Зекерья 14

Ерусалим ве халкълар

1 # Еш 13.6; Ёэль 1.15; Ов 1.15; Цеф 1.7 Мына, РАББИнинъ куню келе! Сизден тартып алынгъан шейлер козюнъиз огюнде пай этиледжек.

2 # Еш 13.16; Агъл 5.11; Ёэль 3.2; Цеф 3.8; Мт 24.40-41 Ерусалимге къаршы дженк этмеге бутюн халкъларны топлайджагъым. Шеэр запт этиледжек, эвлер таланаджакъ, къадынларнынъ намусына токъунаджакълар. Шеэрде яшагъанларнынъ ярысы сюргюнликке кетеджек, къалгъанлары исе шеэрде къаладжакъ, оларны ольдюрмейджеклер.

3О заман РАББИ дженк вакътында япкъаны киби, чыкъаджакъ ве бу халкъларгъа къаршы дженк этеджек.

Раббининъ келюви акъкъында

4 # 2 Пад 15.30; Ехез 11.23; Мк 11.1; Фаал 1.12 О куню РАББИнинъ аякълары Ерусалимнинъ шаркъ тарафында, Зейтюн дагъында тураджакъ. Зейтюн дагъы шаркътан гъарпкъа тараф экиге болюнеджек, ве пек буюк бир вадий пейда оладжакъ. Дагънынъ ярысы шимальге, ярысы да дженюпке чекиледжек. 5#Текр 33.2; Ам 1.1; Мк 8.38; 1 Тес 3.13; Иуда 1.1Дагълардаки вадий Ацел ерине къадар узанаджакъ, ве сиз Меним дагъларымнынъ вадийинден къачаджакъсынъыз. Ехуда падишасы Уззиянынъ куньлеринде олгъан зельзеледен насыл къачкъан олсанъыз, ойле къачаджакъсынъыз. О заман Аллам РАББИ ве Онен берабер эписи азизлер келеджек!

6О куню ярыкъ олмайджакъ, ярыкълаткъан эр шей къатып къаладжакъ#14.6 Септ. эльязмасында: «Не ярыкъ, не сувукъ, не аяз оладжакъ».. 7#Мк 13.32; Сыр 21.25Бу, бир кунь оладжакъ. О, насыл оладжагъыны тек РАББИ биле. Не куньдюз, не гедже оладжакъ, тек акъшам устю ярыкъ пейда оладжакъ.

Ер юзюндеки Алланынъ падишалыгъы

8 # Ехез 47.1; Ёэль 2.20; Сыр 22.1 О куню Ерусалимнинъ ичинден тири сувлар акъаджакъ. Сувларнынъ ярысы шаркъкъа Олю денъизге, ярысы гъарпкъа Акъ денъизге акъаджакъ. Олар эм язда, эм къышта акъаджакъ.

9 # Текр 6.4; Збр 46.8; Дан 7.14, 27; Ов 1.21; Лк 1.33; 1 Кор 15.24; Эф 4.5; Сыр 11.15 РАББИ бутюн дюньянынъ падишасы оладжакъ. О куню тек бир РАББИ оладжакъ, Онынъ тек бир Ады къаладжакъ.

10 # Ехо 15.32; 18.24; 4 Пад 14.13; Нех 3.1; Йрм 31.38; 37.13; 38.7 Бутюн бу топракъ Гевадан башлап, Ерусалимнинъ дженюбиндеки Риммонгъа къадар тегизлик киби оладжакъ. Ерусалим исе озь еринде юксек тураджакъ. Биньямин Къапусындан Биринджи Къапугъа, Коше Къапусына, Хананел Къуллесинден падишанынъ юзюм басылгъан ерлерине къадар адамлар яшайджакъ. 11Адамлар шеэрде яшайджакъ, ве шеэр бир даа бутюнлей ёкъ этильмейджек. Ерусалим раат тураджакъ.

12Ерусалимге къаршы дженк эткен бутюн халкъларны РАББИ бойле белянен джезалайджакъ: олар даа аякъ устюнде тураджакъ вакъытта беденлери ирийджек, козьлери козь чукъурларында ве тиллери агъызларында чюрип кетеджек. 13#Хагъ 2.22О куню РАББИ адамларгъа буюк къалабалыкъ ёллайджакъ. Эр кес янында олгъан адамны къолундан тутаджакъ, башкъа адамгъа къаршы къол котереджек. 14Ехуданынъ озю Ерусалимде дженк этеджек. Этрафтаки бутюн халкъларнынъ байлыгъы: чокътан-чокъ алтын, кумюш ве урба – топланаджакъ. 15Душман ордусындаки бутюн айванлар да: атлар, къатырлар, девелер, эшеклер – айны белягъа огърайджакъ.

16 # Лев 23.34, 39-43; Еш 2.2; 66.18 Ерусалимге къаршы чыкъкъан халкълардан сагъ къалгъанларынынъ эписи Ордуларнынъ РАББИси олгъан Падишагъа ибадет этмеге ве Чалашлар Байрамыны япмагъа йылдан-йылгъа Ерусалимге келеджеклер. 17#3 Пад 17.1; Еш 60.12Эгер ер юзюндеки халкъларындан къайсы бири Ордуларнынъ РАББИси олгъан Падишагъа ибадет этмеге Ерусалимге кетмесе, оларда ягъмур ягъмайджакъ. 18Мысыр халкъы Ерусалимге кетмесе, Чалашлар Байрамыны япмагъа Ерусалимге кетмеген бутюн халкъларнынъ башларына тюшкен беляны РАББИ оларнынъ башына да тюшюреджек. 19Мысырлыларнынъ гуналары ичюн ве Чалашлар Байрамыны япмагъа Ерусалимге кетмеген бутюн халкъларнынъ гуналары ичюн бериледжек джеза будыр.

20 # Чыкъ 28.36 О куню атларнынъ чанъчыкълары устюнде: «РАББИнинъ азизлиги», – деп языладжакъ. РАББИнинъ Эвиндеки къазанлар да къурбан ерининъ огюндеки къыйметли чанакълар киби оладжакъ. 21#Мк 11.15; Юх 2.14-15Ерусалимде ве Ехудада эр къазан Ордулар РАББИсининъ азизлиги оладжакъ. Онынъ ичюн къурбан кетиргенлер эписи бу къазанларны аладжакъ ве оларда пиширеджек. О куню Ордулар РАББИсининъ Эвинде бир ханаанлы алыш-веришнен огърашмайджакъ.

Currently Selected:

Зекерья 14: CTB

Highlight

Copy