MATTHEW 13

Hmuchi Kavorpa Tekâk

(Mk 4.1–9; Lk 8.4–8)

1Khava ning tak a khan Jesu’n inn kha adahlona kasesōt a dîrpang khat a mi manthei sik a in-ong jo. 2#Lk 5.1-3Mipui ahong intûp hei kha antamrei jâra ama chu rakōng shunga kahlut a le’n ong jo, khana mipuihei khan tuipanga leikangir hei. 3Ama’n ṭong katamtak aman theina heia khan tekâk aleihmanga kae.

“Pha khat a hmuchi kavor akase mi inkhat leika-om. 4Ama’n khanga avorlai, hmuchi ṭhahrep hlamdunga katla, khana chunga vahei kahong heia anhrutsō jo. 5Alak ṭhahrep ralei thai om makna hlung kâra katla thei. Hmuchi kha inranga hongkakek, ajârchu ahmun kha ralei thai inthûkmak a kae. 6Tâk kani ahong inshâng pha kani kalum in sakung kadông kha amanvōi jo; arajung kha inthûk a aṭhōmak jâra, inranga invōia kachâr jo. 7Hmuchi ṭhahrep rahling chap kâra katla hei, rahling kha ahongkek inshâng pha akabuksi jo. 8Tâk ṭhahrep chu ralei thai ṭhatna hmun a katla hei, sakung khan kara anei jo; ṭhahrep in kara 100; alak he’n 60, khana alak he’n 30 inra heia kae.”

9Jesu’n achaina ati, “Kōr kanei in rangei ruh!”

Ṭong Tekâkna hei Jârpen

(Mk 4.10–12; Lk 8.9–10)

10Khava sōa sonlehei kha Jesu hneng kahong heia ahnenga ander, “Mihei hneng ṭong nahri pha heisa mo tekâk nahmang?”

11Jesu’n amasôn hei, “Nangni hnenga marvân Rengram in-ip kha manhretna sik inpek jo chei; tâk anmani chu la’npek mak hei. 12#Mt 25.29; Mk 4.25; Lk 8.18; 19.26Ajârchu akanei mi kha inhleia aneisana sik a’npesa sik kae; tâk heite kaneimak mia inphut ajingte anei kapha kha losōt sik kae. 13Ke’n anhnenga ṭong tekâk a kahrina ajârchu, anmani’n an-en pupuma hmumak hei, anrangei pupuma theimak hei khana manhret mak hei. 14#Is 6.9,10Sânkathem Isaiah talei sânsōt kha anmani chunga akatlung kae:

‘Hiva mihei hin arangei chu anrangei sik, tâk manhret mak hei ning;

a-enchu an-en sik, tâk hmumak hei ning;

15ajârchu hiva mihei malung hi kamoa kae,

anmani’n ankōrhei ansing,

anhmit hei ankathim.

Kha achangmak inchu, anhmit hei in aleihmu sik,

ankōrhei in aleithei sik a kha,

anmalung in aleimanhret sik,

khana anmani kei hneng he’nle sik hei,

Pathen in ati,

khana ke’n anmani kaleimandam sik jo hei.’

16 # Lk 10.23,24 “Tâk nangni chu heituk a mahâm kaṭha jo chei mo! Nanhmit hei in ahmua nankōrhei in athei jo. 17Kahri manchên pek chei kae, nangni tahmu hei hi sânkathemhei leh mikadik katamtak he’n anleihmu hnōmhêr, tâk leihmu tor mak hei, khan chu nangni tathei hei hi anleithei hnōm, tâk leithei tor mak hei.

