni a la mɔɔilu, a bɛɛ ni a kumakan, a bɛɛ ni a la duu, a bɛɛ ni a la jamana.
21Jafɛti kɔrɔcɛ Sɛmu fanan ka dencɛilu sɔrɔn. Sɛmu wo le kɛra Ebɛri bɔnsɔn bɛɛ benba ri. 22Sɛmu dencɛilu le ten: Elamu, Asuri, Aripasadi, Ludi a ni Aramu. 23Aramu dencɛilu le ten: Usi, Huli, Kɛtɛri a ni Masi. 24Aripasadi wo ka Selasi sɔrɔn. Selasi ka Ebɛri sɔrɔn. 25Ebɛri ka dencɛ fila sɔrɔn. Kelen tɔɔ ko Pelɛji ka a masɔrɔn duukolo ratalara a tele le rɔ. A dɔɔcɛ tɔɔ ko Jokitan. 26-29Jokitan dencɛilu le ten: Alimodadi, Selɛfu, Hasamawɛti, Jeraki, Hadoramu, Usali, Dikila, Obali, Abimayɛli, Seba, Ofiri, Habila a ni Jobabu. Nba, woilu bɛɛ tɛrɛ Jokitan dencɛilu le ri. 30Duu mɛn ye Mesa ni Sefari tɛ, ii ta le tɛrɛ wo bɛɛ ri. Yɔrɔ wo ye koyinkɛilu kɔrɔ telebɔ fan fɛ. 31Nba woilu bɛɛ kɛra Sɛmu denni le ri, a bɛɛ ni a la mɔɔilu, a bɛɛ ni a la kumakan, a bɛɛ ni a la duu, a bɛɛ ni a la jamana.
32Nba, Nuhan dencɛilu bɔnsɔn de woilu ri, a bɛɛ ni a bɔnsɔn, a bɛɛ ni a jamana. Mɔɔ woilu le jɛnsɛnda ka kɛ jamana siyaman di duukolo kan ji dunba kɔ.
Currently Selected:
ADA 10: AKS
Highlight
Share
Copy
Want to have your highlights saved across all your devices? Sign up or sign in
© 2022 Pioneer Bible Translators
This work is licensed under the Creative Commons Attribution ShareAlike 4.0 license https://creativecommons.org/licenses/by-sa/4.0/
