ṬŌNTLOHEI ṬONGHLAMSÂT
ṬONGHLAMSÂT
Sonlehei Ṭōntlohei hi lekha Luke bân kajōm kae. Hiva lekharabu a’nzetna jâr leh bitinpen chu; a’nphutbia Jesu kahnung leikajui hei kha Rathla Intheng hlamṭhōina vâng heikhong mo ama ṭong kaṭha hi “Jerusalem, Judea ram pumpui, Samaria khana raleichung achaina katlung” a phôngsōtna anta leinei tor tina chungchâng kha ahria kae. (1.8) Hivahi Jehudi mihei kâra inphut a vânhnōi pumpui sik a taksenna kung anchangna, Christian inthokna thuhming kae. Hiva lekha inzetpa hin Christianhei hi Rome rengram a invairônna kasukset sik a chokchi leh bōina kasyem sik changloa Christianhei taksenna hi Jehudihei bekṭong huitlungna kae ti hi hri manchênna aneia kae.
Hiva Ṭōntlohei lekharabu shunga ṭongpui hei hi Jesu Christa chungchânga ṭong kaṭha phông manzerna leh bekrup-hei phunsōtna chunga malârna akarôn pen hlamthuma ṭhen thei kae: (1) Jesu marvân aketou kahnunga Jerusalema Christian hong inthok inphutna; (2) Palestine ramkîr-ramkâk rakip a seilenna; (3) Abân nôk a Mediterranean tui-ôngpui ram kimve leh Rome katlunga seilenna.
Hiva Ṭōntlohei lekharabu apui karônpen ṭonghmun hichu Rathla Intheng ṭōntlo hi kae. Pentecost ninga Jerusalema ka-om takkasenhei chunga ajōng kaṭum Rathla Intheng ratha neina khan, hiva lekha shunga a’nphông omchen kasōk rakip chunga, bekrup leh anhlam kakeihei kha injônjet a aṭhōina leh amanngarna hei kha inzet. Anphutbia Christianhei ṭong kha hri manbonga, hmun katamtak a inzet, khana omchen kasōk hei, Ṭōntlohei shunga a’nzetsōt ṭonghei hin atakkasenhei hringkhō shunga leh bekrup-hei inloikhômna shunga ratha aneina kha amalâra kae.
Ṭōntlohei hi Theophilus hnenga ale’nzet chithi 2 tlukna kae (Lk 1.3). Rahming phō loa aleika-om lekha kae. Greek he’n Ṭōntlo tia anleiphō; hiva chunga Sonlehei hi anhapsa nôk. Luke lekha leh hivahi Theophilus hneng ale’nzet sōm achang jâra Luke tamazet hei kae tia inlo jo hei. Ama hi Jât-hlop kae, Doctor kae (Col. 4.11,14); Paul khōhme sena ale’nṭhōipuia kae.
Paul in Rome a kurkhum a aleiomlai (A.D. 60–62) amak hma omchenhei seng asun manhlut sō leh abân hapsamak jo; achang jâra lekha hi hiva mak hma aleimazet lei-e jo sona taksen kae.
Aka-om seng
Sâkhi changna sik a intlukna 1.1–26
a. Jesu ṭongpek chaina leh ṭongtep 1.1–14
b. Judah kathlengpa 1.15–26
Jerusalema sâkhi changna 2.1–8.3
Judea leh Samaria a sâkhi changna 8.4–12.25
Paul ṭōntlo 13.1–28.31
a. Ahma inkei beklanga khōhme se 13.1–14.28
b. Jerusalema vaipui inkhômna 15.1–35
c. Vōihni tlukna beklanga khōhme se 15.36–18. 22
d. Vōithum tlukna beklanga khōhme se 18.23–21.16
e. Paul in jerusalem, Caesarea leh Rome heia kurkhum a a-om 21.17–28.31
Currently Selected:
ṬŌNTLOHEI ṬONGHLAMSÂT: KOMRBSI
Highlight
Share
Copy
Want to have your highlights saved across all your devices? Sign up or sign in
Komrem Revised Bible - LEKHARABU INTHENG
Copyright © Bible Society of India, 2015.
Used by permission. All rights reserved worldwide.