LUKE 3

Tui Inhlutpa John Ṭonghrile

(Mt 3.1–12; Mk 1.1–8; Jn 1.19–28)

1Tiberius Rengkalen vairônna kum 15 atluk pha, Judea ramṭhen a vaikarôn kha Pontius Pilate leikachang, Herod in Galilee ramtlâk vai aleirôn, khana anaipa Philip in Iturea ramṭhen leh Trachonitis vai aleirôn; Lysanias in Abilene vai aleirôn, 2khana Anna leh Caiaphas Thempu Kalen leikachang hei. Hiva pha hin nêrdiram thōia Zechariah sapa John hneng Pathen ṭong kha jōng katlung. 3Khava jâra Jordan ram pumpui kimvea John kalônlea, “Nanmalung thleng una tui hlutna tlo ruh, Pathen in nansetnahei arangei mandam sik chei,” tia ahrilea kae. 4Ti chu Isaiah sânkathem in hinga aleihri mazetsōt kapō kha kae:#Is 40.3-5

“Nêrdiram a mi inkhat ka-ông:

‘Rōngpu hlamlen kha mantluk ruh,

alônna sik hlam mantlun ruh!

5Ankōk rakip mansip sik,

hme leh tlâng rakip manre ruh.

Hlam in-ôn rakip mantlun ruh!

Hlam kaphok hei kha manne hei ruh.

6Jât rakip in Pathen hukmanhringna antahmu sik kae!’”

7John hneng tuimanhlut kachang sik a mi katamtak heikasōk jo hei. Ama’n anhnenga ati, “Eh marihei, Pathen hnuk natna ajōng katlung sik a inphut nantlânsōtna sik tu’n mo amanthei chei?#Mt 12.34; 23.33 8Nanmalung thlengna kha hmutheina sik hihei hi tlo ruh. Khana nangni’n nankâra, Abraham kha kanpu sōn kae, ti nôk mak jo ruh. Ke’n kahri pek chei kae, Pathen in Abraham sōn leh pârhei kha hiva hlung heia inphut hin asyemsōt tor a kae!#Jn 8.33 9Thingkunghei akung beret a inphut phûr mathlûkna sik hreicha mantluksō jo kae; thingkung kara kaṭhamak rakip kha phûr mathlûk a hmeia ti sik kae.”#Mt 7.19

10Mihei khan ahnenga andera, “Khan chu keini’n heimo kantatlo sik?” anti.

11Ama’n amasôn hei, “Tu enum zakkō 2 kanei mi khan akaneimak mi kha inkhat pek rasoh, khana bu sâk sik kanei mi khan akaneimak mi kha sâkpui rasoh.”

12Ramsêr kaṭheihei ṭhahrep tui hlutna sik ahnenga kahong heia ander, “Oja, keini’n heimo kantatlo sik?”#Lk 7.29

13Ama’n anhnenga amanthei hei, “Nanta’nṭhei sik jahrep kakhea ṭheimak ruh.”

14Khana remihei ṭhahrep inum ander, “Keini’n heimo kantatlo sik?”

Ama’n anhnenga ati, “Rumhrat a tûte sêr lomak ruh a-emak leh dik loa tûte maher mak ruh. Hlō nantahmu hrep kha tlaipui ruh.”

15Mihei inhōrna kha hong kalen chet a, ama Messiah jo tâk mo antia, John chungchânga anmandon-hla joa kae. 16Khava jâra anhnenga John in ahri, “Ke’n tui vâng tuimanhlut katlo chei, tâk kei kanek a akalen jôk kha kakahnunga kajōng. Kei ama kekōk hrui kasōt sik bek um karahōi sōk mak. Ama’n nangni Rathla Intheng leh hmei vâng manhlutna atlo sik cheia kae. 17Sâng kha sapanga khumna sik a, sâng rakip vōk maṭhia ajâpna sik yângjâp leh inṭhōia kajōng; tâk akathi theimak hmeikhur shunga arasihei kha aro sik heia kae.”

18John in mihei kha anhlam hro anthlengna sik ṭong kaṭha kha ahlam katamtak vânga aleihrile pek hei. 19Tâk-kha John in Herod, vaikarôn kha hrimanṭhat mak a kae, ajârchu anaipa nuhmei Herodias kha aleiompui jo khana ṭōn kaṭhamak katamtak aleitloa kae.#Mt 14.3-4; Mk 6.17-18 20Khana Herod in John kha asura kurkhum a akhum jâra khan ṭōn akasechet atlosa jo.

Jesu Tui hlutna

(Mt 3.13–17; Mk 1.9–11)

21Mi rakip tui anhlutsō pha, Jesu’m tui kahlut jo. Ama’n derna aneilai marvân kot jōng inhlanga, 22khana Rathla Intheng kha taksa kaneia vaṭhu kapōa jōng kaṭuma achunga kachu jo. Khana marvâna inphut rasa inkhat in, “Nang kasapa marittak che kae. Nachunga kamalung katlai,” ajōng tia kae.#Aph 22.2; Hl 2.7; Is 42.1; Mt 3.17; Mk 1.11; Lk 9.35

Jesu Puhrui Pahrui

(Mt 1.1–17)

23Jesu’n aṭōn aphut pha hin kum 30 kapō jo kae. Mihringhei mandonna dungjuia ama puhrui pahrui abân bâna: ama hi Joseph sapa, Heli sapa, 24Matthat sapa, Levi sapa, Melchi sapa, Jannai sapa, Joseph sapa, 25Mattathiah sapa, Amos sapa, Nahum sapa, Esli sapa, Naggai sapa, 26Maath sapa, Mattathiah sapa, Semein sapa, Josekh sapa, Joda sapa, 27Joanan sapa, Rhesa sapa, Jerubbabel sapa, Shealtiel sapa, Neri sapa, 28Melchi sapa, Addi sapa, Cosam sapa, Elmadam sapa, Er sapa, 29Joshua sapa, Eliezer sapa, Jorim sapa, Matthat sapa, Levi sapa, 30Simeon sapa, Judah sapa, Joseph sapa, Jonam sapa, Eliakim sapa, 31Melea sapa, Menna sapa, Mattatha sapa, Nathan sapa, David sapa, 32Jesse sapa, Obed sapa, Boaz sapa, Salmon sapa, Nahshon sapa, 33Amminadab sapa, Admin sapa, Arni sapa, Hezron sapa, Perez sapa, Judah sapa, 34Jacob sapa, Isaac sapa, Abraham sapa, Terah sapa, Nahor sapa, 35Serug sapa, Reu sapa, Peleg sapa, Eber sapa, Shelah sapa, 36Cainan sapa, Arphaxad sapa, Shem sapa, Noah sapa, Lamech sapa, 37Methuselah sapa, Enoch sapa, Jared sapa, Mahalaleel sapa, Kenan sapa, 38Enosh sapa, Seth sapa, Adam sapa, Pathen sapa kae.

Currently Selected:

LUKE 3: KOMRBSI

Highlight

Copy