Лука 12

Къанун оджалары ве фериселерден сакъындырув

1 # Мт 16.6; Мк 8.15; 1 Кор 5.7-8 Шу арада дюньянынъ адамы топланып, къалабалыкъта бир-бирининъ аякъларына басып тура эдилер. Иса башта Озь шегиртлерине айтып башлады:

– Фериселернинъ маясындан, яни экиюзьлюликтен сакъынынъыз! 2#Мт 10.26; Мк 4.22; Лк 8.17Эр бир сакъланылгъан шей озь вакътында ачыладжакъ, ве эр бир сыр белли олур. 3Къаранлыкъта сёйлегенинъизни кунь ярыгъында эшитеджеклер, ичери одада фысылдагъанларынъызны эвлернинъ дамлары устюнден къычырып айтаджакълар.

Кимден къоркъмакъ керек

4 # Мт 10.28-31 ‌#Збр 55.5; 117.6; Икм 29.25; Еш 51.7, 12Мен сизге, достларыма айтам: беденни ольдюрип, сонъ башкъа бир шей япып оламагъанлардан къоркъманъыз. 5#Еуд 10.31Кимден къоркъмакъ керек, сизге анълатаджам: ольдюрмеге ве сонъ джеэннемге ташламагъа къудрети Олгъандан къоркъунъыз. Эбет, сизге айтам: Ондан къоркъунъыз! 6Беш дане торгъай эки капикке сатылмаймы? Алла исе оларнынъ бирисини унутмай. 7#Мт 6.26; 12.12Сизинъ башынъыздаки сачларынъыз биле эписи сайылгъан. Къоркъманъыз! Сиз чокъ торгъайдан къыйметлисиз!

Исаны танув ве Ондан вазгечюв акъкъында

8 # Мт 10.32-33; 12.32; 10.19-20 ‌#Рим 10.9; Сыр 3.5Сизге айтам: Мени адамларнынъ алдында таныгъан эр бир адамны Алланынъ мелеклери огюнде Инсан Огълу да таныйджакъ. 9#Мт 25.12; 1 Юх 2.23; 2 Тим 2.12Амма Менден инсанлар алдында вазгечкен адамдан О, Алланынъ мелеклери огюнде вазгечеджек. 10#Мт 12.31-32; Мк 3.29Инсан Огълуна къаршы сёз айткъанларнынъ эписи багъышланаджакълар. Лякин ким куфюр сёзлерни Мукъаддес Рухкъа къаршы айтса, багъышланмайджакъ. 11Сизни синагогаларгъа, башлыкълар ве укюмдарларнынъ алдына кетиргенлерде, насыл джевап бермек ве не айтмакъ акъкъында къайгъырманъыз. 12#Икм 16.1О вакъыт не айтаджагъынъызны сизге Мукъаддес Рух огретеджек, – деди.

Акъылсыз зенгин акъкъында кинаели икяе

13Адамларнынъ ичинден кимдир Исагъа:

– Оджам, агъама айт, мирасны меннен больсюн, – деди. 14Иса онъа джевап берип:

– Акъай, Мени сизге къады олмакъ я да даваларынъызны чезмек ичюн ким къойды? – деди. 15#Чыкъ 20.17; Збр 61.11; 1 Тим 6.6-10Сонъ эписине мураджаат этип:

– Бакъынъыз, эр тюрлю нефисхорлыкътан сакът олунъыз. Инсан омрю онынъ мал-мулькюнинъ чокълугъына багълы дегиль, – деди.

16Иса оларгъа бир кинаели икяени айтып берди:

– Бир зенгин адамнынъ тарлалары пек яхшы берекет бергенлер. 17«Не япайым экен? Берекетни къояджакъ ерим ёкъ», – деп тюшюнген зенгин. 18Сонъ: «Мына бойле япарым: анбарларымны бозып, балабанджаларыны къурарым, бутюн богъдай ве бутюн малымны шу ерге ерлештиририм, 19#Еш 22.13джаныма: “Джаным, энди сенде чокъ йылларгъа етеджек малынъ бар. Раатлан, ашап-ич ве къуванчлы ол”, – дейджем», – деген. 20#Збр 38.7; Джем 2.18; 6.2Лякин Алла онъа: «Эй, акъылсыз адам! Бу гедже джанынъны алмагъа келеджеклер. Бу азырлагъанларынъ кимге къаладжакъ?» – деген.

