MALAKHI 4
4
Vüwa Rülo tü tetsethuo
1“Küpakenühnyunü halie, arülowa tü anyithü küsü küju kümjie tsethuoh, kürhiezarhiechiri aveh thi kümsü küsari aveh tü amaguo kümüjie arülo kütse jümawa nüh mari aveh tsom naveh, jüta küsa vünüh jüma nüh jümara rüzoh nga thi atsuona nga küükhe wa nyu thuoh, ta thopahiri Vüwa nüh küza veh. 2Thitü nohri eh nyo kükrüri thuoüji saküümhie ma küsa vünüh künyitsa rünyi nüh saküüsüra naveh. Mieshüzah nüh ma ku lovü nüh küjojo kümjie jozhu wa naveh. 3Thi nohri nüh kümsüküsari tü anyi kürüpuokem naveh, küpakenühnyunü mari tü hi nüh zanyo küsa rülo vü nohri mütseh kükhu vü aweji sam naveh, ta thopahiri Vüwa nüh küza veh.
4“Eh siepewa Mosa Khonyo, azhühkheri thi azhükhori hi nüh Horeb vünüh Israel aveh kenüh azhükütsü müsheke luo.
5 #
Mat 11.14; 17.10-13; Mrk 9.11-13; Luk 1.17; Jhn 1.21. “Halie, hi nüh Vüwa rülo aküji thi küükrükükra müjie küru atüvü Elijah setsaküthsüwa küze naveh. 6Thi ma nüh apara luoveh saküüreke nü atsari vü thse thi atsara luoveh saküüreke nü apari vü thse, ti sanaveh, jüta mükünyu nü hi nüh ru nü kümzü vi nü nohri azhih kürhie na küveh kenüh,” ti küza.
Currently Selected:
MALAKHI 4: POCHBSI
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
