RAPHA HIQWA LAK 10

Nowaq Setiim Maiqlai Thun

(1 Ka 1.5-23)

1Nowaq setiim, Shem, Ham, kiimaq Japheth lai ala phan ka arthun ara. Ara wetsam raq rathup jüjang jai maq tsangsetiim humto.

2Japheth setiim ka arthun ara- Gomar, Magok, Madai, Jawan, Tubal, Meshekh, kiimaq Tiras riito. Arthun maiq phan arka tsangshiq lai ala phan mang ponti riito. 3Gomar saüse phan wa maiq phan thun ka Ashkenajnok mungti, Riphathnok mungti, kiimaq Togarmanok mungti riito. 4Kiimaq Jawan saüse phan wa maiq phan thun ka Elisha mungti, Spen mungti, Saipras mungti, kiimaq Rhodes mungti riito. 5Tsangshiq thun ka khamjong kii tro mung thun na siti maiq mung thun nai khamjong mong na siti maiqmung thun kriima kaüwa weraü riito. Arthun maiq phan arka Japheth lai wa apu wan riito. Tsangshiq ka maiq phan pong phan phan ma jawanto kiimaq pong mung mung niishe siwan raüta maiq phan aweatek raq maiqmiimii phan bom miishe siwanto.

6Hamsetiim thun ka arthun ara- Kush, Ejip, Libia, kiimaq Kanan riito. Arthun maiqphan arka tsangshiq lai ala phan mangponti riito. 7Kush saüse phan wa maiq phan thun ka Seba mungti, Hawila mungti, Sabta mungti, Raama mungti, kiimaq Sabteka mungti thun ka riito. Rama saüse phan wa maiq phan thun ka Sheba kiimaq Dedan mungti thun ka riito. 8Kush se ka weshi asi riito. Apaiq mang ka Nimrod. Apaiq ka mangjong hiq na rekhat tang wanti apha shaq shaq nola ajong pinthum riito. 9Tatiwe raq khrum kha maq apaiq ka ngam hiiptiwe laqkong pinthum riito. Kiimaq kra ningkhan maiq raq ngutlo, “Tatiwe raq Nimrod laqkong pinthum tiijataq kiikha ümniimin mitiijalaq!” 10Apha na apaiq mungtan thun ka Bebilon, Erekh, kiimaq Akkad mung thun kra riito. Ara maiq mung thun ka Bebilon mung na siisaq riito. 11Kriimiishe apaiq ka Asiria mung na wawanto. Raüta Ninewi chela, Rehoboth Ir chela, Kala chela, 12kiimaq Resen chela, kra tei wanto. Resen chela ka Ninewi chela nai ajongwiq Kala chela kra heawea na riito.

13Kiimaq Ejip saüse phan wa maiq phan thun ka Libia mungti, Anam mungti, Lehab mungti, Naphtu mungti, 14Pathrus mungti, Kaslu mungti, kiimaq Kret mungti thun ka riito. Kra mung thun wa Philistainnok kriishe puwanto.

15Kanan setiim ka, Sidon, apaiq ka chhikhuwe pinthum. Kiimaq Heth, tsangnai kiiwa tsangnai mangponti maiq phan thun ka puwanto. 16Kanan ka lai wa Jebusaiqnok, Amaraiqnok, Girgashaiqnok, 17Hiwaiqnok, Arkaiqnok, Sinaiqnok, 18Arwadaiqnok, Jemaraiqnok, kiimaq Hamthaiqnok thun kra puwanto. Kanan mung na siti maiq pongphan phan thun kriishe barap bin rii na riinyin shin siwanto. 19Kriika Kanan mung hiqrai ka Sidon chela maq riita hiqmai nü mung na Gajar chela tho na Gerar chela na saüli she riito. Kriimaq shedong nü nü niika Sodom, Gommora, Adma, kiimaq Lasha chela tho na Jeboiim chela na saüli riito. 20Ara maiq phan thun arka Ham lai wa apuwan siisaq. Tsangshiq ka maiqmiimii pong phan riiphan kiimaq pong mung riimung na, maiq miimii phan bom maq bom raüta siwanto.

21Kiimaq Shem ka Japheth ma aphu. Apaiq ka Hibrunok phan kunli ma kaüwati. 22Shem setiim ka Elam, Asshur Arpakhshad, Lud, kiimaq Aram riito. Tsangshiq ka tsangshiq lai ala tsangshiq mangponti puwantaq kra kaüwa titiim riito. 23Aram setiim ka Uj mungtinok, Hul mungtinok, Gether mungtinok, kiimaq Meshek mungtinok riito. 24Arpakhshad ka Shela ma awe. Shela ka Ebar ma awe. 25Ebar setiim ka wenai riito: weshi ka Peleg nguta mangto. Jamkhano ngukla apaiq pat na mangjong maiqse ka wiita ariiphea riikito. Kiimaq weshi ka Joktan nguta mangto. 26Joktan setiim lai ala thun ka Almodadnok, Shelephnok, Hajarmawethnok, Jerahnok, 27Hadoramnok, Ujalnok, Diklahnok, 28Obalnok, Abimaelnok, Shebanok, 29Ophirnok, Hawilanok, kiimaq Jobabnok riito. Arthun tarü ka Joktan lai ala wa apu wan siisaq. 30Tsangshiq shongchang hiq ka Mesha hiq maq riita shedong nü na ku akin mung kiiwa Sephar hiq na saüli riito. 31Arthun maiq phan arka Shem lai ala phan wa siisaq apuwan riito. Raüta tsangshiqnok thun ka maiq miimii phan rai kiimaq pong mung mung na, kongshi na siti ka maiq miimii phan bom maq bomtlo.

32Arthun maiqphan arka Nowaq lai ala wa siisaq apu wan riito. Raüta maiq miimii mung niishe maiq kaüwa weraü wawantaq kra tiiphan phan she, riiphea nyin wanto. Rathup jüjang wan jai maq maiq phan ümchuwa mangjong hiqraikhü na nyam wantaq kriika Nowaq setiim wa siisaq apu wan riito.

Currently Selected:

RAPHA HIQWA LAK 10: TANGSBSI

Highlight

Copy