MATTHEW 1

Jesu Christa'ya Yenranna Puirie-Parie

(Lk 3.23-38)

1 # Lk 3.23-38. Tlou awari Abraham heirou David'yei yu-cha, Jesu Christa'ya yenranna puirie-parieyei minlamrap: Abraham'rouwei waiyoubine Krung David, heirou yai hillei chaan phane yaiyei puirie-parie rapbei minlam rapya myethutbi leilei.

2Abraham'ri Isaac'yei pa, heitoubi Isaac'ri Jacobei pa, heirou Jacob'ri Judah'le aiyei teinao rapbei pa, 3#Rut 4.18-22; 1 Ch 2.1-15. heirou Judah'ne Perez'le, Hezron'yei pa, heirou Hezron'ri Ram'yei pa#1.3: Aram., 4heitoubi Ram'ri Amminadabei pa, heirou Amminadab'ri Nashon'yei pa, heitoubi Nashon'ri Salmon'yei pa, 5heirou Salmon'ri Boaz'yei pa, (aiyei puiri Rahab toubi ung), heitoubi Boaz'ri Obedei pa, (aiyei puiri Ruth toubi ung), heirou Obed'ri Jesse'yei pa, 6heitoubi Jesseri Krung David'yei pa. Heitoubi David'ri Solomonyei pa, (aiyei puiri Uriah toubi ung), 7heirou Solomon'ri Rehoboamei pa, heitoubi Rehoboam'ri Abijah'yei pa, heirou Abijah'ri Asa'yei pa#1.7: Asaph., 8heirou Asa'ne Jehoshaphat'yei pa, heirou Jehoshaphat'ri Joram'yei pa, heitoubi Joram'ri Uzziah'yei pa, 9heirou Uzziah'ri Jotham'yei pa, heirou Jotham'ne Ahaz'yei pa, heitoubi Ahaz'ri Hezekiah'yei pa, 10heirou Hezekiah'ne Manasseh'yei pa, heirou Manasseh'ri Amos'yei pa#1.10: Amon toubikhi unglei., heirou Amos'ri Josiah'yei pa, 11#2 Kr 24.14; Jer 27.20. heitoubi Josiah'ri Jechoniah'le aiyei teinao rapbei pa, yarap heiri Babylonia'yei hutra kulchalbi leiyeinung pukkhou. Babylonia hutra kulchalna'rouwei malhetthutkur hillei waiyoubi Jesu'ya hungpukna billei nutar-patar rapbei minlam myethutlei.

12Jechoniah'ri She-alti-el'yei pa, heirou She-alti-el'ri#1.12: Salathiel. Zerubabel'yei pa, 13heirou Zerubabel'ri Abiudei pa, heitoubi Abiud'ri Eliakim'yei pa, heirou Eliakim'ri Azor'yei pa, 14heirou Azor'ne Zadokei pa, heirou Zadok'ri Achimyei pa, heitoubi Achimri Eliudyei pa, 15heirou Eliud'ne Eleazar'rei pa, heirou Eleazar'ne Mathan'yei pa, heitoubi Mathan'ri Jacobei pa, 16heirou Jacob'ri Christa toubi ung Jesu'ya pukpikhou Maryei Shal Josephbei pa.

17Heisitoubi Abraham'rei waiyoubi David'yei kheen phane chaan chiple phali tlunglei, heitoubi David'rei waiyoubi Babylonia'ne kulchalkur kheen hungphane chaan chiple phali, heitoubi Babylonia'ne kulchalkur heirouweine Christa'bil chaan chiple phali tlunglei.

Jesu Christaya Puk

18 # Lk 1.26-38. Jesu Christa'ya pukri asitoubi louhoikhou. Aiyei pui Mary heiri Joseph'ne ngaimankhoubi leiyeinang, heirou yakhuntane lourilbongnang, a heiwiri Lhawai Khyingei nao urbine pukrou youleime toubi muwurla; 19heirou aya ngaimankhou shalnungtou Joseph heiwari chimmei lhouyatom tou thimi hoinei ngamrou, ane Marya'ri khulbungei maibongra muyernimaknei ngamrou, aitamtom munne Marya karkhaiwurnanung wairangkur. 20Heiya ani heisi ningchabi leiyeinang, thilak, Dunpuei Thangring khatne aiyei rmongra loumuyerbine asitoubi loushunkur, “David'yei chanapawa Joseph, Marya neiyei nunungei klouri chimaklo, ngamri, aiyei urbi klei nao heiri Lhawai Khyingei nao; 21#Lk 1.31; 2.21; Jn 1.29; Pao 13.23. Ane chanapawa khat pukrou, heirou nangne aiyei min Jesu toubine ungrou- heiyei ngamri Ane Aiyei thimi rapya yaiyei borh'rouwei kalthutpirou.” 22Asinungri thukkur tlou namyerwa heiri Dunpune bongei Thimkhui rapnung shunthutdurkhou heirapya chimne hungtlung'yernanung toukhou. 23#Isa 7.14. “Shal dunmakpi nangaka khatne nao urbi chanapawa khat pukrou, heitoubi aiyei minri ‘Immanuel’ touri ‘Kaya kalhonpi Pu Dunpu’ toubine ungrou.” 24Heisitoubi Joseph'ne ipnarei kanthoubi, Dunpuei Thangringei loushunpikur heinakne aiyei nu Marya ruilhakbine loukur. 25#Lk 2.1; Lk 2.4-7; 1.5. Heiyanungkhi ane aiyei nu heine nao pukbongyen rkhum tilkhoumak. Heirou Joseph'ne aiyei min heiri Jesu toubi thulpikur.

Currently Selected:

MATTHEW 1: MARIBSI

Highlight

Copy