Yasa‘iyáh 18
18
1Áh, paroṉ ke phaṛphaṛáne kí sarzamín, jo Kúsh kí nadiyoṉ ke pár hai, 2jo daryá kí ráh se burdí kí kishtiyoṉ meṉ sath i áb par elchí bhejtí hai; ai tezraftár elchío, us qaum ke pás jáo, jo zoráwar aur ḳhúbsúrat hai; us qaum ke pás jo ibtidá se ab tak muhíb hai; aisí qaum jo zabardast aur fathyáb hai, jis kí zamín nadiyoṉ se munqasam hai. 3Ai jahán ke tamám báshindo, aur ai zamín ke rahnewálo, jab paháṛoṉ par jhanḍá khaṛá kiyá jáe, to dekho; aur jab narsingá phúṉká jáe, to suno. 4Kyúṉki Ḳhudáwand ne mujh se yúṉ farmáyá hai, ki Maiṉ apne maskan meṉ tábish i áftáb kí mánind, aur mausim i dirau kí garmí meṉ shabnam ke bádal kí tarah sukún ke sáth nazar karúṉgá. 5Kyúṉki fasl se peshtar, jab kalí khil chuke, aur phúl kí jagah angúr pakne par hoṉ, to wuh ṭahniyoṉ ko haṉsúe se káṭ ḍálegá, aur phailí húí sháḳhoṉ ko chháṉṭ degá. 6Aur wuh paháṛ ke shikárí parandoṉ aur maidán ke darandoṉ ke liye paṛí raheṉgí; aur shikárí parande garmí ke mausim meṉ un par baiṭheṉge; aur zamín ke sab darande jáṛe ke mausim meṉ un par leṭeṉge. 7Us waqt Rabb u’l afwáj ke huzúr us qaum kí taraf se jo zoráwar aur ḳhúbsúrat hai, us guroh kí taraf se jo ibtidá se áj tak muhíb hai, us qaum se jo zabardast aur zafaryáb hai, jis kí zamín nadiyoṉ se munqasam hai, ek hadya Rabb u’l afwáj ke nám ke makán par jo koh i Siyyún hai pahuṉcháyá jáegá.
Currently Selected:
Yasa‘iyáh 18: URDR55
Highlight
Share
Copy
Want to have your highlights saved across all your devices? Sign up or sign in
British and Foreign Bible Society 1955, 2016
Learn More About Kitáb i Muqaddas 1955 (Tauret, Zabúr, Ambiyá ke Sahífa, aur Injíl)
