KANTHOUNA 36

Esau'wei Chanaorap

1Yarap heiri Edom toubinekhi ung Esau'wei shullamrei yenrankur yu-cha rapbei minlamrap. 2#Kan 26.34; 28.9. Esau'ne Canaan'yei chanapuiya rapya aiyei nu khoini loukhou; heirou ani Hittia cheemkhurrei Elon'yei chanapuiya Adah'ya, heirou Hivia cheemkhurrei Zibeon'yei cha Anah'yei chanapuiya Oholibamah'khi; 3heirou Ishmael'yei chanapuiya, Nebeioth'yei charwi Bashemath heiyakhi aiyei nunungei loukhou. 4Heirou Adah'ne Esau'nung Eliphaz pukkhou; heitoubi Bashemathni Reuel pukkhou. 5Heirou Aholibamah'ne Jeush'le, Jaalam, heirou Korah ya rapya pukkhou; yarap heiri Esau'ne Canaan ramra leiyeinung anungei pukkhou chanaothil.

6Heirouri Esau'ne aiyei nu raple, aiyei chanapawa raple, chanapuiya rapkhi, heirou aiyei cheemkhurrei thimirap nammayakhi, heirou aiyei halrul, ui-waa rapkhi, heirou Canaan'ra aiyei klei putchei-lalthumrap nammakhi urlouheibini, aiyei naowa Jacobei birouwei ram deiranung tlatni chakur. 7Kouweiyo toulanungri aiyei lalthum-putcheirap heiri chungachaknei ngamrou yani pulni leikanthrin yamakura; heirou yaiyei ramtaangbini leina ramra yaiyei dunbi klei halrul, ui-waa rapbei chak-laamnanungei romakura. 8Heisitoubi Esau'ne Seir lhungdoura paalkur; heitoubi Esau'yari min Edom toubikhi ungrilkhou.

9Yarap heiri Seir Lhungdourei paalkhou Edomia rapbei pa Esau'wei shullamrei yenrankur yu-chathil. 10Ya rapri Esau'wei chanapawa rapbei minrap: Esauwei nu Adah'yei chanapawari Eliphaz, heirou Esauwei nu Bashemathyei chanapawari Reuel toubi ung. 11Heirou Eliphaz'yei chanapawa rapri: Teman, Omar, Zepho, Gatam, heirou Kenaz. 12(Timna'ri Esauwei chanapawa Eliphazyei nukhu hoikhou; heitoubi ani Eliphaznung Amalek pukkhou.) Yarap heiri Esauwei nu Adahyei chanapawarap. 13Heirou yarap heiri Reuelyei chanapawarap: Nahath, heirou Zerah, Shammah heirou Mizzah; yarap heiri Esauwei nu Bashemath'yei chanapawarap. 14Heirou yarap heiri Zibeon'yei cha Anah'yei chawi, Esauwei nu Oholibamah'yei chanapawarap: heirou ani Esau'nung Jeush, Jalam heirou Korah'ya pukkhou.

15Yarap heiri Esauwei pukkhounarei chanapawa piparap: Esauwei chanapawa samran Eliphaz'yei pukkhounara pipa Teman, pipa Omar, pipa Zepho, pipa Kenaz; 16pipa Korah, pipa Gatam, heirou pipa Amalek: Yarap heiri Eliphaz'ne Edom ramra leiyei'kaallei pukkhou pipathil; heirou yarap heiri Adah'yei pukkhouthil. 17Heirou yarap heiri Esau'wei chanapawa Reuelni pukkhou chanapawa piparap: Pipa Nahath, pipa Zerah, pipa Shammah, pipa Mizzah: Yarap heiri Reuel'ni Edom ramra leikhouyei kaallei pukkhou pipathil: Yarap heiri Esau'wei nu Bashemath'yei chanapawathil. 18Heirou yarap heiri Esau'wei nu Aholibamah'yei chanapawarap: Pipa Jeush, pipa Jaalam, pipa Korah; yarap heiri Anah'yei chanapuiya, Esauwei nu Aholibamah'ne pukkhou chanapawa pipathil. 19Yarap heiri Esau'wei(heiri, Edom) chanapawarap: heirou yarap heiri yaiyei chanapawa pipathil.