21 # 1 Тим 6.18 Озю ичюн байлыкъ топлап, Алла ичюн зенгинлешмеген эписи адамларнынъ къысмети шойле оладжакътыр.

Аллагъа умют этюв акъкъында

22 # Мт 6.25-34 ‌#Флп 4.6; 1 Пётр 5.7Озь шегиртлерине исе Иса бойле деди:

– Шунынъ ичюн Мен сизге айтам: яшамакъ ичюн бизге аш керек, беденимиз ичюн урба керек, деп къасевет этменъиз. 23Джан – аштан, беден исе – урбадан муимдир. 24#Мт 10.31; 12.12Къаргъаларгъа бакъынъыз: олар не сачалар, не оралар, оларнынъ не килерлери, не анбарлары бар. Оларгъа Алла аш бере. Сиз исе къушлардан чокъ къыйметлисиз! 25Къайсы биринъиз къасеветленип, озь омрюни ич олмадым бир саатке узата билир? 26Эгер сиз бойле кучюк шейни биле япып оламасанъыз, не ичюн башкъа шейлер акъкъында къасевет этесиз?

27 # 3 Пад 10.4-7 Тарладаки чечеклернинъ насыл оськенлерине бакъынъыз: олар не чалышалар, не орелер. Амма сизге айтам: озюнинъ бутюн шуретли улулыгъында Сулейман биле бу чечеклернинъ бириси киби кийинмеген эди. 28#Мт 8.26; 14.31; 16.8Эгер Алла бугунь оськен, ярын исе оджакъкъа атыладжакъ тарла отуны ойле кийиндирсе, сизни олардан яхшы кийиндирмезми, эй, иманы аз олгъанлар?! 29Сиз не ашамагъа, не ичмеге къыдырманъыз, шу акъкъында къайгъырманъыз. 30Буларнынъ эписини Алланы бильмеген дюньянынъ халкълары къыдыра. Лякин сизинъ Бабанъыз буларгъа мухтадж олгъанынъызны биле. 31#Збр 36.4Сиз Онынъ Падишалыгъыны къыдырынъыз, сизге бу шейлернинъ эписи де бериледжек.

Коклердеки хазине акъкъында

32 # Еш 40.11; Юх 10.16; Лк 22.29 Эй, аз олгъанлар, къоркъманъыз! Сизге Падишалыкъны багъышламакъ – Бабанъызнынъ истегенидир. 33#Мт 19.21; Лк 18.22Мал-мулькюнъизни сатып, фукъарелерге ярдым этинъиз. Озюнъизге эскирмеген пара киселерини алып, битмейджек байлыкъны Кокте топланъыз. О ерде оларгъа хырсыз да якъынлашмаз, сюме де тюшмез. 34Байлыгъынъыз къайда олса, шу ерде юрегинъиз де оладжакъ.

Юкъламагъан къуллар

35 # Мт 24.45-51 Эр вакъыт бутюнлей азыр олунъыз: урбаларынъыз къушакънен багълы ве чыракъларынъыз янып турсун. 36#Сыр 3.20Эфендининъ тойдан къайткъаныны беклеген, о келип, къапуны такъылдаткъанынен ачмагъа азыр тургъан хызметчилер киби олунъыз. 37Эфенди кельгенде, юкъламайып отургъан къулларыны тапкъанда, олар бахтлы олурлар. Сизге догърусыны айтам: эфенди азырланып белине къушагъыны байлар да, хызметчилерини софрагъа отуртып, оларгъа озю хызмет этеджек. 38Эфенди яры геджеде я да танъ аткъанда кельсе, хызметчилерини юкъламагъан алда тапса, олар не къадар бахтлылар. 39#2 Пётр 3.10; 1 Тес 5.2Шуны билинъиз: эв саиби, хырсыз не вакъыт келеджегини бильсе, о хырсызгъа эвине кирмеге ёл бермез эди. 40Сизлер де азыр олунъыз, чюнки Инсан Огълу сиз беклемеген саатте къайтып келеджек.

