Матта 10

Он эки шегирт

1 # Мк 3.13-19; Лк 6.12-16 Иса Озюнинъ он эки шегиртини янына чагъырып, оларгъа джинлернинъ устюнден укюм этмеге къудрет берди. Буны, адамлардан джинлерни къувып чыкъармакъ, чешит хасталыкъларны ве дертлерни тедавийлемек ичюн япты.

2Бу он эки эльчининъ адлары шойле: биринджиси Пётр адынен белли олгъан Симон ве онынъ къардашы Андрей, сонъ Зебедайнынъ огъуллары Якъуп ве онынъ къардашы Юхан, 3Филип, Бартоломай, Тома, салым топлайыджы Матта, Алфейнинъ огълу Якъуп ве Фадда, 4Ветанпервер Симон ве сонъундан Исагъа хаинлик япкъан Иуда Искариот.

Он эки шегиртке насиат

5 # Мк 6.7-13; Лк 9.1-6 Иса он экини ёллагъанда, оларгъа бойле насиат берди:

– Башкъа миллетлернинъ топракъларына барманъыз ве самариелилернинъ шеэрлерине кирменъиз. 6#Збр 118.176; Еш 53.6; Йрм 50.6; Зек 10.2; Мт 15.24; 1 Пётр 2.25Лякин ёлуны джойгъан къойларгъа – Исраиль халкъынынъ алдына барынъыз. 7#Мт 3.2; 4.17Кетинъиз ве: «Кок Падишалыгъы якъынлашты», – деп илян этинъиз. 8#Лев 13.3; Мт 8.2; Фаал 20.35Хасталарны тедавийленъиз, олюлерни тирильтинъиз, лепра хасталыгъына огърагъанларны эляллап тедавийленъиз, джинлерни къувып чыкъарынъыз. Бедава алдынъыз – бедава беринъиз.

9Къушагъынъызгъа алтын, кумюш ве бакъыр акъча биле алманъыз. 10#1 Тим 5.18Ёлгъа не торба, не эки дане урба, не аякъкъап ве таякъ биле алманъыз. Чалышкъан адам озь отьмегини къазаныр. 11Шеэр я да къасабагъа келип, о ерде ляйыкъ бир адам тапынъ ве шу ерден чыкъмагъандже, онынъ эвинде къалынъыз. 12Эвге киргенде, селям беринъиз. 13Эгер о эв бунъа ляйыкъ олса, тилеген барышыгъынъыз анда кирсин, ляйыкъ олмаса исе, сизге къайтып кельсин. 14#Фаал 13.51Ким исе сизни къабул этмесе ве сёзлеринъизге къулакъ асмаса, о эвден я да шеэрден чыкъып кетеяткъанда, аякъларынъыздан тозны биле къакъып кетинъиз. 15#Баш 18.20; 19.24; Йрм 23.14; Ехез 16.48Сизге айтам: Ахирет кунюнде бойле шеэрнинъ алына коре, Содом ве Гоморанынъ алы енгиль олур.

Оладжакъ къувгъунлыкълар акъкъында

16 # Мк 13.9-13; Лк 21.12-17 ‌#Баш 3.1; Лк 10.3Мына, Мен сизлерни къашкъыр сюрюсине къойлар киби ёллайым. Сиз йыланлар киби акъыллы ве гогерджинлер киби саде олунъ. 17Инсанлардан сакът олунъыз. Сизлерни акъсакъаллар шурасында махкеме этеджеклер, синагогаларда къамчылайджакълар. 18#Збр 118.46; Фаал 17.6; 18.12; 24.1; 25.6Меним Адым ичюн сизни акимлер ве падишаларнынъ алдына алып бараджакълар. Сиз оларнынъ огюнде ве Алланы бильмеген халкъларнынъ огюнде Меним шаатларым оладжакъсыз. 19Сизнен бу шейлерни япкъанларда, не айтайым ве насыл айтайым, деп къасевет этменъиз. О вакъытта айтыладжакъ сёзлеринъиз белли оладжакъ. 20#Икм 16.1Озьлеринъиз дегиль, ичинъиздеки Бабанъызнынъ Руху айтаджакъ. 21#Мт 24.10Агъасы – къардашыны, бабасы – огълуны олюмге береджеклер. Балалар озь ана-бабаларына къаршы баш котерип, оларны ольдюреджеклер. 22#Мт 24.9; Юх 15.18; Якъ 5.11; Гал 6.9; Сыр 2.10Меним Адым ичюн эписинде сизлерни кореджек козю олмаз. Лякин сонъунадже сабыр эткен адам къуртуладжакъ. 23#Фаал 8.1; 14.6Эгер сизлерни бир шеэрден къувсалар, башкъасына къачынъ. Сизге догърусыны айтам: сиз Исраильнинъ эписи шеэрлерини айланып чыкъкъандже, Инсан Огълу ер юзюне къайтып келеджек.

