A’NPHUTNA 9
9
Noah hnenga Pathen Ṭongtep
1Pathen in Noah leh asapahei vâng apek a, “Nasōn-napâr he’n raleichung pumpuia an-om theina sik sa leh nai katamtak nei ruh.#Aph 1.28 2Sha rakip, va leh nga he’n nangni anṭit sik chei. Ankhenga nangni ratha neina thōia man om jo hei kae. 3Tûn hihei hi, thingbō rōbō ka-êm hei leh inṭhōia nansâk thei sik hei; ankhenga nansamsâk sik a kapek jo chei kae. 4Nantasâk mak sik chu, thisen kha ataksa hme leh inṭhōia sathei mak tin chei. Ke’n kakhârna ajârchu hringna hi thisena aka-om kae.#Lev 7.26,27; 17.10-14; 19.26; Dân 12.16,23; 15.23 5Tu mo inkhat in mi athat inchu, ama kha karâkna pek sik kae. Khana tu ran mo inkhat in mihring athat inchu khavakha thina karâkna pek sik kae. 6Mi inti hi Pathen lim a a’nsyem kae, khava jâra tu mo inkhat in ama kha athat jo’nchu mikathat kha’m mihlop inkhat in athat sik kae.#Sōk 20.13; Aph 1.26
7“Raleichung pumpuia nansōn nan-pâr kasip a an-omna sik a sa leh nai katamtak nantanei nger sik kae,” ati.#Aph 1.28
8Pathen in Noah leh asapahei hneng ahri, 9“Tûn ke’n nang leh natu-nasahei hneng intepna kanei kae, 10hivahi akahring rakip, va rakip leh sha rakip, rakōnga inphut nang leh nahong sōkpui rakip hei leh intepna jo kae. 11Ke’n ṭongsō hei vâng hin nang leh intepna kanei kae: akahring inti hei hi ave nôk a tuishânglen vâng that manram mak jo hei ning; tuishânglen in ralei hi manhmang mak jo ning. 12Nang leh akahring rakip hneng aka-om ṭhak sik jo intepna kaneipui chei kha mêrchîkna sik a, 13ke’n sumtuk shunga kasaisûm kada sik kae. Hivahi raleichunga kaṭongtep mêrchîkna kha kachang sik. 14Chungvân kha sumtuk in amakhu tlit a khana saisûm ahe’nlâr pha, 15ke’n nang leh ranhring rakip hneng kalei intepna, akahring rakip tuishânglen vânga that mak jo chei ning ti kha kamandonsōt sik kae. 16Sumtuk kâra saisûm kha ahong inlâr pha, ke’n khavakha ka-en sik, khana kumsôt sik a raleichunga kei leh akahring hei kâra ṭongtepna kha kamandonsōt sik. 17Khavakha ranhring rakip hnenga kaṭongtep mêrchîkna kha kae.”
Noah leh Asapahei
18Rakōnga inphut ahong kasōk Noah sapahei khachu Shem, Hem, Japheth hei kae, (Hem kha Canaan pa kae). 19Hiva Noah sapa 3 hei hi raleichunga mi rakip pa leh puhei kae.
20Hlei kathlō Noah kha vomhrui rahōn kathlō ahma kakeipen kae. 21Noah’n vomhrui theiju a-in jâra inrui joa pōnbōia apōn-inna kajea leika-om. 22Canaan pa Hem in apa pōnbōia a-om kha ahmu pha kasōksōt a a-u anai 2 hei hneng aleihri pek hei. 23Khava sōa Shem khana Japheth in pōn insedun inkhat anloa andâr katlunga anmakheia ankahnungting insôn heia pōn-inn ansora anpa pōnbōia aka-om kha anva makhu. Anpa pōnbōia aka-om kha hmu makna sik antia anhmai anmahe. 24Noah aju inrui kha ahei ṭhat jo pha asapa mathlum pen leitlo pekna kha amanhret jo. 25Khava jâra ama’n ati,
“Canaan hâksêrna chen rasoh!
A-u anaihei sōk chang rasoh.
26Shem Pathen Rōngpu manpâk a om rasoh!
Canaan kha Shem sōk kachang sik.
27Pathen in Japheth manpung rasoh.
Asōn leh pârhei kha Shem mihei leh om hei rasoh.
Canaan in Japheth sōk kachang sik.”
28Tuishâng alensōa Noah kum 350 lakahring, 29khana akum 950 atluk pha kathi jo.
Currently Selected:
A’NPHUTNA 9: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.