Jesu’n Hmuchi Kavorpa Tekâk Ahri manchên

(Mk 4.13–20; Lk 8.11–15)

18“Khan chu nangni’n hmuchi kavorpa tekâk hi heitina mo rangei ruh khana manhret ruh. 19Rengram ṭong chu anthei jo hei, tâk-kha manhret theilo mihei kha hlamdunga akatla hmuchi kapō hei kae. Akaṭhamak Inkhatpa kha kahonga anshunga a’nvor hmuchi kha alosōt pek jo hei. 20Hlung kâra hmuchi a’nvor khachu, aṭong kha antheilim leh inpâktak a a’nhlâng mihei kha kae. 21Tâk arajung inthûk a aṭhōmak jâra pha kasôt om tor mak. Khana khava ṭong jâra khan suk manrim a-emak leh khōdeng theina ahong pha, inranga anmasō loi jo. 22Rahling chap kâra hmuchi invor khachu, aṭong kathei mi, tâk hiva ralei hringkhō malung châmna, nei leh haona khan akabuksia kara nei tor mak. 23Ralei thai ṭhatna hmun a a’nvor hmuchi khachu aṭong kathei, a’nhret inchên mi kha kae: kara anei, ṭhahrep in 100, ṭhahrep in 60, ṭhahrep in 30 inra heia kae.”

Kahar Tekâk

24Jesu’n tekâk hlop inkhat amanthei hei, “Marvân Rengram khachu hiva kapō kae. Pase inkhat in ahleia hmuchi kaṭha avor. 25Ni khat jân a, mi rakip anje kathi, aka-en kada mi kahonga kahar chi kha gehu kâra khan avor pek a kase jo. 26Gehu kha hong kakhanga savui ahong sōk jo pha, kahar kha’m ho’nlârsōt joa kae. 27Hlei kapu sōk-hei kha kahong heia, ‘Apu, hmuchi kaṭha rōk nahleia navor kae, khona inphut mo kaharhei so akakeksa hei?’ anti. 28Amasôn hei, ‘Ani ka-en kada mi ṭhahrep taleitlo jo kae.’ Anmani’n, ‘Khan chu keini’n kaharhei so akase unga kanta vaphoisōt a kantavachom mantûp sik namadu mo?’ anti. 29Ama’n ati, ‘Changmak, kahar nanphoisōtna khan gehutak he’m nanphoi sōtsa sik. 30A-ât phamak kârseng gehu leh kahar keksap jo hei rasoh. Khava pha saka-ât hei hneng ahma inkeia kaharhei phoisōtna sik, ahloma khitna sik khana hmeikhura hlon manhlutna sik, khava sōa gehu hei kha khôm mantûp heia sasōra thōn manhlutna sik kahri pek sik hei.’

Anṭamhmu Tekâk

(Mk 4.30–32; Lk 13.18–19)

31Jesu’n tekâk-lak inkhat amanthei nôk hei: “Marvân Rengram kha hiva kapō kae. Mi inkhat in anṭamhmu inkhat aloa ahleia avavor jo. 32Khavakha hmuchi kâra akasinpen inkhat kae, tâk ahong keksōt pha, hivahi kahar kâra akalenpen kung inkhat hong kae. Thingkung inkhat hong kae, vahei kahong heia abâk chunga rabu ankeia kae.”

Chephi Tekâk

(Lk 13.20–21)

33Jesu’n tekâk hlop inkhat ahri pek nôk hei: “Marvân Rengram kha hiva kapō kae. Nuhmei inkhat in chê ajing aloa jâm litre 40 leh akachep a asem manpōrmak kârseng aphi kapō kha kae.”

Jesu’n Tekâk Ahmang

(Mk 4.33–34)

34Jesu’n mipuihei hneng kha rakip mantheina khan tekâk aleihmanga kae; tekâk loa anhnenga ama’n heite leihri mak. 35#Hl 78.2Ama’n hiva aleihmang hi sânkathem taleihri kha hui atlungna sik a kae:

“Anhnenga ṭong kahri pha tekâk kahmang sik,

vânhnōi insyembia ṭong in-ip kha anhnenga kahri pek sik hei.”

Jesu’n Kahar Tekâk Ahri manchên

36Jesu’n mipui kha adahlon heia innshunga ahlut pha, asonlehei ahnenga kahong heia, “Hleia kahar tekâk chungchânga ahri manchên pek roh,” antia kae.

