Юхан 18

Исанынъ якъаланувы

1 # Мт 26.47-56; Мк 14.43-50; Лк 22.47-53 ‌#Мт 26.36Бу сёзлерни айткъан сонъ, Иса Озь шегиртлеринен о ерден чыкъып, Кидрон вадийининъ башкъа тарафына кечти. Шу ерде бир багъ бар эди. Иса шегиртлеринен берабер багънынъ ичине кирдилер. 2#Лк 22.39Исаны саткъан Иуда о ерни биле эди, чюнки Иса шегиртлеринен берабер о ерде сыкъ-сыкъ топлаша эдилер.

3 # Фаал 1.16 Бойлеликнен, Иуда бир арбий болюкни эм де баш руханийлерден ве фериселерден мемурларны алып, о ерге кельди. Къолларында лампатлар, мешъаллер ве силя бар эди.

4 # Юх 1.38; 13.1; 20.15 Иса, Озюне оладжакъ эр шейни биле эди. О, адамларнынъ огюне чыкъып, сорады:

– Кимни къыдырасыз?

5– Назаретли Исаны, – деп джевап берди олар.

– Бу Меним, – деди Иса. (Исаны саткъан Иуда оларнынъ арасында эди.)

6Иса: «Бу Меним», – дегенинен, олар арткъа чекилип, озьлерини ерге ташладылар. 7Иса олардан кене сорады:

– Кимни къыдырасыз?

– Назаретли Исаны, – дедилер олар.

8– Сизге айттым да, бу Меним. Эгер Мени къыдырсанъыз, бу адамларны йиберинъиз, кетсинлер, – деди оларгъа Иса. 9#Юх 17.12Шунынънен, Онынъ эвельден: «Сен Манъа берген адамлардан ич бирисини гъайып этмедим», – деген сёзлери беджерильмек керек эди.

10 # Лк 22.38 Шу ань Симон Пётр озь къылычыны чыкъарды да, баш руханийнинъ къулуны урып, онынъ онъ къулагъыны кести. Къулнынъ ады Малхос эди.

11 # Мк 10.38; 14.36 Иса Пётргъа:

– Къылычынъны къынына сакъла! Бабам Манъа берген къадени ичмемми? – деди.

Иса Аннаснынъ огюнде

12 # Мт 26.57-58; Мк 14.53-54; Лк 22.54 О вакъыт болюкнинъ аскерлери, бинъбашы ве еудийлернинъ мемурлары Исаны якъалап багъладылар. 13#Лк 3.2; Фаал 4.6Оны башта Аннаснынъ алдына алып кельдилер. Аннас о йылы баш руханий олгъан Каяфанынъ къайнатасы эди. 14#Юх 11.50Эвельден еудий башлыкъларына: «Халкъ ичюн бир адамнынъ ольгени яхшыджа», – деп акъыл огреткен адам Каяфа эди.

Пётр Исадан вазгече

15 # Мт 26.69-70; Мк 14.66-68; Лк 22.55-57 Исанынъ артындан Симон Пётр ве даа башкъа бир шегирт кеттилер. Бу шегирт баш руханийнен таныш эди, шунынъ ичюн о, Исанен берабер баш руханийнинъ азбарына кирди. 16Пётр исе тышарыда, къапунынъ янында токътап къалды. Сонъ баш руханийнен таныш олгъан шегирт чыкъты ве къапуны къаравул эткен къызгъа бир шейлер айтып, Пётрны ичериге алып кирди. 17О вакъыт, къапуны къаравул эткен къыз Пётрдан:

– Сен де о адамнынъ шегиртлеринден дегильсинъми? – деп сорады.

– Ёкъ! – деди Пётр.

18Ава сувукъ олгъаны ичюн, о ерде тургъан къуллар ве мемурлар комюрден атеш якъып, къызына эдилер. Пётр да оларнен берабер къызынып тура эди.

Баш руханий Исаны соргъу япа

19 # Мт 26.59-66; Мк 14.55-64; Лк 22.66-71 О вакъыт баш руханий Исагъа Онынъ шегиртлери ве огретюви акъкъында суаллер бере эди. 20#Юх 7.26Иса онъа джевап берди:

– Мен бутюн дюньягъа ачыкъ айттым. Эр вакъыт еудийлернинъ эписи топлашкъан синагогаларда ве Алланынъ Сарайында огреттим, гизли ич бир шей айтмадым. 21Не ичюн Менден сорайсынъ? Меним лафларымны эшиткенлерден сорап биль, олар айткъанымны билелер.

