Юхан 16

1Сиз ёлдан урулманъыз деп, Мен буны сизге айттым. 2#Юх 9.22; 12.42; Фаал 8.1; 9.1; 26.9Сизни синагогадан айыраджакълар. Ойле заман келеята ки, сизни ольдюрген эр бир адам, буны япып, Аллагъа хызмет этем, деп тюшюнеджек. 3#Юх 18.19Бу ишлерни япаджакълар, чюнки олар не Бабамны, не Мени таныдылар. 4#Мк 13.23; Юх 13.19; 14.29Вакъты-саати кельгенде, сёзлеримни хатырланъыз деп, Мен буны сизге бильдирдим. Сизге буны эвельден айтмадым, чюнки сизнен берабер эдим.

Къорчалайыджы

5 # Юх 7.33; 14.12 Энди Мени Ёллагъаннынъ янына кетем. Аранъыздан ич кимсе Менден: «Къайда кетесинъ?» – деп сорамай. 6Лякин буны сизге айткъаным ичюн, юреклеринъиз гъам-къайгъыгъа толды. 7#Юх 15.26Сизге акъикъатны айтам: Меним кетеяткъаным сиз ичюн файдалыдыр. Эгер Мен кетмесем, Къорчалайыджы сизге кельмез. Эгер кетсем, Оны сизге ёллайджагъым. 8О келип, гуна, инсафлыкъ ве суд акъкъында дюньянынъ къабаатыны белли этеджек. 9#Юх 8.24Гуна акъкъында, чюнки адамлар Манъа иман этмейлер. 10Инсафлыкъ акъкъында, чюнки Мен Бабагъа кетеятам, ве сиз Мени энди корьмейджексиз. 11#Юх 12.31; Кол 2.15Суд акъкъында, чюнки бу дюньянынъ башлыгъы#16.11 Мында Шейтан козьде тутула. суд этильгендир.

12Сизге даа чокъ шей айтмакъ керегим, лякин шимди оны анълап оламайсыз. 13#Юх 14.17; 15.26; 1 Юх 2.20; 1 Кор 2.10Амма Акъикъат Руху кельгенде, О, сизни бутюн акъикъат ёлуна алып бараджакъ. О, Озюнден айтмайджакъ. Не эшитсе, шуны айтаджакъ ве келеджекте оладжакъларны ачыкъ-айдын этеджек. 14О, Мени шерефлейджек, чюнки Менден эшиткен шейлерни сизге ачыкъ-айдын этеджек. 15#Юх 17.10Бабанынъ олгъан эр шейи Менимкидир. Ана шу себептен, О, Менден эшиткен шейлерни сизге ачыкъ-айдын этеджек, дейим. 16#Юх 7.33Бираздан сиз Мени корьмейджексиз, бираздан да кене Мени кореджексиз.

Къайгъы ве къуванч

17О вакъыт Исанынъ шегиртлери озьара:

– Онынъ бизге: «Бираздан сиз Мени корьмейджексиз, бираздан да кене Мени кореджексиз» ве «Мен Бабамнынъ янына кетем», – айткъанынынъ манасы не? – дедилер.

18Сонъ олар:

– «Бираздан» дегенинен не айтмагъа истей? Биз анълап оламаймыз! – дей эдилер.

19Иса, шегиртлери Ондан бу шейлер акъкъында сорамагъа истегенлерини билип, деди:

– «Бираздан Мени корьмейджексиз, бираздан да кене Мени кореджексиз», – деген сёзлерим акъкъында деп сорашасызмы? 20#Мт 9.15Сизге керчектен догърусыны айтам: сиз агълайджакъсыз ве юреклеринъиз янаджакъ, дюнья исе къуванаджакъ. Сиз дертлер чекеджексиз, лякин дертлеринъиз къуванчкъа айланаджакъ. 21#Еш 26.17Бала догъгъан къадын дертлер чеке, чюнки онынъ вакъты кельди. Амма бала догъгъандан сонъ, дертлерини унута, чюнки дюньягъа янъы адамнынъ кельгенине къувана. 22#2 Кор 6.10Сиз де шимди дертлер чекесиз. Лякин Мен сизни кене кореджем, юреклеринъиз къуванчкъа толаджакъ, ве къуванчынъызны сизден ич кимсе тутып аламаз.

23 # Мт 7.7-8; Мк 11.24; Юх 14.14; 15.16 О куню Менден ич бир шей сорамайджакъсыз. Сизге керчектен догърусыны айтам: эгер Меним Адымдан Бабадан не сорасанъыз, О, сизге береджек. 24#Юх 3.29; 15.11; 17.13; 2 Юх 1.12Шимдигедже Меним Адымдан Бабадан ич бир шей сорамадынъыз. Соранъыз ве аладжакъсыз, ве къуванчынъыз там оладжакъ.

Дюнья устюнден гъалебе

25 # Мк 8.32 Бу шейлерни Мен сизге кинаенен айттым. Лякин ойле бир вакъыт келе ки, энди сизге кинаенен айтмайджагъым, Баба акъкъында ачыкътан-ачыкъ айтаджагъым. 26О куню Меним Адымдан сорайджакъсыз. Мен, сиз ичюн Бабадан сорайджагъым, демейим. 27#Юх 14.21Баба Озю сизни севе, чюнки сиз Мени севип, Алладан чыкъкъаныма инандынъыз. 28#Юх 8.14; 13.3Мен Бабадан чыкъып, дюньягъа кельдим. Энди кене дюньядан кетип, Бабагъа къайтам.

29– Мына, шимди Сен ачыкъ-айдын айтасынъ, кинаенен лаф этмейсинъ, – деди шегиртлер Исагъа. 30#Юх 2.24-25– Шимди билемиз ки, Сен эр шейни билесинъ ве ич бир адамгъа Сенден сорамакънынъ кереги ёкъ. Шунынъ ичюн биз Сен Алладан кельгенинъе инанамыз.

31– Энди инанасынъызмы? – деди Иса оларгъа. 32#Мт 26.31; Мк 14.27; Юх 8.16– Мына, ойле вакъыт келеята ве энди кельди ки, эр биринъиз озь тарафынъызгъа къачаджакъсыз, ве Мен бир Озюм олып къаладжагъым. Амма Мен ялынъыз дегилим, чюнки Баба Меннен берабер. 33#Юх 14.27; Рим 8.37; Кол 3.15; Сыр 3.21Сиз Менде барышыкъ тапмакъ ичюн буларны сизге айттым. Дюньяда къаза-беля ичинде яшарсынъыз. Лякин джесюр олунъыз: Мен бу дюньяны енъдим.

Currently Selected:

Юхан 16: CTB

Highlight

Copy