37Jesu’n amasôn hei, “Hmuchi kaṭha kavorpa kha Mihring Sapa kha kae; 38hlei kha vânhnōi ralei hi kae; hmuchi kaṭhahei kha rengram a mihei kha kae; kaharhei kha Akaṭhamak Inkhatpa mihei kha kae; 39khana aka-en kada kahar kavor kha Diabol kha kae. Sa-ât pha khan kum inchai sik kha kae, saka-ât sik hei kha marvân ngevahei kha kae. 40Kahar kakek hei kha chom mantûp a hmeikhura ro sik kapōa, kum a’nchai pha Khang’khan kati sik a kae. 41Mihring Sapa khan marvân ngevahei ajōngtir sik hei, khana anmani’n a-Rengram shunga mikasu inpaihei leh ṭhatmak katlo rakip ankhôm mantûp sik hei, 42khana anmani’n hmeikhur shunga anhlon manhlut sik jo hei, khava hmun a ṭap leh ha karôtna annei sik jo. 43Khana Pathen mihei khachu an-Pa Rengram shunga kani kapōa kavâr sik jo hei. Khava jâra kōr kanei in rangei ruh!”

Karōi Inthup Tekâk

44“Marvân Rengram khachu hiva kapō kae. Hlei inkhat shunga karōi antathup a aka-om kha mi inkhat in ahmu sōt a kae. Avûm malea ratha kahroktak a kasea anei rakip avajōrsōt a khava hlei kha a’nchôk a kae.

Hlung mankatam Tekâk

45“Khan nôk chu marvân Rengram kha hiva kapō kae. Mi inkhat in hlung mankatam kaṭha ajonga kae, 46ama’n ahlopdet a akaṭha inkhat ahmu pha, kasea anei rakip avajōra khavakha a’nchôk a kae.

Len Tekâk

47“Khan nôk chu marvân Rengram kha hiva kapō nôk kae. Nga kasur ṭhahrep he’n anlen dîr shunga anvora nga jât rakip ansura kae. 48Anlen kha asip jo pha, ankeisōt a tuipanga insem sik a in-ong jo hei: nga kaṭha seng kha voshunga anthōn hei, hmangthei mak seng khachu anhlonsōt heia kae. 49Pha a’nchai ning hiva kapōa kachang sik: marvân ngevahei kajōng sik hei khana mikadik mak hei kha mikadik-hei kâra inphut ankhôm mantûp sik hei 50khana hmeikhura anhlon sik jo hei, khana khan kaṭap sik hei khana anha ankarôt sik jo.

Akadik Ather leh Amarō

51“Hiseng hei hi nanmanhret mo?” tia Jesu’n ader hei.

Anmani’n, “Ôk,” anti.

52Khava jâra amasôn hei, “Hiva tina hichu marvân Rengram a sonle inkhat kachang Dân Oja rakip hei khachu, akarōi manbukna inphut neinâk marō leh neinâk ther aheikakeisōt inn kapu kapō kha kae.”

Jesu kha Nazareth a Antarahlâng mak

(Mk 6.1–6; Lk 4.16–30)

53Jesu’n tekâk hei seng kha ahrisō pha khava hmun kha adahlon jo 54khana akhōpuiting he’nle jo. An-intûpna inna amanthei hei, akathei he’n inlak anleisak a kae. Anmani’n, “Ama’n khona inphut singna hi a’nhmu mo?” tia inder hei. “Ama ṭōn inlak-hei hin heikhong inmo? 55Ama thing mistri sapa kha changmak mo? Anu kha Mary changmak mo, khana asōpui James, Joseph, Simon leh Judas changmak hei mo? 56Khana anainu rakip hin aka-om hei changmak hei mo? Khona inphut mo hivahei seng hi ava’nlo?” anti. 57#Jn 4.44Khava jâra ama kha leirahlâng mak jo hei.

Jesu’n anhnenga, “Sânkathem inkhat kha a-innshung leh aram shunga tei loa hmun rakip a chu kajana anpek,” ati. 58Anmani’n antaksen mak jâra, khava hmun a khan ama’n ṭōn-inlak katamtak leitlo mak.

Currently Selected:

MATTHEW 13: KOMRBSI

Highlight

Copy