20 # 1 Ch 1.38-42. Yarap heiri ram heirouwei loupaalkhou Horia cheemkhurrei Seiryei chanapawarap: Lotan, Shobal, Zibeon, heirou Anah; 21heirou Dishon, Ezer, heirou Dishan. Yarap heiri Edom ramrei loupaalkhou Horia cheemkhurrei Seiryei chanapawa pipathil. 22Heirou Lotan'yei chanao rapri Hori heirou Heman; heirou Lotanyei charwiri Timna toubi ung. 23Heirou Shobal'yei chanao rapri: Alvan, Manahath, Ebal, Shepho heirou Onam. 24Heirou Zibeon'yei chanao rapri: Aiah heirou Anah, Heirou Anah heiri ramhangra aiyei pawa Zibeon'yei hal silyeinung yuisha kathukna yuiphum khat karthangkur thimi Anah tou heiri aya kyun. 25Heirou Anah'yei chanao rapri: Dishon heirou Anah'yei chanapuiya Aholibamah yarap heiriya. 26Heirou Dishonyei chanao rapri: Hemdan'le, Eshban, Ithran heirou Cheran. 27Ezer'yei chanao rapri: Bilhan, Zaavan heirou Akan. 28Heirou Dishan'yei chanao rapri: Uz heirou Aran. 29Yarap heiri Horia cheemkhurrei yenraankur chanapawa piparap: Pipa Lotan, pipa Shobal, pipa Zibeon, pipa Anah. 30Pipa Dishon, pipa Ezer, pipa Dishan; yarap heiri Seir ramra klei Horia cheemkhurrei yenraankur piparap.

31 # 1 Ch 1.43-53. Israel rapbei doura thimi hukhatnikhi Krung khoini paalbongnung, Edom'yei ramra yarap heini Krung khoini loupaalkhou. 32Heirou Edom'ra Beor'yei chanapawa Bela'ne Krung khoini paalkhou; heirou aiyei khulilyei minri Dinhabah toubine ungkhou. 33Heirou Bela'ne hikur hillouri, Bozrah ramrei Zerah'yei chanapawa Jobab'ne khlang silbini Krung khoini paalkhou. 34Heirou Jobab'ne hikur hillouri, Temania ramrei Husham'ne aiyei rungkhlang silbini Krung khoini paalkhou. 35Heirou Husham hikur hillouri, Moab phaikarrei raalbomra Midian rapya raal manikhou napawa, Bedad'yei chanapawa Hadad'ne aiyei rungkhlangra Krung khoini paalkur; heirou aiyei khulil heiyei minri Avith toubine ungkhou. 36Heirou Hadadni hikur hillouri, Masrekah ramrei Samlah'ne aiyei rungkhlangra Krung khoini paalkhou. 37Heirou Samlah hikur hillouri, Euphrate kungruirei klei Shaulni aiyei rungkhlangra Krung khoini paalkhou. 38Heirou Shaul'ne hikur hillouri, Achbor'yei chanapawa Baal-Hanan'ne aiyei rungkhlangra Krung khoini paalkur. 39Heirou Achbor'yei chanapawa Baal-Hanan hikur hillouri, aiyei rungkhlangra Hadar'ne Krung khoini paalkur; heirou aiyei khulilyei minri Pau toubine ungkhou; heitoubi aiyei nuyei minri Mehetabel toubi ungkhou. Aiyei nu heiwiri Mezahab'yei chawi Matred'yei chanapuiya.

40Heirou yarap heiri Esauwei shullamrei yenrankur, yaiyei bommai-cheemkhur hilthungni, ai'aiyei ramrei pukwurkhou chanapawa pipa rapbei minri: Timnah, Alvah, heirou Jetheth. 41Oholibamah, Ela heirou Pinon. 42Kenaz, Teman, heirou Mibzar. 43Magdiel, Iram: Yarap heiri Edomia rapbei yenpalheina ram kantangra (Edom'yei pari Esau) pukkhou chanapawa pipathil.

Currently Selected:

KANTHOUNA 36: MARIBSI

Highlight

Copy