24 # Лк 6.40; Юх 13.16 Шегирт озь оджасындан юкъары олмаз, хызметчи исе – озюнинъ эфендисинден. 25#4 Пад 1.2; Мт 9.34; 12.24Шегирт озюнинъ оджасы киби, хызметчи эфендиси киби олсалар, етерлик.

Эгер эв саибини Беэльзебул адынен адландырсалар, эв сакинлери акъкъында даа бетер сёзлер айтмазлармы? 26#Лк 12.2-7‌#Мк 4.21; Лк 8.17; 12.2Амма олардан къоркъманъыз! Эр бир сакъланылгъан шей озь вакътында ачыладжакъ, ве эр бир сыр белли олур. 27Сизге къаранлыкъта айткъанларымны ярыкъта айтынъыз. Къулагъынъызгъа фысылдап айткъанларымны эвлернинъ дамлары устюнден илян этинъиз. 28#Збр 55.5; 117.6; Икм 29.25; Еш 51.7, 12Беденини ольдюрип, джаныны исе ольдюрип оламагъанлардан къоркъманъыз. Амма джаныны да, беденини де джеэннемде гъайып этмеге кучю еткен Алладан къоркъунъыз. 29Эки торгъай бир капикке сатылмаймы? Лякин Бабанъыз разы олмаса, оларнынъ бириси биле ерге тюшмез. 30Сизлерде исе башынъыздаки сачларынъыз эписи сайылгъан. 31#Мт 6.26; 12.12Шунынъ ичюн къоркъманъыз, сизлер чокъ торгъайдан паалысынъыз!

Месихни танув ве Ондан вазгечюв акъкъында

32 # Лк 12.8-9 ‌#Рим 10.9; Сыр 3.5Мени адамларнынъ алдында таныгъан эр бир адамны Мен Коклердеки Бабамнынъ алдында таныйджам. 33#Мт 25.12; 1 Юх 2.23; 2 Тим 2.12Менден инсанлар алдында вазгечкен адамдан исе Мен Коклердеки Бабамнынъ алдында вазгечеджем.

Барышыкъ дегиль, къылыч

34 # Лк 12.51-53; 14.26-27 ‌#Фаал 14.4Мени ер юзюне барышыкъ кетирмек ичюн кельген, деп тюшюнменъиз. Мен барышыкъ дегиль, къылыч кетирмек ичюн кельдим. 35Огълуны бабасындан, къызыны анасындан, келинни къайнанасындан айырмакъ ичюн кельдим. 36#Микъа 7.6Адамгъа озь эвдекилери душман оладжакъ.

37Бабасыны я да анасыны Менден зияде севген Манъа ляйыкъ дегиль! Огълуны я да къызыны Менден зияде севген Манъа ляйыкъ дегиль! 38#Мт 16.24-25; Мк 8.34-35; Лк 9.23Ким озь хачыны алмаса ве Меним артымдан кетмесе, о Манъа ляйыкъ дегиль. 39#Юх 12.25Озь джаныны къуртармагъа истеген адам оны джояджакъ. Мен ичюн джаныны берген адам исе оны тападжакъ.

Мукяфатлар акъкъында

40 # Мк 9.41 ‌#Мт 25.40; Лк 10.16; Юх 12.44; 13.20; Гал 4.14Сизни къабул эткен адам Мени де къабул эте. Мени къабул эткен исе Мени Ёллагъанны къабул эте. 41#3 Пад 17.10-15; 4 Пад 4.8Ким пейгъамберни, о – пейгъамбер олгъаны ичюн, къабул этсе, пейгъамбер киби, мукяфатланаджакъ. Ким инсафлы адамны, о – инсафлы олгъаны ичюн, къабул этсе, инсафлы адам киби, мукяфатланаджакъ. 42#Мк 9.41; Еуд 6.10Ве ким бу адий ве кучюк адамларнынъ бирисине, о – Меним шегиртим олгъаны ичюн, бир мешребе сув берсе, сизге догърусыны айтам: о, мукяфатсыз къалмаз.

Currently Selected:

Матта 10: CTB

Highlight

Copy