ZECHARIAH 12
12
Jerusalem Hnunga Huksōtna
1Thangvân inlârsōt, ralei kasyem khana mihringhei hringna kape Rōngpu hnenga inphut Israelhei chunga ṭong ajongpek kha hivahi kae. Ama’n ati, 2“Jerusalem kha ke’n vomhrui ju kōklei inkhat kapōa kasyem sik; akimvea ka-om jât he’n an-in sik khana vomhrui ju-inruihei kapōa anhek anhek a kalôn sik hei. Anmani’n Jerusalem ankatōm pha, Judah khōpui ralak-hei kha’m anhlōsō sik hei. 3Tâk-kha khava kani ajōng tlung pha, Jerusalem kha hlung kahriktak kapōa kasyem sik jo, khava indom sik a a’ntluk jât khan abinga intôn sik. Raleichunga jât rakip ama buhluna sik a inchun sik jo hei. 4Khava pha khan, ke’n anshakorhei kha ṭitna kapek sik hei khana ankatôr hei kha kamanvetpek sik hei, ke’n Judah mihei kha ka-ensui sik hei, tâk anmani kadōihei shakor kha anhmit kamanchopek sik hei. 5Judah innshung he’n anbinga anti sik, ‘Chunghnung Rōngpu’n Jerusalema ka-om mihei hneng ratha apek jo hei.’
6“Khava pha, Judah phung mihei kha ram a achangmak leh hleipuk a sâng kahmin kâra hmei kasûk kaman-ang sik hei, ankimvea ka-om jât-hei ansuk manhmangsō sik hei. Jerusalem mihei khachu khōpui shunga huksōt a ka-om sik hei.
7“Rōngpu ke’n Judah remihei hneng ahma inkeipena torna kha kapek sik hei, khavakha David sōnhei leh Jerusalema mipuihei tachen sik kajana kha Judah mi ralak-hei chen kanek a alenchet makna sik a kae. 8Khava pha Rōngpu’n Jerusalema ka-om mihei kha ahuk sik jo hei, ankâra akatlasam pen kha’m David kapōa kahrat sik jo. David sōn leh pârhei khan Rōngpu ngevahei kapōa, Pathen kapōhrep a hlam ankei sik jo hei. 9Khava pha Jerusalem buhluna sik a a’ntluk jât rakip ke’n kasuk manhmang sik jo hei.
10“David sōn leh pârhei leh Jerusalema mipuihei kha lungsetna leh der hnōmna malung kapek mansip sik hei. Anmani’n antasun hlon mi inkhat kha an-en sik jo, naipang inkhat rōk chunga ṭajaisui kapōa kaṭap sik hei.#Jn 19.37; Ṭph 1.7 Sapa hma inkeipen athi pha ṭajai kapōa anmani’n malung kana tak a ansui sik.#Mt 24.30; Ṭph 1.7 11Khava pha Jerusalem khōpui shunga ṭajai suina kha Megiddo phaichama Hadad Rimmon sik a rahnaktak a ṭajai suina kapō kachang sik. 12-14Ram shunga innshung rakip in ṭajai ansui sik: David sōnhei, Nathan sōnhei, Levi sōnhei, Shimei sōnhei, khana innshung ralak he’n ansui sik. Innshung rakip in anbing et a ṭajai ansui sik, innshunga paseseng khan nuhmeihei leh anhlop-hlop a ansui sik.’
Currently Selected:
ZECHARIAH 12: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
