Марк 16

Исанынъ тирилюви

1 # Мт 28.1-8; Лк 24.1-12; Юх 20.1-10 ‌#Мк 15.40Раатлыкъ куню кечкен сонъ, магдалалы Мерьем, Якъупнынъ анасы Мерьем ве Саломе барып, Исанынъ тенине сюртмек ичюн къокъулы ягълар сатын алдылар. 2Афтанынъ биринджи кунюнде#16.2 Афтанынъ биринджи куню – раатлыкъ кунюнден сонъ кельген кунь, шимдики базар куню., пек эрте олар къабирге бардылар. 3#Мк 15.46Бир-бирине:

– Къабир агъзындаки ташны бизге ким юварлатып четке чекип береджек? – дедилер.

4Башларыны котерип, бакъсалар, таш пек балабан олса да, юварлатылгъан ве четке чекильген эди. 5Къабир ичине кирип, устюнде узун беяз урбасы олгъан бир йигитни онъ тарафта отургъаныны корьдилер ве пек шаштылар. 6Йигит исе:

– Къоркъманъыз! Сизлер хачкъа мыхлангъан Назаретли Исаны къыдырасыз. О тирильди, О мында ёкъ. О эвель мына бу ерге къоюлгъан эди. 7#Мк 14.28Сиз исе барып, Пётргъа ве Исанынъ башкъа шегиртлерине айтынъыз: «О сизлерден эвель Галилеягъа бараджакъ. Озю айткъаны киби, Оны анда корерсиз», – деди.

8Къадынлар къабирден чыкъып, къачып кеттилер. Оларны буюк бир шашкъынлыкъ басып къалтыратты. Къоркъкъанларындан кимсеге бир шей айтмадылар.

Иса магдалалы Мерьемге ве эки шегиртине корюне

9 # Мт 28.9-10; Юх 20.11-18 ‌#Лк 8.2Афтанынъ биринджи кунюнде, саба эрте тирильген Иса башта магдалалы Мерьемге корюнди. Ондан О, еди джинни къувгъан эди. 10Мерьем барып, эвель Исанен берабер олгъан, энди исе матем тутып агълагъан шегиртлерине хабер этти. 11#Лк 24.11Амма олар Исанынъ тири олгъаныны ве Мерьем Оны корьгенини эшитип, инанмагъа истемей эдилер.

12 # Лк 24.13-35 Ондан сонъ Иса башкъа къыяфетте бир къасаба тарафына кетеяткъан эки шегиртине корюнди. 13Олар къайтып келип, башкъаларына хабер эттилер, лякин шегиртлер бу хаберге де инанмадылар.

Иса он бир шегиртине корюне

14 # Мт 28.16-20; Лк 24.36-49; Юх 20.19-23; Фаал 1.6-8 Сонъунда Иса, аш вакътында янбашлап отургъан он бир шегиртине корюнди. Иса оларны имансызлыгъында ве юреклери таш киби олгъанында айыплады, чюнки олар тирильген Исаны корьген адамларгъа инанмагъан эди. 15#Фаал 1.8; Кол 1.23Иса шегиртлерине:

– Бутюн дюньяны айланып чыкъынъ ве яратылгъаннынъ эписине Къуванчлы Хаберни илян этинъ! 16#Юх 3.18; Фаал 16.31; Рим 10.9; 1 Пётр 3.21Ким инанып, сувгъа батырылып чыкъса, къуртарыладжакъ. Инанмагъан исе укюм этиледжек. 17#Лк 10.17; Фаал 2.4; 5.16; 8.7; 10.46; 16.18; 19.12; 1 Кор 12.10; 14.2Къайда инангъанлар олса, анда бойле бельгилер оладжакъ: Меним Адымдан олар джинлерни къувып чыкъараджакълар, эвель бильмеген тиллерде лаф этеджеклер, 18#Збр 90.13; Лк 10.19; Фаал 9.12; 28.3-5, 8къолларынен йыланларны аладжакълар. Эгер ольдюриджи зеэр ичселер, оларгъа зарар олмайджакъ. Хасталаргъа къолларыны къояджакълар, ве олар сагълам оладжакълар, – деди.

Иса кокке котериле

19 # Лк 24.50-53; Фаал 1.9-11 ‌#Збр 109.1; Лк 24.51; Фаал 1.9; 7.55-56; 1 Пётр 3.22; Рим 8.34; Эф 1.20; Кол 3.1; Еуд 1.3; 8.1; 12.2; 1 Тим 3.16; Сыр 3.21Оларнен лаф эткен сонъ, Рабби Иса кокке котерильди ве Алланынъ онъ тарафында отурды. 20#Фаал 5.12Шегиртлер исе кетип, эр ерде Алланынъ шейлерини анълатып юре эдилер. Рабби оларнен берабер олып, эписи ишлерни япа эди ве бельгилернен Алланынъ Сёзюни тасдыкълай эди.

Currently Selected:

Марк 16: CTB

Highlight

Copy