HAGAI 1
1
Kükhurüzhehwa Sale üta Vüwa nüh Azhükütsü
1 #
Ezr 4.24—5.2; 6.14. Darius kajiwa mahvi akünyiawa, asa türoawa, asa rülo apokhuwa vü Vüwa zhü Hagai setsaküthsüwa vünüh Judah kümkhrüwa Shealtiel atsa Zerubbabel, thi Jehozadak atsa Joshua navü kümsiewa vü küru. 2Kükhratsawa Vüwa nüh hakümjie Hagai vü: “Vüwa zheh sale na küsa tsotho müjieru ta anyi hamari nüh küza veh,” ti küza. 3Jüti küsa vü Vüwa zhü Hagai setsaküthsüwa vünüh ru taji, 4atsotho hama tü noh keri nüh noh zheri sakümhieshe tü zorie küsa lo vü kürho tsotho thuoh ülo? 5Khinyi jükenüh thopahiri Vüwa nüh küza veh: Nohri lehkhuji müshenonoluo. 6Nohri nüh hozake zhuhthuoh, tü pike mpa mahwie vi; nohri tü tsathuoh tü pike nga küwale müsa; nohri tü zhuthuoh, thitü nohri tü pike nga müpro; nohri tü athsü nüh küzhuthuoh, thitü nyi küsü nga müzhe nüh sam; thi kümlie vünüh kümlieri nga mülie nü achükhu küpie lovü thsem. 7Vüwa nüh hakümjie küza veh: “Nohri lehkhuji müshenonoluo. 8Aküzhivü khru nü athsoh viru taji azhehwa saluo, jüta küsa vünüh hi tü jümawa vünüh aloküzhe vira thi hi tü eh kütholathovü vünüh rukütsara naveh, ta Vüwa nüh küza. 9Nohri nüh hozake no, tü, halie, jüma tü pike mpa küru sa, thi nohri nüh jüma azhehlovü viküru vü hi nüh jüma müjamtü. Moken lo? ta thopahiri Vüwa nüh küza. Küpakenühnyunü nohri aveh nüh papa zheh vü pre peh nü eh zheh nü ferie küüzeh vü peh küm kenüh. 10Jükenüh atülü noh nyie vü küpewa nüh aküzo khetem tüthuoh, thi azhihwa nüh ma vünüh küshu khetem tüthuoh. 11Thi hi nüh azhih rügi vü thi küzhiho rügivü, atsuo rügivü, akhah kürüthe, avüjuh, azhih nüh pekütsüri rügi vü, anyiri thi ase-ashuh, thi mari nüh küüroh aveh rügi vü kümkie küze,” ti küza.
Vüwa nüh zhükütsü nyiri nüh küüna
12Jüti küsa vü Shealtiel atsa Zerubbabel thi Jehozadak atsa Joshua navü kümsiewa, thi anyi kümtori aveh tü Vüwa mari Saküüwuowa jikhi, thi Vüwa mari Saküüwuowa nüh Hagai setsaküthsüwa küüze üta ma zhü küna; thi anyiri tü Vüwa tüvü kükrü peh. 13Thi nüh Vüwa zhühleküvüwa Hagai nüh anyiri vü Vüwa zhühlewa vi küza, “Hi nüh noh sietse veh ta Vüwa nüh küza.” 14Thi Vüwa nüh Shealtiel atsa Zerubbabel, Judah kümkhrüwa sietse, thi Jehozadak atsa Joshua navü kümsiewa asietse, thi anyi kümtora aveh asietse ti küketsü; thi mari Saküüwuowa zheh vü küroh, 15Asa rülo mükeke nü müzü, asa türoawa vü Darius nüh mahvi künyiawa kaji saküveh tsotho vü.
Currently Selected:
HAGAI 1: POCHBSI
Highlight
Share
Copy
Want to have your highlights saved across all your devices? Sign up or sign in
Pochuri Naga Bible - KÜMÜTSE BIBLE
Copyright © 2015 by The Bible Society of India
Used by permission. All rights reserved worldwide.
