JOHN 20

Khamasai Chikhur

1 # Mat 28.1-8; Mk 16.1-8; Lk 24.1-10. Haptāwui kharethang, ngathorthākva̱ kazing mahornāranglakha, Mary Magdalenena chikhurli vai, kala chikhur chiwui lungsham chi khalangshokhairakasā chi athei. 2Chieina ana ngasamungda Peter kala Jishuna leikashi sākhangatha̱pa chili unghānga, “Athumna Prohowui angun chikhurwui eina khuithuihaira kala kali haihaokhala kaji matheimana.” 3#Lk 24.11-12. Chieina Peter eina sākhangatha̱pā china chikhurli ayang khavai vai. 4Anina ngasamvai, kha sākhangatha̱ akhapāna Peterli thākmeihaoda vāshungrihaowa. 5Kala ana hamzangda yangkazang eina khamanaka kachon chi thei, kha chikhurwui alungli mazangmana. 6Simon Peterna naoda rālaga mangasāmlakla chikhurlungli zangyanga, kala neikhavai khamanaka kachon chi thei, 7kala kuili neimi kahai kachon chi chili maleila khaluilaga ngateida leisai. 8Chikhurpamli rāshungkhare sākhangatha̱ akhapā chila zangyanga, kala chi theilaga ana shitsanghaowa. 9#Lk 24.26,46. Kathara lairikli hāngkahai, “A kathiwui eina ringshokphalungra” kaji hi matheirangsai. 10Chieina ani shimli unghaowa.

Jishuna Mary Magdaleneli Rākachithei

(Mat 28.9-10; Mk 16.9-11)

11Maryna chikhur ngalemli chappama kala chapsasui eina chikhurli yangkazang tharan, 12#Lk 24.4; Mat 28.5; Mk 16.5. kazingrao khani Jishuli chipethaikasā apam chili akhana kuishakli, akhana pheivāk, kachara sāri ngavaida pamkasā chi thei. 13#Joh 20.2. Anina hānga, “Sha̱nao, khisāda chapkhala?”

Maryna ngahānkai, “Iwui Proholi athumna khuithuihaowa, kala kali haihaokhala kaji matheithuwa.” 14#Mat 28.9; Joh 21.4. Ana chi hānghailaga ngareikhaung eina Jishu chili nganingsai, kha chi Jishuna kaji ana matheimana. 15Jishuna hānga, “Sha̱nao, khisāda chaplikhala? Khipāli kaphākhala?”

Yāmgui khamayonapā-eili da phaningda Maryna hānga, “Amei, phasā chi nana khuihaida leiakha kali ahaihaokhala, ili kahāngmilu, ina akhuira.” 16Jishuna hānga, “Mary!”

Chieina Maryna ngareiungda Hebrew tui eina “Rabboni!” ji. Hiwui kakhalatna “Ojā” kajina.

17 # Joh 20.27; Mat 28.10; Joh 7.33. Jishuna hānga, “Ili masāza̱alu, kachiwui vangkhala kaja I Avāwuili makāranga. Kha ichināngarāli vāda, ina iwui Avā kala nathumwui Avā, iwui kala nathumwui Vareli kaura, kaji unghāngmilu.” 18#Lk 24.10; 23. Chieina Mary Magdalenena Proholi ana kathei kala Prohona hithada unghānglu kaji chi sākhangatha̱bingli unghānga.

Jishuna Awui Sākhangatha̱bingli Rākachithei

(Mat 28.16-20; Mk 16.14-18; Lk 24.36-49)

19 # Lk 24.36-39. Haptāwui kharethang ngazin sākhangatha̱bingna Jihudiwui akhavābingli khangacheewui vang khamong rarhailaga kazipamsai. Chili Jishuna athumwui ngachaili rānganingda hānga, “Nathumli chingrihairanu.” 20Laga awui pāngmayā eina ari chithei. Sākhangatha̱bing chi Proholi theilaga khamathānna pemhaowa. 21#Joh 17.18; Mat 28.19. Chieina Jishuna hāngluishita, “Nathumli chingrihairanu. Avāna ili kashirāt thada ina nathumli kashivātna.” 22#Ots 2.4,33. Chiwui thili Jishuna athumli khakkhārorda hānga, “Manglā Kathara chi khuilu. 23#Mat 16.19; 18.18. Nathumna kachikathāwui morei pheomiakha athumli pheomihaira; nathumna mapheomiakha athumli mapheomithura.”

Jishu eina Thomas

24 # Joh 11.16. Jishuna kharā tharan Thomas, Ngashira kaho, sākhangatha̱a chi maleisāmana. 25Chieina khangateibingna “Ithum Proholi theihaira” da hānga. Kha Thomasna hānga, “Awui pāngmayāwui yotpichon imik eina matheiranglakha kala yotpi khamāli ipāngmareng eina masāza̱ranglakha, arili ipāng eina makhamāza̱ranglakha I mashitsangmara.”

26Haptā akha shānglaga kazipluishita, kala Thomasla chili zanga. Khamong rarser kahaina, kha Jishuna athumwui ngachaili rānganingda hānga, “Nathumli chingrihairanu.” 27#Lk 24.40. Kala Thomasli hānga, “Napāngmareng hili rāhailu, kala ipāngli yanglu, napāng katingrāda iwui arili khamāyanglu. Ning khamaong masaalu, kha shitsanglu.” 28Thomasna ngahānkai, “Iwui Proho, iwui Vare!” 29#1 Pet 1.8. Jishuna ali hānga, “Ili theihaoda ara nana shitkasangla? Mik eina matheila shitkasanga athum chi sokhamina.”

Lairik Hiwui Kharin

30 # Joh 21.25. Jishuna sākhangatha̱bingwui mangāli matakhak kahai ot khangatei kachungkha sai, kha hili makapiserhaimana; 31#Joh 3.15. kha Jishu hi Varewui Naomayara, Khrista china da nathumna shitsang khavaiwui vang kala shitkasangda awui mingli kharing samphang khavai hibing hi kapi kahaina.

Currently Selected:

JOHN 20: TANGBSI

Highlight

Copy