PAOCHA Tlou Youthut
Tlou Youthut
Lhangai Paocha rapbei Lailik ari Luke'ne mayekhou Lhangai Pao-laaya louyomna lailik khat. Lailik aei namrouwei lilkhoi lhouri Jesuei hilthung thimi rapya Lhawai Khyingne ruipibi, Aiyei ngamrou Lhangai Pao-laa heiwaya ‘Jerusalem, Judea'yei ram bi kantangrou, Samaria'ra, heirou Tlaipangpal bi kantangra’ koutoubi mayekkurro toubi yunpi'kni (1.8). Lailik ari Judea ramrei thimi raprei waiyoubine tlaipangpal karyoune uklumkur Christen'yei lhou youthutkur heiwaya muyerlei. Lailik aya mayekur thimine louparou thimi rapya malungamkyer touri Christen Uklum ane Rome Sarkarya yeekna khat hoimakne Jehudi rapbei tharmuya hungtlungyernei lhoume toubi muyerpi.
Lhangai Paocha rapbei lhourap aya Jesuei ngamrou lhangai Pao-laa shunthutnara paakyer-tangyernei heirou Church phunbaangkhounei ngamrou bi khyum thukne khaithut kya: (1) Jerusalem'ra Christen youthutnei, heirou Jesu'ne Thangmun kanei; (2) Palestine'yei bi deidei'rakhi pao wa'tlungyernei, heirou (3) heiyakhi duine Mediterranea'yei ramyakhi ralbi Romebil wa'tlungkyer.
Lhangai Paocha rapbei Lhourap arou lungkhoi shakrung khatri, Pentecost tlainirou Jerusalem'rei louklei uklum thimi rapya mantrang pikur, heirou chutmakne Churchyei ruipi pu rapya mantrangyerbi ruipikur Lhawai Khyingei lhou rapya tlungne mayekhoubi leilei. Lamkri Christen rapbei lhangai paolaa rapya thum-thumne lailik arou mutpilei, heitoubi lailik arou thukkur lhou rapya mayelhakur heine uklum thimi rapbei chaanrou heirou Church'yei chaanroukhi lhangai paolaa heiyei mantrang kleime toubi mutpilei.
Rillei Kyaorap:
Tlou mayungpinanung marshik 1.1-25.
(a) Jesuei pitona chay heirou tlou kantompi 1.1-14.
(b) Judas'yei rungkhlangnung khal'lhakkur thimi 1.15-25.
Jerusalem'rei mitne muthungbi tlou mayungpi 2.1-8.3.
Judea heirou Samaria'ra mitne muthungbi tlou mayungpi 8.4-12.25.
Paul'yei khul'lhou 13.1-28.31.
(a) Lamkri Paochanei lhou 13.1-14.28.
(b) Jerusalem'ra Yama Krung kartil 15.1-35.
(c) Khnui tlung khulpao chanei lhou 15.36-18.22.
(d) Khyumbui tlung khulpao chanei lhou 18.23-21.16.
(e) Paul'ya Jerusalem'ra, Caesarea'ra, heirou Rome'ra kul chalphopkur 21.17-28.31.
Currently Selected:
PAOCHA Tlou Youthut: MARIBSI
Highlight
Share
Copy
Want to have your highlights saved across all your devices? Sign up or sign in
Maring Naga Bible - KHYINGEI PU'TLOU
Copyright © 2013 by The Bible Society of India
Used by permission. All rights reserved worldwide.