MATTHEW Tlou Youthut
Tlou Youthut
Matthewei mayethutkhou lhangai paolaane kyunri - Jesu'ri Kantomkhou Kalpipu, heirou Aiyei ngamrou bongei Khman Pao-laayei chaanyei thimi rapnung Dunpune tlou kantomkhoupi rapya hungtlungyerlei. Lhangaiyei Pao-laa ari Jesu'ya pukkhoubi shonkhouna Jehudi thimi rapnungtom nimakne, tlaipang thimi namyernungei. Matthewei lhangai paolaaei lailik ari lhangaine marchalpikur lailik khat. Lailik arou Jesu'ya puknei tlou'rouwei yenyoubine, Aya yuilupnei, heitoubi Aya malhimnei, heirou Ane Galilee'ra kna raiyernei, thimi rapnung marnopinei ngamkhi heitoubi Aiyei Khulpaonei tlou rapkhi yaolei. Heitoubi paolaa ani yunthulei touri Jesu'ne Galilee'rei waiyoubine Jerusalem'ra yunei ngam, heitoubi Aiyei hiwaiyei tlaini rapbei lhouthuk rapkhi, heiya duine Aya hatdurbine hiwurnarei katringthutnei lhoubom rapyakhi mayelhakbine leilei. Pao-laa aei kyunri Jesu'ri Marnopipu upa, heitoubi Ane Dunpuei Chaylamyakhi mallengthut manenei mantrangkhi leilei, heirou Ane Dunpuei Krungramei ngamroukhi shunpilei. Heitoubi Aiyei marnopikur tloubomrap heiwaya phangatam thukne markumbi khoulei. (1) Lhungdourei shunthutpikur tlou, (Bom 5-7), (2) Ruishik chiple-khniya shunmatubi watyilnei tlou, (bom 10), (3) Thangmunyei Krungramei ngamrou yailim tlou, (bom 13), (4) Ruishik bommei ngamrou shunmatupinei tlou, (bom 18), heile (5) Tlaipang luiwurbi Thangmunyei Krungram hungrou tounei ngammei tlou, (bom 24-25).
Rillei Kyaorap:
Jesuei puirie-parie, heitoubi Aya puknei tloubom 1.1-2.23.
Yuiluppi John'yei khul'lhou 3.1-12.
Jesuei yuilupnei heirou Aya malhimnei 3.13-4.11.
Galilee'rei Jesuei khul'lhou 4.12-18.35.
Galilee'rouweine Jerusalem'ranung yunei lhoubom 19.1-20.34.
Jerusalem rillei heitoubi heiyei pongrei thukkur luiwai tlaini rapbei lhoubom 21.1-27.66.
Jesuei katringthutnei heitoubi Aiyei sharungya muyernei lhoubom 28.1-20.
Currently Selected:
MATTHEW Tlou Youthut: MARIBSI
Highlight
Share
Copy
Want to have your highlights saved across all your devices? Sign up or sign in
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.