22 # 3 Пад 12.24; Фаал 23.2, 4 Иса буларны айткъан вакъытта, якъын тургъан мемурлардан бири Исанынъ бетине урып:

– Баш руханийге насыл джевап бересинъ? – деди. 23Иса джевап берип:

– Эгер Мен янълыш айткъан олсам, о, янълыш олгъаны акъкъында шаатлыкъ бер. Эгер догъру айткъан олсам, не ичюн Мени урасынъ? – деди.

24Бундан сонъ Аннас Исаны багълангъан алда баш руханий Каяфагъа ёллады.

Пётр экинджи кере Исадан вазгече

25 # Мт 26.71-75; Мк 14.69-72; Лк 22.58-62 Симон Пётр исе даа къызынып тура эди.

– Сен де Онынъ шегиртлеринден дегильсинъми? – деп сорадылар ондан.

– Ёкъ! – деп инкяр этти о.

26 # Юх 18.10 Баш руханийнинъ къулларындан бири Пётр къулагъыны кесип ташлагъан адамнынъ сою эди. Бу къул Пётргъа:

– Багъчада Онен берабер сени корьмедимми? – деди. 27#Мт 26.64; Мк 14.72; Лк 22.60; Юх 13.38Пётр кене инкяр этти. Шу ань хораз къычырды.

Иса Пилатнынъ огюнде

28 # Мт 27.1-2, 11-14; Мк 15.1-5; Лк 23.1-5 ‌#Текр 16.1; Фаал 10.28Исаны Каяфанынъ эвинден преториягъа#18.28 Претория – укюмдар Пилат яшагъан ве римли аскерлер яткъан ер. алып бардылар. Саба эрте эди. Песах ашыны ашамагъа истеп, еудийлер арамланмакъ истемедилер ве преториягъа кирмедилер. 29#Лк 3.1; 13.1; Фаал 3.13; 4.27; 1 Тим 6.13Шу себептен Пилат тышарыгъа, оларнынъ алдына чыкъты.

– Бу адамны неде къабаатлайсыз? – деп сорады.

30– Эгер О, яманлыкъ япмагъан олса, Оны санъа алып кетирмез эдик, – деп джевап берди олар.

31– Оны озюнъиз алынъыз да, озь Къанунынъыз боюнджа суд этинъиз, – деди Пилат.

– Бизим ич кимсени олюм джезасына бермеге акъкъымыз ёкъ, – деди онъа еудийлер.

32 # Мк 10.33; Юх 12.33 Шунынънен, Исанынъ келеджек олюми акъкъында айткъан сёзлери ерине кельмек керек эди.

33 # Мт 2.2 Пилат преториягъа къайтып, Исаны чагъырды да:

– Еудийлернинъ Падишасы Сен оласынъмы? – деп сорады.

34– Бу лаф озюнъден чыкътымы, я да Меним акъкъымда санъа башкъалары айттылармы? – деп сорады Иса.

35– Не, мен еудийимми? Сени манъа Озь халкъынъ, Озь баш руханийлеринъ якъалап бердилер. Сен насыл иш яптынъ? – деди Пилат. 36#Юх 8.23; 17.14Иса джевап берди:

– Меним Падишалыгъым бу дюньядан дегиль. Эгер Падишалыгъым бу дюньядан олгъан олса, Мен еудий башлыкъларынынъ къолуна берильмемек ичюн, хызметчилерим курешир эдилер. Ёкъ, Меним Падишалыгъым бу ерден дегиль.

37 # Юх 3.11; 1 Юх 4.6 – Демек, Сен Падишасынъмы? – деди Пилат.

– Буны сен озюнъ айтасынъ, – деди Иса. – Мен акъикъат акъкъында шаатлыкъ этмек ичюн догъдым ве шу макъсатнен дюньягъа кельдим. Ким акъикъат тарафында олса, Меним сесимни эшите.

38 # Мт 27.15-31; Мк 15.6-20; Лк 23.13-25 ‌#Лк 23.41; Еуд 4.15– Акъикъат недир? – деп сорады Пилат. Буны айтты да, кене тышарыгъа, еудийлернинъ алдына чыкъты. – Мен Онда ич бир къабаат тапмайым, – деди оларгъа. 39#Мк 15.6-7– Сизинъ бир адетинъиз бар: сиз ичюн Песах Байрамында бир мабюсни азат этем. Истейсизми, сизге еудийлернинъ Падишасыны азат этейим?

40Лякин олар кене къычырып:

– Оны дегиль, Бараббаны азат эт! – дедилер.

Барабба исе айдут эди.

Currently Selected:

Юхан 18: CTB

Highlight

Copy