Ишанчлы ве яман къуллар акъкъында

41Пётр Исадан:

– Рабби, Сен бу кинаели икяени биз ичюн айтасынъмы я да эр кес ичюнми? – деп сорады.

42Иса джевап берип:

– Ишанчлы ве акъыллы эв идареджиси ким? Эфендиси оны эв къуллары устюнде башлыкъ этмеге ве керек вакътында оларнынъ аш пайларыны бермеге къойса 43#Мт 25.21; Юх 13.17ве кельгенде, онынъ бойле япкъаныны корьсе, о къул не къадар бахтлы! 44Сизге догърусыны айтам: эфенди оны озюнинъ бутюн мал-мулькюне бакъыджы этип къояр. 45#Мт 25.5Эгер де бу къул озь гонълюнде: «Эфендим якъын арада кельмейджек», – деп тюшюнсе ве къулларны ве къул къадынларны урмагъа башласа, ашап-ичсе ве ичкиджиликнен огърашса, 46о къулнынъ эфендиси бекленильмеген бир куньде, тюшюнмеген бир саатте къайтып келир ве оны къылычнен экиге болип, онъа имансызларнынъ арасында ер береджек. 47Эфендисининъ истегенини бильген, амма азыр олмагъан ве эфендисининъ истегини беджермеген къул чокъ котек ашайджакъ. 48#Лев 5.17Бильмей турып, джезагъа ляйыкъ бир шей япкъан къулнынъ котеги исе азджа олур. Кимге чокъ берильген олса, ондан чокъ сорарлар. Кимге чокъ ишанылса, ондан даа зияде талап этилир.

Иса – айырылыкънынъ себепчиси

49 # Мт 10.34-36 Мен ер юзюне атеш кетирмек ичюн кельдим. Бу атеш тездже алевленгенини о къадар истейим ки! 50#Мк 10.38Сувгъа батырылып чыкъмакъ киби, манъа буюк азапларгъа батырылып чыкъмакъ керек. О беджерильмегендже, юрегим пек сыкъыла! 51#Фаал 14.4Мени, ер юзюне барышыкъ кетирмек ичюн кельген, деп тюшюнесизми? Сизге айтам: барышыкъ дегиль, айырылыкъ кетирмеге кельдим. 52Энди бундан сонъ бир эвде беш адам олса, олар озьара болюнеджеклер. Учю экисине ве экиси учюне къаршы оладжакълар.

53 # Микъа 7.6 Баба – огълуна къаршы, огълу – бабасына къаршы,

ана – къызына къаршы, къызы – анасына къаршы,

къайнана – келинине къаршы,

келин – къайнанасына къаршы оладжакълар, – деди.

Вакъытнынъ бельгилери

54 # Мт 16.2-3 Халкъкъа исе Иса:

– Сиз гъарпта булут котерильгенини корьгенде, бирден: «Ягъмур ягъаджакъ», – дейсиз, ве ойле де ола. 55Дженюп ели эскен вакъытта сиз: «Сыджакъ оладжакъ», – дейсиз, ве ойле ола. 56Эй, экиюзьлюлер! Ер ве кокке бакъып ава насыл оладжагъыны билесиз де, шимди насыл заман кельгенини анълап оламайсызмы?

Озь душманынънен муаббетлеш

57 # Мт 5.25-26 Сиз ичюн догъру олгъан шейни озюнъиз не ичюн чезип оламайсыз? 58#Икм 25.8Сен давалашкъан адамнен укюмдаргъа кеткенде, ёл бою онен келишмеге пек тырышып арекет эт. Акис алда о сени къады огюне алып бараджакъ, къады сени джезалайыджынынъ элине береджек, джезалайыджы исе сени зиндангъа ташлайджакъ. 59Санъа догърусыны айтам: борджунънынъ сонъки капигини бермегендже, андан чыкъамазсынъ, – деди.

Currently Selected:

Лука 12: CTB

Highlight

Copy